سرايا - أرجو نشر قصتي في قسم أريد حلا علني أجد ما يريح قلبي و يطمني... أنا سيدة متزوجة من 6 سنوات و عمري الأن 30 سنة و لدي من الأبناء ولدين و بنت و زوجي محترم والحمد لله... مشكلتي الحقيقية هي أهلي حيث أنني من صغري و أنا محرومة من حبهم و حنانهم و اهتمامهم بي كإبنة...
انا الرابعة بين اخوتي حيث لي أختين وأخ أكبر مني و أخين أصغر مني . المشكلة من صغري و أنا بحس فيها و لهلا موجودة معي... الفكرة اني كنت أتفرج على اخواني و هم بتدللوا و كل الاهتمام موجه إلهم و انا بتحسر على حالي بس بستنى شوية حنية... و أخواتي الكبار وضعهم غير عني لأنهم أكيد تدللوا على دورهم بس أنا كان في قبلي ولد و طنشوني و أجى بعدي ولدين يعني ما كان في مجال للإهتمام فيني...
انا مشكلتي نفسية كتير و مو عارفة شو ذنبي أنا بهالمعاملة ... أنا كنت أترجى بأهلي اني أطلع معهم بس ما برضو و بخلوني بالبيت و بوخدو اخواني بدل مني و انا اللي بكون مشتهية أطلع .. و غيرها كتير من المواقف ... أنا هلا أولادي أهلي بعاملوهم غير أولاد إخواني و إخواتي التانيات وحتى اخواني مش بزيادة علي يعني ما بسألو عني و ناشفين معي كتير مع انهم مع خواتي التانيات مناح كتير... و بودوهو و بجبولهم هدايا و علاقتهم ممتازة مع بعض إلا أنا...
انا والله صرت أكره اروح عندهم واشوف هالمعاملة بس ما بقدر لأني بشتاق لأمي و أبوي و عشان ما اكون مقصرة معهم بإشي ... الله يهدي الجميع بس أنا حابة تنصحوني شو أعمل لأني بتألم كتير من هاي المعاملة خصوصا انهم أهلي و ما بقدر أعاملهم بالمثل ؟؟؟ زوجي بالمناسبة ما بعرف اشي عن هادا الموضوع لأني ما بدي اياه يصير يحكي عليهم أي اشي أو انو يبطل يحترمهم أو يصير يحكيلي انتي ما الك اهل يسألو عليكي او اي اشي.
الرجاء الانتظار ...