ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

وعليكم السلام ورحمة الله وبركاته ،،،

اغلب البنات هالجيل نفس اللبس ،،، يمكن لبعدين تتغير خاصة اذا بعدت عن صاحباتها والاردن وبعد الزواج بتغير نمط لبسها بدها وقت . احكي معها باسلوب مقنع بلا ما تعاندك . الغلط مش فيك الغلط باللبس و الموضه الدارجة بهالمحلات وقلة الدين .

طيب عفا اول شي اذا حطت ميك اب وطلعت مع صاحباتها شو يعني وبعدين يا اخوي انت شوف امك وخواتك كيف لما يطلعو وحكم وتني شي المضاهر ما الها دخل لمهم ثقة يا محترم اذا كانت ثقة موجودة خلص كل شي سهل وبعدين شوي شوي عليها بدك من اول ما خطبتها تعمل هيك وانت عارف من قبل ما تخطبها انها بتلبس هيك مثل يلي بدخن تحكيله اقطع دخان من وال مره صعب تدريجا طبعا باسلوبك الحلو

خليها تعيشلها كم يوم.. بكرا بالسعوديه فش منه هالحكي..

بعدين هيك بنات عمان يا صاح.. مكياج وطلعات وسهرات وحركات فياعه ودلع..

وانت الثاني ما تتوقع انها تكون زي امك.. يعني محتشمه ولا بتطلع ولا بتحط مكياج ولا اشي.. هاي بنت صغيره ومخطوبه ولسا ما شافت اشي وهيك متعوده من عند اهلها.. فبدك شويت صبر يا مدير..

طبعا حقك انها ترد عليك وتسوي اللي بدك اباه.. بس مع الوقت والكلمه الحلوه.. بحس انك احلى بدون مكياج.. خلي المكياج للمناسبات وهيك...

يعني مش انت بتحط جل وبتلبس احلى لبس سواءا طالع معها او مع صحابك؟ هي نفس الاشي بس ع مقياس البنات..

ولو كان بدك غير هيك ليش ما اخدت وحده محجبه..

المهم.. خليك ايزي.. ولا تغار كثير و لا تكون حمش زياده.. خليك رويح عم الحج..

عجبتني هاي الجمله: "بتضل حاطيتهن مش بس معي حتى ازا طالعه مع صاحباتها" جمله فيها لهجه فلاحيه مع مدنيه.. حاطيتهن و ازا

يعني انا مش شايف مشكلة .... اذا بينت بطة ايدها بتصير مش كويسة !!!!
... وعلى كلامك انو عمرك 25 سنة معناتو البنت لساتها زغيرة ( فرفورة ) . وبدك تلبسها واسع مهبهب.. ( يا رجل اهدى ).
ومعظم ملابس البنات صارت هيك .. حتى الجلابيب صارت مكسمة.

ماشاء عليك انت قاعد بتحكي عن دين والاخلاق عند خطيبتك انت مش ماين عليها تعدل في لبسها ياشيخ روح بلا كلام فاضي

هاي مراهقة .... بكره بس تحبل ويتغير شكل الجسم تبعها وتبلش تشوف قرف الزواج .... وتنظيف وطبخ واولاد رح تصير زيها زي نسوان الاردن .. تلبس هالعباية لانه اسهل الها

يعني اذا بتخبك بسمع منك يمكن بدها تخليك تعجب فيها شوي شوي عليها خذها على مكان هادئ بتحب هي تقعد فية واشرح لها الموضوع وانها لاتعيدة لانة عيب بحقك كزوجها يشوفها الناس ويحكو عليك اصحابك وانة انت بتصغر في عين الناس وعين اهلك

معك حق ........... على كل حال ما الك الا تنصحها وتدعيلها بالهداية

شوف احكي لها انو أنتا راح تنفصل عنها اذا بضل هيك شكلها او عاد جيب إلها هدية لبسة على ذوقك تكون حلوة احكيلها انك أنتا بدك ياكي تلبسي كل أشي من هاد الموديل ٠٠٠٠٠٠ يعني صاير احاكيها في الموضوع اكثر من مرة واحكي انا بدي ياكي على نفس الموديل دائماً معي لما تيجي عندها ٠٠٠٠ واللة يوفقك كل عام وانت بخير

