سرايا - انا عندي اخو واحد وهو الوسط في العايله ، امي وابوي مالهم اي دور في البيت لازم ناخذ اذنه في كل شيء

المشكله مو هنا المشكله انه يضربنا بدون سبب ويزعق علينا وياخذ جوالاتنا احنا 4 بنات 2 متزوجات و2 باقيين في البيت

اخواتي قبل لا يتزوجون اقسم بالله طلع لهم قرون من جنانه اللحين كلنا فينا جروح وشخوط في اجسامنا كاننا عيال مو بنات

انا اصغر وحده ومفضله عند امي وابوي عمري 17 سنه امي وابوي موافقين يجيبون لي جوال بس قالوا خليه بالسر اخوك لا يدري عنه وقلت طيب وصار لي فتره وانا كل ماجاء اخبيه عنه عشان مايشوفه الا ماجاء يوم وكشفني وضرررربني ضرررب اللي يشوفه يقول ماسكني مع ولد !! اقسم بالله جسمي كله يعورني وكله كمادات
^^ هذا الكلام كله كان بالاجازه الطويله يعني قبل 3 شهور

يوم السبت ، كان شايفني جالسه على اللاب اسوي انشطه للمدرسه وكذا ( مع العلم ان نسبتي ماتقل عن 98% بالمدرسه وذكيه وناجحه ) جاء قال طفي اللاب قلت عندي شغل اخلصه واطفيه قال طفي اللاب اللحين قلت طيب شوي ماخلصت كلمتي الا الكف اللي جايني خدي اللحين قالب كانه مهرجان من الالوان اللي فيه مشيت الموضوع

رجعت من المدرسه جاء لقاني على جوال امي اكلم صاحباتي قال لا اشوفك تمسكين جوال احد من البيت سيبي الجوال وزعق علي وضربني ضرررب كمل وجهي كله رحت المدرسه البنات كلهم يسالوني ايش فيك بس ماقلت لاحد بحكم انها ظروف عائليه

واللحين حتى بالنظرات باين انه حاقد علي كثييير واخواتي يسالون ليش حاقد عليك انتي بالذات مع العلم انه يضربهم ويكفخهم كمان بس بدون الوان في وجههم الا انا اذا مسكني احس انه انه ماسك واحد من اصحابه مايرحم


واذا على امي وابوي فزي ماذكرت فوق مالهم دور نهائي واخواتي كمان وكل عائلتنا تشجع ان الولد يكون قوي على اخواته

انا صرت افكر اني اقتله بس انا ما ابغاها توصل لقتل

ومرات افكر وهو نايم اجيب اكبر سكين في بيتنا حقت الذبيحه واكسر رجوله حتى مايتحرك نهائي واوريه الظلم اللي يسويه فينا


انا حاسه انه بيجي اليوم اللي انقتل على يده ( مع العلم انه يتعاطى مخدرات وحشيش بس مو قدامنا لكن باين عليه مرات )

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا