سرايا - ردّ مطرب المهرجانات المصري عمر كمال، على الانتقادات التي وجهت له عبر السوشال ميديا إزاء فشله في التعليم وعدم حصوله على شهادة وذلك عقب نشره صورة مع سيارته الجديدة من نوع "بي أم دابليو" موديل"X6".
وقال عمرو كمال: "سؤال بقى مطروح على السوشيال ميديا كل لما أروح حفلة أو أجيب عربية أو أمضي مع شركة إنتاج، الناس تقول عارفين هنحط الشهادة فين وبيقبضوا على المدرسين وكلام كتير.. أولا شهادتك اللي حضرتك بتتكلم عليها دي أنا معايا واحدة زيها من 2006 وحاطتها في الدرج".
وأضاف عمرو كمال: "أنا بس عايز أفهمك حاجة.. التعليم اللي أحنا بنخده في المدارس والجامعات ده حاجة والشارع والسوق حاجة تانية خالص، الحياة لها قواعد والتعليم له قواعد، التعليم علشان أعرف أقرأ وأكتب وأتعلم لغة علشان لما أسافر بره".
وتابع: "أكل العيش والشغل والحياة لها حسابات تانية، اختار حاجة من الاثنين يا تبقى تقليدي مع الناس الكتير اللي ماشية في الشارع، يا تبقى إنسان إيجابي وتعمل لنفسك شخصية وتعيش حياة تانية.. كان أهلي بيقولولي روح قدم ورقك في شركات واتعين بس أنا كنت بحب أروح أشتغل باليومية".
وأوضح: "مكنتش عايز أعيش العيشة التقليدية زي الناس، أنا كنت راسم لنفسي حاجة تانية، ولما استلمت ورثي من أبويا صرفته على الغناء وخسرت، مقولتلكش هات ولا أنت مسمعتنيش ومقدرتنيش ليه، هل أنا قولتك هات قرش أو أنت موقفتش جانبي ليه".
واستطرد:"أنت عايز تشتغل مهندس أو طبيب، مش أنا اللي بحطلك التسعيرة بتاعت قبضك دي أنا مالي، أنا أشتريت عربية أو روحت سكنت في مكان كويس ده بسبب شغلي اللي أنا تعبت فيه، نزلت أغنية على اليوتويب وأنت دوست علشان تسمعها أنا كسبت، أو عامل حفلة في مكان".
واختتم كلامه:"عايز تقاطعني قاطعني وخد مني موقف وقول أنك مش هتكسبني، لكن أنا مسرقتكش ولا أنا اللي روحت قبضت على المدرس.. أنا واحد اجتهدت وربنا كرمني، بتقول مولعنها روح غني زينا المايك موجود، أنا كان بقالي 13 سنة بغني وبقدم فن كويس محدش سمع عني حاجة، وصرفت عليه وتعب فيه وماحدش قدرني، اتعب واجتهد واعمل اللي عليك، لو مش عاجبك شغلانتك المايك موجود، روح غني يمكن ربنا يكرمك".
وكان عمر كمال، قد نشر صورة لسيارته الجديدة التي تنتمي لفئات BMW والتي تقدر بأكثر من 2 مليون جنيه. وعلق على الصورة :"وركبت الـ X6".
يذكر أن عمر كمال، وحسن شاكوش طرحا مؤخرا دويتو غنائيا بعنوان "هنعمل لغبطيطا"، عبر موقع يوتيوب، وحقق نجاحًا كبيرًا في مصر والوطن العربي.
الرجاء الانتظار ...