أحداث الحلقة 22 من مسلسل #مولانا إلي عنوانها ( المنبه )

منذ 2 شهر
المشاهدات : 49147
أحداث الحلقة 22 من مسلسل #مولانا إلي عنوانها ( المنبه )
سرايا -
إقرأ ايضاَ

:
أول شي بنشوف أنو أسامة العسكري بيحكي لمنير الخطة وأنو الشباب رح يجو وياخدوه من الحمام بالليل وبالفعل بيجي مشمش وبيكون شغلتو بس يمسك الخيط مشان الرجعة وجواد ورشيد بيدخلوا على المكان إلي تارك إلهن فيه أسامة بدلات عسكرية ليلبسوها و جواد بيروح لعند غرفة العقيد كفاح ليحط المنبه هنيك هو نفسو المنبه إلي عطاه ياه العقيد لمولانا قبل بحلقة و رشيد بيدخل على الحمام وبينتظر منير و وقت يجي منير بيطلع مع منير لبرا وبيلتقى مع جواد وهني عم يهربوا من الثكنة بينتبهوا عليهن .
وخلال الهروب بتصير مواجهات خطيرة؛ رشيد بينصاب بطلق ناري، وبنفس الوقت واحد من جنود العقيد بيدعس على لغم أرضي وبينفجر فيه، وبيخسر قدمه بسبب الانفجار.
المنبه إلي انترك عند مكتب العقيد ما كانت صدفة، بل كانت رسالة واضحة من مولانا ورجاله حتى يبينوا إنهم قادرين يوصلوا لقلب الثكنة ويهزّوا هيبة العقيد قدام رجاله.
من جهة تانية، فارس بيتفاجأ إنو مخفر العادلية صار نقطة عسكرية تابعة للثكنة والشخص المسؤول عليها هو الرائد نمر. هالشي بيزعجه كتير، خصوصي بعد ما الضابط نمر صار مسيطر بالكامل على المكان وعم يطلق تهديداته وبيقلعوا من المخفر وبيقلوا روح على المختار بركي بيخليك تصبلو شاي وقهوة .
وبخط درامي تاني، جومانة بتحاول ترافق أبوها المختار حتى ياخد جلسة العلاج بالمدينة ، بس رجال الثكنة إلي على الحاجز بيمنعوهم من المرور ليطلعوا لبرا وبيرجعوا على البيت فأنور بيروح لعندها لجمانة بالبيت وبيقلها انا رح خليكن تطلعوا برات الضيعة ، و بيكون مقرر يكسر الأوامر العسكرية ويمشي بالرغم من رفض عناصر الحاجز يمشوهن فهون الملازم أنور بيمشي بسرعة لخارج الضيعة و بيرمي بدلته العسكرية عالأرض وبيعلن انشقاقه عن الثكنة والجيش ، وبيروح معهم حتى يقدر يوصل جومانة وأبوها عالمستشفى.
أما رسالة المنبّه اللي انحطت بمكتب العقيد، فبتخليه يحس إنو هيبته انكسرت قدام رجاله وهالشي بيدفعه ياخد قرار خطير ما عاد فيه تأجيل: التخلص من سليم العادل وهاد الكلام بيكون عم ينقال قدام الرائد نمر.
|| يعرض مسلسل مولانا يومياً الساعة 01:00 ظهراً بتوقيت السعودية وسوريا على قناة #MBC_دراما، ومتوفر كمان على منصة #MBC_شاهد ||

شارك المقال:

التعليقات

لن ينشر أي تعليق يتضمن اسماء اية شخصية او يتناول اثارة للنعرات الطائفية او العنصرية آملين التقيد بمستوى راقي بالتعليقات حيث انها تعبر عن مدى تقدم وثقافة زوار وكالة أنباء سرايا الإخبارية - حرية سقفها السماء علما ان التعليقات تعبر عن راي اصحابها فقط.
رمز التحقق :
أكتب الرمز :

الأكثر قراءة

آخر الأخبار

أخبار فنية

أخبار رياضية

منوعات من العالم