بقلم : الدكتورة ريم الصقور
هذه القصة التي انتشرت ربما تكون كفيلة بمراجعة حقوق الناس يقول الاخ :
كنا انا وصديق العمر فاتحين مشروع عبارة عن ثلاث مكتبات
الامور كلها تمام والربح ممتاز
بلشنا بمكتبة وحدة وبعدها كبرنا الشغل بالثانية وبعدين الثالثة
والسنة الماضية كنا مفكرين بالمكتبة الرابعة
الدخل كان ممتاز جدا جزء منه تقريبا مصروف النا والجزء الباقي بنكبر فيه راس المال لنفتح فروع ثانية
كنا نجيب بضاعة خاصة فينا عليه اسم تجاري النا من الصين وتركيا وكان الشغل اروع ما يكون
بحكم ان السجل التجاري لاول مكتبة كان باسمه لان اسم المكتبة الأولى باسم عائلته كانت
صار كل شي باسمه
لكن بينا شيكات لضمان الحق وعقد شراكة
يعني كل ما نفتح شي جديد يكون الاسم التجاري له والارباح مناصفه حسب العقد وانا بكتبلي شيكات بحصتي وباخذ حقي اول باول
كل شي مكتوب وموثق
لما طلع قانون عدم حبس المدين
فجاة خطر على باله نفك الشراكة
وقال خلي كل واحد يشتغل لحاله
قلتله ماشي ما في مشكلة
اعطاني شيكات جديدة وقسم الشيكات بينا وكان التقسيم عادل
عددها اربع شيكات
اول شي انصرف بشهر سبعة وكان ربع القيمة
باقي الشيكات صار يأجل فيها بحجة انه مستورد بضاعة وبدها شهر لتوصل
وبلش التأجيل
وبالاخر سكر تلفونه وبطل يرد
حكالي واحد انه فاتح بيت عزاء لانه زوجته وابنه توفت بحادث سير في سوريا عذرته شهرين كاملات ما حكيت معه
ما جبتله سيرة شي لحد شهر 11
بعدها حكيت معه تلفون
وصار كل يوم يحكي بكرة وبعده وبعده
وهينا داخلين على شهر 2 ولسا نفس القصة
الصدمة
قبل كم اسبوع فتح الفرع الرابع
نفس الفرع اللي كنا مخططين نفتحه سوا
رفعت دعوة قضائية
واكتشفت انه ناقل كل املاكه من سنين باسم اخوه
ومحصن حاله
الصدمة الثانية
شغله ماشي وكل اموره تمام
لكن بعض البشر الطمع بعمى بصيرتهم
مبارح قريت خبر انه مريض سرطان وبراجع بمستشفى الحسين
روحت وحكيت معه هناك قلت بجوز انه يتعض او يتغير بحكم انه المرض ماكل جسمه خلال مدة قصيرة او يفكر بحاله وانه فيه اخرة لكن تفاجات برد فعله انه ما بده يعطيني شي وانه الان محتاج مصاري على شانه مريض
اللهم لا شماته بس معقول هذا لبصير
مش عارف شو ممكن تاخذ معك على القبر
صح انه مضايق على المصاري لكن مضايق على النفسيات كيف بتتغير لاكثر صديق بالحياة يعمل معك هيك فعلا دنيا اخر وقت
الله لا يسامحك ويجعلك عبرة لغيرك .