اريد حلا لمشكلتي

28-01-2019 09:32 AM

تعديل حجم الخط:

سرايا - انا خطبت وانفسخت خطبتي بظلم وانظلمت وانحكى عن شرفي حسبي الله ونعم الوكيل بس.
المهم خطبت بعد سنة ونص من التعب والمعاناة النفسية والجسدية الحمد لله...
خطيبي عنده مرض الكذب ،واكتشفت هاد الشي بعد الخطبة بأسبوع واحد بين حقيقته وبطلت فارقة عنده،بتصرف تصرفات كثير فقعت معي خلص بطلت قادرة أتحمل،برجع بنخرس وبحكي اذا تركت هيك راح الناس يتأكدوو إن كلشي سمعوه عني من تهم باطلة هي مزبوطة،،،اخخخ وبلشت المعاناة ترجع ...
حكيت بخطب وربنا بعوضني اكيد...
المهم ما بتصل علي بلمرةة مع العلم هو طلع بشتغلش يا حسرتي وبضل متكند في الدار متل النسوان،ولا ببعت مسجات ،ولا بهتم متت عشت الخ...
بس ببعت قبل ما ينخمد تصبحي ع خير
انا فقعت معي خلصصص خلصص حكيت لا ابوي حكالي اتجاهليه ،اتجاهلته ما فرقت عنده،اتصلت عليه اهتميت فيه ما فرقت عنده ..
واجهته قدام امه وابوه حكالي انا بحببك وبدي اجهز الدار بس مضغوط..
طب يلي مضغوط بقوم يدور ع شغل ،بحدد قاعة للعرس حتى لو بعد سنة..
مش حاسة حالي خاطبة
واجهته حكتله انت بتتجاهلني عشان تتطلع مني الكلمة الترك وانا أدفع المخاسر.
خلص احكي شو بدك
حكالي لا يا هبلة ولك بحبك بس بدها صبر الشغلة،وانا بنت بهمنيش المصاري قد ما بهمني الحب والاهتمام ،وانا فرفوشه،كل ما اضحك بحكيلي بلا هبل اخرتنا ع هلقبر وكل حكي مووت خلص بدنا انموت وكلشي كآبة وكل عمره ياعالم 24سنة متخيلين وعقله عقل ابن تسعين ،عقله حجر غير شكل،،حتى ابوه وامه بهدلوه قدامي انجنوا من هلمخ يلي عاتله ،جلطني جلط.
هيني 4اربع شهور
شو اسوي
يلي راح يحكي طنشيه ع الفاضي مش فارقة عنده
ويلي بده يحكي اتركيه فش معي مصاري ادفع لأن عملي خطبتي بأفخم قاعة وبدلة غالية ومن اغلى صالونات الشعر وأشياء كثيرة لوازم الخطبة
ثاني يوم الخطبة بلش العذاب،فرجاني حياة وردية
انصحوني ياعالم منشان الله اتعبت
حتى بلوكات حطيت وما فرقت عنده ...انصحوني
وما اتجرحوش فيه انا بنت حابة اتزوج وانستر في هلحياة ،بس شو اسوي ...
وما تعطوني حلول انا اعملتهاا ،كلشي بتتوقعوه اعملته.
انا بنت واضحة وبحكي شو بدي اما هو لأ غامض.."

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 21243


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	28-01-2019 09:32 AM سرايا
2 -	زوااااااااااااجكما محكوووووووووووووووووووم عليه بالفشل ...............اتركيه الان وادفعي له ما خسره وانت الكسبانة ........	28-01-2019 04:13 PM الى فيلسوفة زمانها التبليغ عن إساءة
3 -	قرف يلي يقرفك عهيك عيشة انت اخترتيها لنفسك . هبلة خطيبك عنده ضعف جنسي خليه يفحص و يجيب التقارير . مستحيل شب خاطب ما يظل يطلب من خطيبته جلسات حميمية او اتصالات حميمية و عزايم عالمطاعم و كذا . مستحيل تلاقي واحد خاطب متله صدقيني عنده خلل جسدي و نفسي . وهو مخبي عليكم هالشي أكيد . إذا تبين إنه عنده متل ما عند خطيبي لما أنا كنت خاطبة معناها بكون كذب عليكم هو و أهله و جابولك واحد ما عنده ذكورية يلي يهنيك أو تنبسطي معه ؛ عمستوى هيك و انت خاطبة بعمل فيك ما بسال عنك شو بتتوقعي لما تتزوجي ؟ هذا مش بس برود عاطفي هذا عنده خلل و انت الضحية . إذا تبين هالشي بإمكانك ترفعي عليه قضية و تخلي الموضوع من صالحك و هذا حقك طبعآ ؛ لإنه هو و أهله مش سائلين عن حضرتك و انت يلي ماكليتها و حاسة بالحامي و كإنهن بنات الناس لعبة . أو حتى بإمكانك ترفعي عليه قضية إهمال عاطفي إنه ما بتعامل معك كوحدة حلاله على سنة الله و رسوله . ما دام كاتبة كتابك هذا حلالك و الشي يلي بربط الرجل بزوجته هو الحياة الحميمية . و إذا هاي ما عنده القدرة يعطيكياها معناها حقك ترفعي عليه قضية . موفقة	28-01-2019 06:36 PM آيات التبليغ عن إساءة