حرية سقفها السماء

وكالة سرايا الإخبارية

إبحــث في ســــرايا
انت الزائر رقم: 8418108 الأربعاء ,26 سبتمبر, 2018 م يوجد الآن عدد (4915) زائر
طباعة
  • التعليقات: 18
  • المشاهدات: 30543

هل أفسخ خطوبتي الرابعة ؟

هل أفسخ خطوبتي الرابعة ؟

هل أفسخ خطوبتي الرابعة ؟

26-08-2018 08:03 AM

تعديل حجم الخط:

سرايا -

مرحبا
أنا إسمي نجوى ، و عمري 28 سنة . جميلة كتير الحمد لله و ملتزمة بديني . بدي أحكيلكم مشكلتي و ياريت تاخذوا الموضوع بجدية بدون مسخرة لإني جد متضايقة .
كتييير أجاني خطاب بحياتي وخطبت 4 شباب ، و للأسف كل واحد أسوأ من التاني .
هسا خطيبي الرابع صحيح إنه عنده بيت و سيارة و عزابي حليوة كمان بس مشكلته إنه بخيل .
و الكل بقول أكتر صفة بشعة بالزلمة هي البخل .
شو رأيكم إنتوا ؟ أظل معه ولا من هسا أتطلق ؟ بصراحة على حسب ما بسمع إنه زواج البنت هاي الأيام بطل كتير مهم متل زمان بسبب شهادتها سلاحها ، بس أنا و لو إنه ما عندي شهادة بس بابا بستلم من الضمان الاجتماعي و مؤمنة الحمد لله يعني مش بحاجة الزلمة صحيح إنه خطيبي شرطي و شغله حكومي
لكن والله بخله بخليني ما أقدر أنام الليل .

أرجوكم احكولي شو رأيكم بالزلمة البخيل هل يصلح للزواج ؟
لإني مفكرة جديآ بالطلاق و بستخير من كم يوم لهالشي .
و هسا بدي أستشيركم






طباعة
  • التعليقات: 18
  • المشاهدات: 30543
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
26-08-2018 08:03 AM

سرايا

2 -
إفسخي ولا تتطلًعي فيه بخيل على أيش بخيل إذا ما كان يوميآ ينفق ربع مليون دينار على الأقل وشهري رحله على جزر الهواوي والواق واق وسنوي يجدد العفش والسياره والمنزل والزوجه كمان لا تقبلي فيه ولا حتًى تفكري فيه او تكلميه
26-08-2018 09:09 AM

جحا

التبليغ عن إساءة
3 -
إفسخي ولا تتطلًعي فيه بخيل على أيش بخيل إذا ما كان يوميآ ينفق ربع مليون دينار على الأقل وشهري رحله على جزر الهواوي والواق واق وسنوي يجدد العفش والسياره والمنزل والزوجه كمان لا تقبلي فيه ولا حتًى تفكري فيه او تكلميه
26-08-2018 09:09 AM

جحا

التبليغ عن إساءة
4 -
إفسخي ولا تتطلًعي فيه بخيل على أيش بخيل إذا ما كان يوميآ ينفق ربع مليون دينار على الأقل وشهري رحله على جزر الهواوي والواق واق وسنوي يجدد العفش والسياره والمنزل والزوجه كمان لا تقبلي فيه ولا حتًى تفكري فيه او تكلميه
26-08-2018 09:09 AM

جحا

التبليغ عن إساءة
5 -
اظنه مظلوم .. مدامهم اربع خطابين اظن السبب قد فهم
26-08-2018 09:18 AM

سميراميس

التبليغ عن إساءة
6 -
البخل داء ليس له دواء.

ما بدك هالجيزه والله لا ينشف دمك
26-08-2018 09:23 AM

قارئ

التبليغ عن إساءة
7 -
مرحبا اختي الفاضله هو البخل صعب بس يمكن يكون عندو ميزات حلوه صعب تشوفه في واحد غيرها ومستحيل واحد يقصر في بيته واولادها يمكن لانو هلا بستعد للزواج وبخاف ع افلوسه تضيع ع اشياء فاضيه والقرار بيدك انتي فكري اكويس وجربه يمكن يكون اكويس ومعروف راتب الشرطي ٤٠٠ ع شو بدو يبخل
26-08-2018 10:57 AM

محمدسرحان

التبليغ عن إساءة
8 -
البخل أسوء صفة ممكن يتصف فيها الإنسان
والبخيل بكون بخيل في كل شيء مش بس المادي
بخيل في دينه ومشاعره وصدقه وعطائه نصيحة لوجه الله ومن تجربة . البخل مصيبة وراح تكسبي كره وعداوة الناس مدى الحياة ولو كنت أكرم من حاتم الطائي
26-08-2018 11:49 AM

أدونيس

التبليغ عن إساءة
9 -
البخل صفة سيئة .............. خليكي على بر الامان وانفدي بجلدك بكرة هذا البني ادم بحول دموعك الى نهر من الدموع ......















ززززززززززززززز
26-08-2018 05:05 PM

جاد كرم

التبليغ عن إساءة
10 -
طبعآ البخل صفة سيئة .

و عدا عن هيك لازم تعرفي إنه كل طماع بخيل و كل بخيل طماع -هاي شغلة معروفة -

و صدقيني لو كنت تشتغلي إنه رح يصير يتمسكن لحتى تساهمي بالإنفاق عبيته ، و عنجد بهاي الحالة ما في حل إلا الطلاق ، أنا بحكيلك الشب البخيل طماع يعني أنا بعطيك صفاته المستقبلية يلي عالأغلب هيك رح تكون .