السلام عليكم اخي العزيز اريد ان انصحك عندما قراءت مشكلتك اجد انك تقول انك متفهم وعقلك مو دقة قديمة وهذا جميل جدا بس اريد ان اخبرك ان نقظة الخلاف بموضوع اللبس والميك اب وهذا شي يتعلق بالدين وما الو علاقة بالتفهم اي نعم لو كنت فضا غليظا القول لنفظو من حولك وبحي فيك تفهمك مع الطرف الاخر بس بالنهاية اذا هية اصرت على مثل هذا اللبس يجب ان تفضل ما طلبه منا دينا الحنيف على كل شي وحديث الرسول صلى الله عليه وسلم واضح "من ترك شي لله عوضه احسن منه" هذا لا اقصد فيه ان تترك خطيبتك لا سمح الله بالعكس ولكن يجي ان تجلس معها ومع احدا افراد اسرتها وياسرتك ويكون في شهود وتطلب هذا الامر وتاخذ جواب نهائي انو ما يتكرر مثل هذا اللبس وحاول ان يتم هالشي قبل الزواج تحسبا بان يكون لا سمح الله من الامور التي تجعل وجود مشاكل بينكم بعد الزواج ويصعب الاستمرار واريد ان انبهك انك انك الرجل ولباس خطيبتك من مسئولياتك وانت تستطيع ان تحدده لانك سوف تكون مسؤول عنها يوم القيامة لقول الرسول عليه الصلاه كلكم راع ومسؤول عن رعيته ولقول الله تعالي الرجال قوامون على النساء بما فضل ...الا اخر الاية فنصيحتي لك استمر بالحديث معها بهذا الموضوع ويجب عليها ان تغير بلبسها بالشي الذي ربنا وانت تشوفه مناسب ولا تتنازل عن حقك لانك سوف تحاسب عليه ....الله يوفقك

اتجوز وحدة اجنبية امريكية , اوربية اشرفللك ليسة الفياعة عندهم بي ادب و شرف مش مثل بنات هون فاهمين القصة خطا .............. بعدين انا بعتقد انه اللبس هاد والترتيب مو الك لوحدك يعني فتح عيونك منيح يا كبير لانه هيك اغلب بنات الايام صارو الا ما رحم ربي. (تأكد انها مش جمعية خيرية تعاونية اشتراكية لا محدودة)

النوع هذا من البنات صعب تستجيب لك لإنها تعودت وخلص واتركها عالبكير نصيحة اخ لأخو

اذا من البداية بتحط مكياج ليش تخطبها

اخي الفاضل

مشكلة الرجال دائما لباس المراة وبدققو فيه كتير هل انت واثق من خطيبتك من اخلاقها فلمادا هدا التعصب فلكل مكان لبسه فلا يجوز متلا لبس الفايع في سوق مزدحم او لبس قصير في الدهاب الى العمل المهم فهمها طبيعة تفكيرك وايش انت بتحب وهي شو بتحب واوصلو الى نقطة في الوسط بدون اوتعصب الى راي واحد

منتا بتحكي دين وين ضل الدين بالموضوع معلم المشكله الي مانحلت بالخطبه تكبر بعد الزواج ماتتغير ع البدري حل الموضوع

كل هالمواصفات الي فيها وبتقلي مؤدبه وما شاء الله عليها المؤدبه بتكون محتشمه من دار ابوها وانته مش دقه قديمه هذا اسمه شرع ربنا حرم التبرج والبنت لازم ما يظهر منها الا كفات ايديها ووجهها
عندك نسوان بتلبس لجوزها استر من لباسها برا البيت

خلي هالبنت تعيش حياتها متل ما بدها لاتنكد عليها

بصراحة انت الغلطان لما تحكيلي ذات دين انا بفهم انها لابسة الحجاب الشرعي بمواصفاته المعروفة ..وبدون مكياج اكيد اما انها ذات جمال يمكن هذا اللي هامك فيها لما شفتها اول مرة وياااااااسيدي بكرة بالسعودية غصبا عنها بتلبس العباية وانت وشطارتك بتشدها للدين على اصوله اذا انت متدين ولااااا العفو انت مش دقة قديمة لوانك هيك كان حليت مشكلتك لحالك

