سرايا - أطلّت الممثلة نادين الراسي في بث مباشر عبر حسابها الخاص بتطبيق إنستغرام وبكت بحرقة بالقول "موجوعة ورح افقع مش قادرة بقى اتحمل.. بتمنّى نرجع نُنتدَب من دولة بتعرف قيمة الشعب، نُنتدب من فرنسا أو دبي أو قطر أو أميركا، نحنا بحاجة لمساعدة.. إنتدابكم إلنا حرية، انقلبوا عليون حبسوون وهجروون وتعوا استلموا"
وتساءلت نادين الراسي "كيف بدّي حبّ شخص بيعمل مصالح دول تانية ع حساب وطنو؟ انت خاين. هيتلر أكبر مجرم بالعالم كان يكره الخونة.. مش قادرة شوف بلدي كسيح ع كرسي وعم بيمشّيه مين ما كان وكيف ما كان".
وأضافت الراسي "بيروت حلوة بس للأسف اليوم بيروت مشوّهة، هالحلوة تشوّهت لو سمحتوا رمموها، وكبّوا هالزبالة برّا... الله يحرّر كل بلد مُغتصب، نحنا مغتصبين بدّي نكون مُنتدبين".
وختمت "بترجّى من كل الدول اللي بدها تساعدنا، أنا مواطنة طبيعية معتزلة الفن ومعتزلة كل شي وعم عيش حياة طبيعية، شحّدوني طيبتكن ومصرياتكن بس بإيدكن عمرو لبنان وما تكبّوا مصراتكن كيف ما كان".
الرجاء الانتظار ...