21-11-2020 12:14 PM
سرايا -
أنا شب عندي أخت حلوة كثير تزوجت ببداية الكورونا و مثل اي ناس احنا طلبنا مهر و ذهب و زدنا الذهب بمقدار الف دينار بدل فرحتها يلي انحرمت منها ، و هذا حقها طبعآ خصوصآ إنها حلوة .
بس مشكلتي هي لما إني انا خطبت
و بحكم إني مش هالمواصفات يلي عليي
خطبت بنت مش حلوة كثير مثل أختي ، و مع هيك اهلها طلبوا مني أعطي للعروس ألف دينار بدل فرحة عمرها
بس انا ما معي و بدي اتزوج
كيف بلله بدي ادبرها ؟
يعني لما إنها أختي خطبت كان خطيبها عنجد بده يخطب و يتزوج مش لأجل استغلال موضوع الكورونا
بس أنا اكون صريح معكم خطبت استغلالآ للوباء يلي واقف معي و مع الشباب الفقراء يلي مش قادرين يصرفوا عحالهم .
و فعلآ انا كل ما اروح اخطب بنت أهلها بطلبوا زيادة بالذهب بأسعار بالعلالي بحكوا بكفي إنه زواجها رح يروح هيك بدون صالة و لا جاهة و احنا بنتنا مش رخيصة عنا لحتى نرميها ببلاش .
بس انا حاليآ مستقر على هالبنت هذيك يلي مش حلوة بس انا من وين بدي اكتب ذهب بذمتي و انا عارف انه ما رح يصير معي بيوم من الأيام ؟؟!؟؟!
للأسف انا مش متشائم انا بحكي عن واقعي
أخواني كلهم عمروا و تزوجوا و هيهم ما شالله عليهن شبعانين و اهلي كذلك الأمر بس انا دايمآ حظي نحس
لا معمر و لا متسخم ولا شي .. ابصر ليش .
1 - |
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
|
21-11-2020 12:14 PM
سرايا |
2 - |
يعني الناس غريب امرها
بتحلل وبتحرم ع غيرها استبحتوا لاختك مهر اعلى بس انت ما بدك بحجة الحلا شو دخل الحلا بالزواج جد تحس انو الناس عقلها مسخم مو وضعها مسخم اللي بترضاه لاختك ارضاه لبنات الناس مو الك حلال ولغيرك حرام بحجة مبررات الله يصلح الحال |
22-11-2020 11:49 AM
عاشق ![]() |
3 - |
علما انو اللي عملوه اهل البنت هديك غلط برضو
يعني عشان ما يحسبو انهم باعوها زاودا 1000 دينار ولمك الفرحة لا تقدر بثمن ولا هي بالصالات بس الله يهدي الجميع |
22-11-2020 11:50 AM
عاشق ![]() |
4 - |
سوالبف حصيده - سرايا - بطلوا انشروا سواليف تيريللي
|
23-11-2020 07:16 PM
السيد دونالد بايدن ![]() |