والله الواحد بطل يعرف شو لي بده اياه بعض الناس ....بلشوا بالفساد ومحاربة الفساد وبدنا اصلاح وبدنا وبدنا ....طيب بلشت الدولة الاردنية والحكومة تحديدا بمحاربة الفساد وهناك قضايا بالمحاكم وهناك قضايا ما زالت منظوره وهناك اعادة نظر ومراجعة في الاجراءات الجمركية وتحصيلات ضريبة الدخل والمبيعات وفي حديث جاد عن الاصلاح الاداري وهو الاصل وبعض الاجراءات الاقتصادية المطلوبه حاليا للتخفيف من وطأة واقع الحال ....وفي الاسابيع الاخيرة تشكلت لجنة اصلاح المنظومة السياسية ورغم الهجوم عليها وهو متوقع في مجتمعنا لان البعض بعده على مبدأ كل عرس لازم يكون اله قرص عشان هيك مش عاجب البعض العدد ولا نوعية الاشخاص وانا بقول لو اعيد تشكيل اللجنة ١٠٠٠ مرة او مرات بحيث نصل الى ان يكون كل الشعب مشمول باللجنة لن نصل الى وضع رضى بالمطلق عن اللجنة ولكن ما نراه عمل جاد وهناك ما يرشح باننا نسير بالطريق الصحيح وان يكون هناك نتائج حسب ما يهم غالبية الاردنين ولاول مره يكون ظمانات ملكية للتطبيق والتنفيذ ...طيب نعود الى البعض والى ما كانوا يريدون وما تحقق من ذلك وهو الغالب ولكنهم بعدهم يشككون وبعدهم يتحدثون بكل شؤم وعدم ثقة في كل الى قاعد يحصل وبكل شي تعمله الحكومة حتى بالاشي الكويس والمناسب... خلص الجماعة بعدهم متمسكين بانه ما في جدية وما في شي صح وكل الي قاعد يحصل مش مزبوط ومش صحيح ...طيب يا جماعة شو القصة فهمونا ولوين بدكوا تصلوا ويا اخوان الحكومة تجتهد تصيب وتخطيء وبلاش انظل نحكم قبل ما نشوف ونحكم بالمجمل وعلى الكل ...يا جماعة والله احترنا يا قرعة من وين نبوسج ...
مع الاعتذار على اللهجة العامية
الرجاء الانتظار ...
التعليقات