نصيحة من أخ لأخته

اتركيه و خليه يشوف بنت متله .
26-08-2018 09:59 PM

محمد بني يونس

التبليغ عن إساءة
11 -
اتركيه ما دتم مش مقتنعة فيه

و فعلآ أنا بسمع كتير إنه زواج البنت صار شي ثانوي بحياة الأنثى خصوصآ المقتدرة .



و البخيل عيب كتييييييييير على الزلمة .

26-08-2018 10:06 PM

نصيحة

التبليغ عن إساءة
12 -
والله طلع عنجد أهم شي بالبنت لحتى تتزوج إنها تكون حلوة .

والله نيالك يا صاحبة المشكلة أنا بالرغم من إني جامعية و موظفة عشهادتي بوظيفة حكومية

و محترمة و لباسي محتشم

بس بصراحة بصراحة أنا مش حلوة بالمرة و ناصحة كتيييير خصوصآ من اكتافي .

و صدقي ما أجاني ولا عريس .



طلع الجمال هو أهم شي بالبنت لحتى تصلح للزواج .



تمسكي بهالعريس .

و ربنا يوفقك
26-08-2018 10:22 PM

نيالك

التبليغ عن إساءة
13 -
والله بنات هاي الأيام صايرات يتدللن .

والله بلاحظ هالشي عند اولادي لما رحنا نخطبهم

بالرغم من إنهم عساكر و شرطيين

بس تامنا نفوت عالبيت الخمسين لحتى يااااادوووب توافق بنت .

و لما تستشير صاحباتها بترجع بتغير رأيها .

عشو كلهن شايفات حالهن ؟
26-08-2018 10:27 PM

أبو مرعي

التبليغ عن إساءة
14 -
يا إما زواج صح يا إما بلاش.

إذا السترة رح تضرني أكثر مما تفيدني معناها بلاش منها قطعآ .



و مرات في بنات لما يوافقن على حيالله واحد هيك بعطن إشارة للشباب إنهم يظلوا سلبيين و أنذال و بالنهاية عادي بتزوجوا بنت متل ما بدهم .

إفسخي و خليك رادع لكل حقير

27-08-2018 09:04 AM

بائعة العطر

التبليغ عن إساءة
15 -
بنات الايام هاي بدهمش يكونو عيله و سترة، بدهم sponsor يعني (راعي رسمي) مثل ردبول و بعدها يكون طرطور هيك انت عريس ممتاز، احسن شي الواحد ياخد اجنبية بدون مهر ولا بتطلب شي
27-08-2018 04:50 PM

عابر طريق

التبليغ عن إساءة
16 -
معروف يا عابر طريق إنه ماضي الأجنبيات شنيع و كانن عايشات بحياتهن ، فهل بترضى عحالك تتجوز وحدة بتشوف الحضارة بالتعري ؟

و شغلة ثانية

الاجنبية لانها بتكون غشيمة عن موضوع المهر انه من حقها لذلك بداية الزواج بتزبط معك بس لما تعرف شو سبب اختيارك الها رح تعرف انك بخيل بحقها و غير تمرمرك

و بنشوف كثير هيك

و لما حسبوها الناس

اكتشفوا انك بتحط مصاري عالاجنبية اكثر من العربية خاصة انها كل 6 اشهر لازم تزور اهلها و لما يصير عندها اولاد بتصير تقول اولادي بدهم يشوفوا خوالهم و هكذا

و انت يلي ماكلها

و تأكد إنه ما حدا ماخذ أجنبية إلا بالنهاية يتزوج عليها وحدة عربية
28-08-2018 04:22 AM

أبو مرعي إلى عابر طريق

التبليغ عن إساءة
17 -
تزوجي هو حدا ملاقي عرسان هالايام بدل ماتعنسي انتي مش صغيرة روحي
29-08-2018 08:56 AM

السعاوي

التبليغ عن إساءة
18 -
طبعا تفكيركم بالاجنبيات انهم ذوات ماضي, ليش مافي اجنبيات مسلمات؟ اوزباكستان؟ اذربيجان؟ كازان؟ والله بعرف واحد اخذ ملكة جمال و كلها اخلاق من كازان (روسيا) مسلمة و محجبة و ما شاء الله عليها بتخدموا بعيونها, صاينة بيتوا حتى كلسونوا بتكويلوا اياه. و ازيدك من الشعر بيت اخذها على ضرة لانها البنت بس بدها السترة كانت. فكنا من اسطوانة الاجنبية المحروقة الي اخترعوها نسواننا ليمشي سوقهم, و عندنا بالبلد في نسوان مخبصات اكثر من الاجنبيات و مخمرات كمان.
30-08-2018 01:35 PM

الى ابو مرعي من عابر طريق

التبليغ عن إساءة
19 -
مشكلة البنات الايام هاي بدهم واحد يمشي زي ما بدهم يكون صديق وحبيب وزوج ٣ بواحد تكون طرطور الها وتعمل ما بدالها وازا حكيت هيك او هيك بتصير تحكي عنك عالطالع والنازل

للاسف الشديد انو نطلع نشوف القمر صار أسهل من الزواج الايام هاي من الاختيار

الفكرة صارت جامعية وراتبها معها وسيارة شو بدها اكتر من هيك.وبتحكي بدها زلمة شو خليتي الو اصلا
30-08-2018 11:22 PM

عاشق

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم