المجالي يكتب: من يشك في أن أزمات منطقتنا تمتد تداعياتها إلى العالم .. فعليه أن ينظر إلى فواتير الطاقة والغذاء

ما ظل فيها مجال للدبلوماسية والمجاملات والعالم هذا كله لازم يفهم الكلام عالكشوفات
​ترا الشرق الأوسط يولع ومحدش فضى يحسب حساب للي جاي ولما يطلع جلالة الملك عبد الله الثاني يحكي الكلمة هاي قدام العالم كله فهو ما بحلل ولا بتوقع هو بحط الكل قدام الواقع والمكتوب مبين من عنوانه
​كلام ملكي جابها من الآخر وعالجيب
​الملك حكاها وبصريح العبارة للي مش راضي يفهم يا ناس يلي قاعدين بالغرب وبالشرق وبتتساءلوا ليش الأسعار شايطة وليش الفواتير طالعة للسما
​ترا السبب مش سر السبب هو التجاهل اللي قاعد يصير بأزمات منطقتنا كل شي مربوط ببعضه والطاقة والاكل اللي بتاكلوه اتأثر من أول حرائق الإقليم ومحدش يقدر يفصل أمنه عن أمن الشرق الأوسط
​فلسطين هي الأصل والأساس
​وما حدش يفكر إنه السلام بيجي بالطرق الملتوية الملك عبد الله موقفه ثابت وما يتغير القضية الفلسطينية هي أصل الحكاية وبدون حل عادل وشامل للشعب الفلسطيني وبدون حماية القدس والمقدسات الهاشمية ما راح تشوفوا استقرار ولا أمان بالمنطقة كلها ومحاولات القفز عن حقوق الناس بتولع الدنيا زيادة وما بتهديها
​من لبنان لليمن والسودان كلفة التطنيش باهظة
​واللي صاير بلبنان وباليمن وبالسودان مش مجرد أخبار عالشاشة هاي مآسي وناس بتتعذب والملك حكاها كلمة بتوزن بلد قال التحديات اللي بنشوفها اليوم ما طلعت بين يوم وليلة واللي بنطنشه اليوم بنحصد نتائجه الصعبة بكرة
​يعني حلول الترقيع والتأجيل مش راح تمشي والكل راح يدفع الثمن من أمنه وجيبه
​الرسالة وصلت والكرة بملعب العالم
​الأردن بقيادته حكاها للكل وبدون أي تردد:
​كلام الملك جرس إنذار واصحوا يا عالم قبل ما تزيد الفواتير
​فلسطين هي المفتاح وبدون حلها ما فيه استقرار لأحد
​السلام بده زلم وقرار ومش تطنيش وتأجيل
​الملك عبد الله حكى الكلمة ورفع الصوت عالياً وحط الكلام عالكشوفات فهل فيه حد بالعالم راح يفهم الرسالة قبل ما يفوت الأوان. حفظ الله الاردن والهاشمين