بقلم : م. رشا عادل سمور
الكتاب رفيقي يدفي قلبي ويعلمني،

مع كل صفحة بحس الأمل يملي جوي،

أضحك وأحلم وأتعلم حكايات جديدة
وبين السطور بلقى عقلي مرتاح وقلبي فرحان.

وبحب اكتب خواطر ومقالات بتحاكي كل اللغات
وعلى مر الزمان حكينا كان ياماكان

ولليوم ولبكره ولبعدو بنتعلم أمجاد وافكار

ويا محلا القراءه في جو هادي ويامحلاها وانا مخي فاضي مليان

هيك انا كتابي ودفتري وقلمي هم أحلى شي بحياتي صار

ويا محلا حروف كتبتها من جوا القلب وبخبره هالحياة

لاضل احكي علمتني الدنيا وكل درس كان فيها رجعتوا لديني والعلم فلقيت انهم سبقوني بالخبرة والأحكام

راح أضل اقرا قرآن واتعلم من الكتاب وافهم السنن واكتب كلمات تنور بصيرتي والايام

وهيك بالعلم بختصر كتير دروس يعلمني منها الزمان

وبصير بالعلم ابني بيوت لا عماد لها وبصير افهم من كل نسخه سابقه الي عبر الزمان

وراح اكبر بالعلم واطور ومااتراجع الا لانطلق اقوى من كل سابق عهد الي والايام

وهيك برتقي بالعلم و ببني الاصرح وانا مهندس بناء

وماحلا كلماتي الي بحبها لما اكون انا من كتبها وقراها وفهمها وطبقها مو بس بالكلام

خطوه ورا خطوه وراح افوز بالسباق

مش مهم اكون أرنب او سلحفاة المهم اوصل لهدفي بإتقان

وهدفي بالدنيا هو رحله موفقه إلى جنه السماء

فيارب وفقني إلى كل خير ارضاه وترضاه.

م. رشا عادل سمور