تعاللها بالسياسة واحكيلها انا ما بحب حد غيري يشوفك بعدين انت وإياها اطلع واختاروا ملابسها امدح المستر وهيه قايسيته والدعاء كمان بفيد

نصيحة اتركها لإنك بتحكي حكيت معها أكثر من مرة وما سمعت الحكي .يعني فيها صفة ثانية الجكر وعدم طاعة الزوج بكرا بتحكيلك انت أخذتني وأنا بلبس هيك لبس وأنا هيك متعوده ومن هالحكي وأنت شفتني وعجبك شكلي ولبسي وبعد الزواج والفاس تقع بالراس ما تقدر تمون عليها احسم الأمر قبل الزواج نصيحة

الحمره والميكب هسا بس. بعدين تتمنا تشوفها .... تنتهي مدتهن بالخزانه وبيوخذهن ابنك الصغير ويخربش فيهن الحيطان هههه

يا خوي عادي لا تعطي الموضوع اهميه كبيره كل البنات بعد الزواج بتختلف طريقه لبسهم انا كنت اخر فياعه وتزوجت وروحت عالسعوديه والحين بطلع بعباي وما بكشف على حد

والله انا عروس وجوزي قرفني بهيك قصص بس مش لهدرجة يعني المكياج مابتدخل فيه بس بستغرب ياخي بدكو البنت بيوم وليلة تتغير طولو بالكو ياعمي مش هيك ولاتقرفها تضلك وراها تعمليش وتسويش البنت بتحب تحس حالها حلوه بعدين لاحق رح تشوفها بكره بتطلع من البيت مو مغسلة وجها من البلشة وشغل البيت لاتستعجل عهالمنظر.

الحرب الثاء يكتب ( ث ) وليس ( ت )
من راي تسيبك أحسن

عنجد ذهب وهاي واحلى لااااااااااااااايك لعيونكم

الحمدلله أنا ملتزمه باللبس الشرعي وميك اب ما بحط الا خفيف جدا وما عندي حركات فياعه هيك والأ هيك اولا عشان ربنا تانيا عشان ننفسي أصونها
والله ان شالله يبعتلي الشب اللي يستاهلني ويقدرني

"ليس الغريب ان الله لا ينزل علينا المطر ولكن الغريب ان الله لا ينزل علينا الحجارة والصواعق"
ما شاء الله كل شي صار بهالدنيا عادي صارو يحلو الحرام عكيفهم شو العادي بالموضوع هاد اسمه تبرج وقلة دين بتمنالها الهداية وانت يا اخوي حاول بالمنيح معها وجادلهم بالتي هي احسن وحاول اشتريلها عباءات من السعودية وقوللها رح يطلعو عليكي حلوات وهيك بالتدريج وانت صح 100% لاترد على اللي بقولك معقد او غيره "يوم لا ينفع مال ولا بنون الا من اتى الله بقلب سليم"

ناقص تحطي رقم تلفونك او عنوان بيتك ... او مش ناقص الا تحكي مطلوب عريس

انت تقول متدينة وهي تفعل ما يغضب الله ويتعارض مع الدين والحشمة لذلك يجب عليك ان لا تعطيها خيارات الا ان تلتزم وتستر عورتها كما امر الله
والعصا لمن عصا

يا اخي من طريقة سردك للموضوع
مبين انه دمك حاار
انت حبيبي لا حمارك ضايع ولا وراك حراث

بالعكس انت الي تعملوو مزبووط ولازم تقنعها بأي طريقه انو تغير طريق لبسها

لا مش هيك أبدا انا ببيت أهلي يجيني عريس وانا معززه مكرمه
والحمدلله بيجني ابس انا اللي برفض
وانا حبيت احكي اللي بنفسي لأني عن جد هيك مش بس صف حكي
والدليل فش حدا هون شخصيته معروفه وما حدا جابرني احكي حكي مش صح
ف أحترم/ي حالك

كلام حلو واؤيده، لكن الاية "ولو كنت فظا غليظ القلب لانفضوا من حولك" صدق الله العظيم أرجو الانتباه لما يكون في اية قرانية