حرية سقفها السماء

وكالة سرايا الإخبارية

إبحــث في ســــرايا
الثلاثاء ,19 مارس, 2024 م
طباعة
  • المشاهدات: 8310

هذيان وزاري

هذيان وزاري

هذيان وزاري

22-05-2009 04:00 PM

تعديل حجم الخط:

بقلم :

 

بعد جلسة مطوّلة لمجلس الوزراء، تناول رئيس الوزراء والوزراء وجبةً دسمةً جداً أتبعوها بتناول الشاي بالنعنع، ويبدو أنهم أفرطوا في الطعام والشاي، فغلبهم النُعاس وناموا وبدأوا يتمتون بكلام هو أقرب إلى الهذيان منه إلى الصحو، فرصد مواطن حالة الهذيان تلك   ثم أفرغها على الورق فكان فيها..

 

رئيس الوزراء: ما ضل وقت يا شباب، بدنا انجاز يبيّض وجوهنا

 

وزير التخطيط والتعاون الدولي: أهم شيء بالحياة الواحد يكون عنده خُطة

 

وزير المالية: والله ما هي راضية تزبط يا باشا، بتروح شمال، بتروح يمين، كيف ما حبستها،   فيها عجز!

 

وزير الخارجية: شو هالحالة؟ العرب "مفرفطين" ونتياهو صار رئيس ورزاء، يعني سلامتك لا ظل مفاوضات ولا ظل سلام ولا ظل مبادرة ولا حل نهائي! يا ريتني وزير داخلية!

 

وزير الداخلية: والله الأوضاع داخلة ببعضعها والشغلة صعبة كثير، عن جد يا ريتني وزير خارجية!

 

وزير الصحة: هاي الصيف وصل، وبكره بتبدأ "التسممات" و"التلوثات" وبتكثر المناسبات والحوادث، الله يستر!

 

وزير التربية والتعليم: المدارس بدها ترميم وتأهيل، والأساتذة بدهم دعم لأنه وضعهم بحزّن، والطلاب بدهم تغذية وتربية، والعين بصيرة والايد قصيرة!

 

وزير التعليم العالي والبحث العلمي: قد ما في مشاكل بهالتعليم العالي، الواحد مش عارف من وين لازم يبدأ!

 

وزير الزراعة: السنة المطر كان كويّس، بس احنا ما كنا متوقعين المطر يكون كويّس، يعني راحت علينا!

 

وزير المياة والري: بلا ديسي بلا قناة بحرين! لازم نفكر كيف نصنع المي أو نزرعها، غير هيك ما في حل!

 

وزير النقل: ما في فايدة، الأزمة مستعصية وكل صيف نفس المشكلة! بس لو أعرف وين الغلط!

 

وزير الأشغال العامة والإسكان: إحنا عملنا اللي علينا والباقي على رب العالمين! الله كريم

 

وزير السياحة: يعني انفلونزا الخنازير ما صارت غير لما صرت وزير سياحة. صحيح ما في حظ!

 

وزير الشؤون البلدية: ندمج وإلا نقسم؟ نعيّن وإلا ننتخب؟   والله الشغلة بتحير!

 

وزير الأوقاف: كل الشعب بده يروح عمره وحج، ع الدور يا جماعة خلينا نعرف نشتغل!

 

وزير العدل: لا بد من تطوير التشريعات الناظمة للعمل القانوني، بس أنا ما دخلني!

 

وزير البيئة: شو بدنا نشتغل؟، شو بدنا نشتغل؟ أحسن شغلة نعقد ورشة عمل للتوعية البيئية!

 

وزير العمل: وين كل هالناس بدها تشتغل؟، ما في شغل، ما في شواغر!

 

وزير التنمية السياسية: أنا بس لو أعرف شو اللي بدي أنميّه!

 

وزير التنمية الإجتماعية: معقول كل هذول الناس بدهم معونة وطنية؟ طيّب مين بده يشتغل؟!

 

وزير تطوير القطاع العام: القطاع العام مش عارفين نطورّه،، أحسن اشي الواحد يروح يطوّر حالة بالقطاع الخاص!

 

وزير الدولة لشؤون الاعلام والاتصال: الصحافة الورقية يتمر بأزمة، واحنا مش ملحّقين على المواقع الإخبارية على الانترنت، ذبحونا!

 

وزير الطاقة والثروة المعدنية: أنا وزير شو؟ نفط، ما في!، غاز ما في! حديد ما في! ذهب ما في! شو في ما في؟!

 

وزير الثقافة: بدنا نفرّح الناس بالصيف، بدنا نعمل مهرجان في كل بيت ونثبت للناس انه الثقافة أهم من الخبز!

 

وزير الاتصالات وتكنولوجيا المعلومات: دوت كوم دوت نص كوم دوت كوم دوت نص كوم دوت كوم دوت نص كوم!

 

وزير الصناعة والتجارة: مهو يا صناعة يا تجارة بدي اعرف انا وزير شو!

 

وزير دولة لشؤون رئاسة الوزراء: وأنين الناي يبقى،،، بعد أن يفنى الوجود

 

وزير دولة للشؤون القانونية : طيب ليش انا مش وزير عدل؟

 

وزير دولة للشؤون البرلمانية: كمواطن أنا مع حل البرلمان! بس كوزير أنا مع حل الشعب!

 

وزير دولة: والله ما حدا مرتاح قدّي!

 

المواطن بعد ما دخل بالجو تبع الوزراء: الحمد لله إني مش بالحكومة!

 

 

 

 


لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا






طباعة
  • المشاهدات: 8310
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
22-05-2009 04:00 PM

سرايا

لا يوجد تعليقات
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :
برأيك.. من يعرقل التوصل لاتفاق وقف إطلاق النار في قطاع غزة؟
تصويت النتيجة

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم