ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

تعتذر " سرايا " عن نشر أي تعليق يحتوي أسماء داخل التعليق أو عناوين أو هواتف أو إيميلات .

كما ونرجو من الإخوة المعلقين احترام جميع المعلقين وعدم انتحال الشخصيات الأخرى وعدم تجريح أصحاب المشكلات المطروحة حفاظاً على الهدف من فتح باب التعليقات.

سوي شاي وقهوه واشربي وريحي اعصابك احسنلك ولا تعملي شي غير هيك تندمي لانه تزوج وخلص وثانيا اكيد فيه شي شافه فيها وحس فيه مش موجود عندك او ما اهتميتي فيه

الحل انك اما تقبلي ب لواقع ويكون الامر بشكل مفتوح واهلك يعرفوا ويساعدوك في اتخاذ القرار وليش ازوج ب لسر ممكن انك مقصره معو حتى اتخذ قرار الزواج او تطلقي وحقك وتعيشي حياتك وتبحثي عن حق الشرعي وتزوجي زواج مبني على اسس المحبه والصدق و الاحترام وما تضيعي عمرك لانو الزمن بسير بسرعه وانتي لي بتدفعي الثمن
مع خالص تحياتي واحترامي

خايفة من شو ضل شي اكتر من هيك .. هلا معاكي خيارين اما بتكملي معو على حساب كرامتك واعصابك وبدك تتحملي الضرة او بتنفصلي عنو بكل احترام وبتعيشي مع ابنك بكرامتك ويكون تعاملك مع جوزك رسمي محترم بدون مشاكل وانا بنصحك بالتاني

الصبر اولا" وبطريقة هادئة حاولي ان تعرفي لماذا تزوج ربما لحاجة يظن انه سيحصل عليها منها ثم حاولي ان تتقربي من اكثر وتلبي له ما يظن ان ناقص ومع الايام سيشعر انك انت الاصل فقط وسيتركها ان شاء الله

ارجو لك التوفيق من الله ولا يوجد هناك ما يعيب موصوع التعدد لزوجات ليس عيبا اذا النساء تخلن عن الانانيه وحب الذات والكبرياء 000حافضي على ولدك وعيشي حياة طبيغيه

وعلى زوجكي ان يحترمكي ويعدل بينكما والحمد لله

تزوج بالسر وحده اكبر منك ومش حلوه وبالسر واعصابك مو متحمله وتالفه ومئهوره وبتفكري بابنك وخايفه يضيع ؟؟؟؟؟؟ والزوج وين من كل هالمعاناه الي عم بتعانيها ؟؟؟؟ عذاب نفسي وئهر وضلم وخيانه بالسر اه خيانه يعني طعنة غدر بدك الجل بتخلعييييييييييييييييه هلا وبتاخدي ابنك معك لانه من حقك مو من حق اب اناني ما فكر الا بحاله ونسي انه عنده طفل بحاجه انه يعيش بحضن امه وابوه وشوفي حياتك بشغل محترم تربي ابنك منه واصلا هو غصبن عن انفه ملزم بمصاريف ابنه والنفقه عليه كرااااااااااااااااااامتك ورااااااااااااحتك وحيااااااااااااتك ملكك وحدك مو ملكه تحياتي واحترامي

الله يلهمك الصواب

حبيبتي بيعين الله الموضوع مو سهل..اقعدي ببيتك وخلص ولا تفكري بايشي تاني بكل الاحوال..الرجل ماعمل شيء مخالف للدين..بس الله يثبته ويهديه..ويضل ما يقصر معاكو بشيء...

(الفاروق يقول انما الزواج أسرٌ فلينظر كل منكم اين يضع كريمته)

لانها فعلا بتصير اسيرة بمجرد الزواج..والرتباط

انت اعطيتي سبب زواج زوجك عليكي ...... بقولك عندي ولد وهو كل حياتي ..... اين زوجك من حياتك .... ؟؟؟؟ ابحثي في نفسك عن اسباب زواجة من اخرى وعالجيها سيعود زوجك لك حتما !!!

اختي الفاضله ليس شرط ان تكوني مقصره معه ولكن هو الخسران

ثقي تماما سوف يندم علي هذا الزواج نزوه فقط وانتي استمري معه حفظك الله

زوجك ما عمل شي غلط، هذا شرع الله

واياكي تفكري في الطلاق النبي يقول

ان المختلعات هن المنافقات

وصدقيني بصبرك رح تفوزي بالدنيا والاخرة

الله (............) ,وتورجيه طيب اصلك ونذالتها .ولا تعملي اشي مالك غير رب العالمين يهونها عليكي .
كل الرجال هيك مالهم امان وما منهم رجا ؟؟؟؟؟

نصيحة مني انك تختصريه و طنشيه و تمسكي السانك و اعصابك و ما تجيبي سيرة لاي حدا حاولي انك تحلي مشكلتك لحالك و اذا ما لقيتي اي تحسن حطي اهلك بالصورة و حاولي انك تعالجي الامور بكل جمود و لا تردي على كلام الناس عشان ما اضيعي

والله يا اختي ما بنصحك تعملي ولا شي .. طالما هوا مو مقصر معاكي بشي .. لا تخلي الحمية وعزة النفس تاخدك لسلوك تندمي عليه وتدفعي فاتورة استعجالك فيما بعد ... انا معاكي الموضوع صعب كثيييييير ... لكن ما حيكون اصعب من نظرات اهلك الك ولأبنك فيما لو رجعتي الهم ... ابنك ما بيتحملو غير ابوه .... لا تحكيلي خال ولا عم ... صحيح بتشوفيهم واقفين جنبك وهما صادقين بلا شك ... لكن للصبر حدود عدا عن انو كل واحد بكرا الو حياتو الخاصة .. ما حتتحملي صياح اخوكي بإبنك او اذا اشترى لأبنو وما اشترى لأبنك وغير وغيراتو .. فأنت بغني عن نظرات اهلك اللي ممكن تكون غير مقصودة من اهلك تجاه اولادك ...وبغنى كمان عن انك تسمعي كلمة احنا شو جابرنا فيه وبمصاريفو (( معليش بدك تتوقعي كل اشي)).. لا تخلي العزة تاخدك بالاثم ... ممكن تكوني انت مقهورة وهذا طبيعي ... بس صدقيني بكرا الا تتمنى ترجعي ولو تزوج مرة رابعة وبتتمنى ترجعي وبتصيري بينك وبين نفسك تتمنى حد يرجعك بالقوة لبيت زوجك ... كونك بتكوني محرجة تحكيلهم بدي ارجع واهلك بفكروا للأسف انك مرتاحة عندهم ... وحتى لو عرفوا انك حابة ترجعي ... بكون صعب على النفس انهم ياخذوا خطوة بانهم يرجعوكي لبيتك ... وصدقيني انو انا بنصح خواتي من امي وابوي انو شو ما صار بينها وبين زوجها تتحمل وما تحكي ابدا ... لكني قلتها ثقي تماما انو انا حكون بصفك حتى لو كنتي انتي الغلطانة ... بس بدك تعرفي انها حتكون الحلقة الاخيرة لحياتك مع زوجك ... لانو ما بينفع ابهدلو اليوم واسلم عليه بكرا .... والمشكلة انك بتصيري بعيدين تقولي (ليش اهلى بعاملوا زوجي بجفاء ) طبعا السبب انتي ... لانك حكيتي اللي بينحكى واللي ما بينحكى وما خليتي ولا بقيتي ... وهالشي اكيد رايح ينعكس عليكي ... عشان هيك احنا مو كبسة زر ... اليوم ابهدلك وبكرا اضحك معك .... فالمطلوب نحفظ حط الرجعة فيما لو صار شي بينكم .... عشان هيك اختي انا بنصحك تضلي ببيتك مع ابنك وما تطلعي منو ... لانو الخسران الوحيد بطلعتك هوا انتي وابنك .... ونصيحتي الك بملازمة الاستغفار ... والله يهدي بالك .... وخليني احكيلك هالقصة لعلك تستفيدي (( في وحدة كانت كل ما تتمشكل هيا وزوجها ..يطلع زعلان من البيت .. بس ما يمضي شوية وقت الا وهوا راجع يتأسفلها ... فبقلها نفسي اعرف ليش كل ما اطلع زعلان من عندك ... احس بشي بدفعني ارجع للبيت واتأسفلك ... فبتقلو .. والله من اول ما تطلع من البيت وانا استغفر)) .... عموما .. انا ذكرت النصيحة الك مو الو كونك انت صاحبة الشكوى ... الله يهدي بالك ويرزقك الرشد والصواب .

افضل حل اتطلقي وتركيه انه هو اختار بدالك وانتي مو مهمه عنده يعني مثلك مثل قطعة اثاث بغيرها وببدلها او بلغيها من حياته حبيبتي ازا انتي ما خلعتية هو رح يطلقك لحاله لانه ضرتك ما رح ترضا تشاركيها وكونه هو اختارها عليكي فهي اكيد المفضلة عندهوانتي صرتي قديمة وما ايلك قيمه روحي اخلعية واتزوجي باقرب وقت وعيشي حياة جديده وانسي القرف القديم

اعملي حالك ما بتعرفي وخلي وحده من صاحباتك تلف عمرته الجديده تصاحبها وتعرف كل اشي عنها وشو بتعمل بلكي الجديده عندها ميزات حبها المعتوه جوزك

انتي ما في شي بتقدري تعمليه يا اما الطلاق او تفضلي معو وابغض الحلال عند الله هو الطلاق ولا تنسي انو في بيناتكم ولد وكثير من الاولاد اللي بالشوارع والمنحرفين بكون السبب الرئيسي لانحرافهم هو انفصال الابوين فانتي اصبري منشان ابنك لا تضيعيه منك لانو محتاجك ومحتاج ابوه كمان واذا بدك خلي علاقتك فيه سطحيه

اعتقدد انه الجميع يرى الصبر والتمسك ببيتك وابنك هو الحل ولا تطلبي الطلاق لانه لا يغير شي وانتي عارفه انه فرص المطلقه بزواج ناجح ضعيفه اذا كان لكي وظيفه وضعك ممتاز ركزي على ابنك وبيتك وصارحي زوجك بمعرفتك دون اثارة مشاكل وبهدوء واشترطي ان يبقي على تحمله لمسؤؤلية بيته وابنه وبالنهايه اصبح امر واقع ولستي مضطره ان تضعي ابنك وضع الابن بين والدين منفصلين بالنهايه انتي ام كملي مشوارك للنهايه وفقك الله

انت امام امرين احلاهما مر فاما الاستمرار واما النفور والابتعاد وانت من يقدر ذلك وقاتل الله الغدر ما اصعبه وخاصة بشريكة العمر ورفيقة الدرب وليته كان واضحا وجريئا عندما اتخذ قراره والامر يعود اليك رعاك الله

اختي قدر الله وما شاء فعل بلاء اهون من بلاء في الدنيا انا برأيي الشخصي لسه انه تزوج افضل ما انو يمشي معها او مع غيرها بالحرام لانو الحرام اول عن اخر رح ينعكس عليكم جميعا مو بس على زوجك والطفل الصغير هاد ما الو ذنب يتشتت بزمن الضياع يلي عم نعيشو الموضوع مو سهل انا معك وشاعرة فيكي اختي بس نصيحة لوجه الله تقبلي الموضوع بصدر رحب تعالي شوي على حالك وواجهي زوجك بهدوء وبدون انفعال بس مبدئيا نصيحتي اطلبي منو انو لا تتقابلو انتي وزوجته الجديدة لانو اللقاء ممكن يثير كتير من المشاكل انتي بالغنى عنها بسبب فطرة الغيرة وكلي امرك لله والزمي الدعاء لزوجك انه ربنا يحببه فيكي وفي ابنكم ويهديه عليكم وبتمنالك التوفيق اختي بعيد عن الطلاق ومرارة الطلاق

نصيحة لوجه الله عليكي بالقران والاذكار والبعد عن المعاصي والله الا تحسي بالفرق وراحت البال وهذا الحكي عن تجربه وبالنسبه لزواجه فهاي الحياة لا تدوم على حال

انصحك بمشاهدة فضل الاستغفار للشيخ وسيم يوسف

بيحكو انه زواج الزوج مثل (قرط الصوان) الله يعينك

ميشان ابنك اصبري بكره هو بيفيدك وتغيري انت مع جوزك للاحسن

انا لو محلك بخليه يندم على زواجه ويتحسر

راجعي ملفك انت وحسني من حالك كتير اهتمي بحالك
اذا مو دارسه ادرسي واذا مو متوظفه اتوظفي
اجدي لنفسك طريق لا يكون هو فيه الا الجزء اليسير
وشوفي كيف رح يرجع يهتم بيكي وبحياتك
لازم يحس انه خسر شيء ثمين
يعني انت اهملتي حالك وحياتك لحتى يعيش هو حياته لا يا ستي وانتي كمان الك حياتك

ارجعي اهتمي بيها وخصيصيلها جزء كتير من وقتك

اكيد رح يرجعلك

الي عم بنصحوكي بالصبر على هاي الاهانه النفسيه بدك نصيحتي خيري بين ابنه ومرته الجديده وبينك الزواج من اخرى له شروط والشروط مو متوفره بحالتك هاد هو الدين لا انتي وابنك لا زوجته الجديده كوني قويه لانه اختارها هي عليكي وفضلها الاسلام ما حكى الزواج من تانيه عشان ئلبك حب يغير المصيبه في ناس فاهمه الاسلام غلط وفي ناس بتحب الضعف والسكوت عن الاهانه بعدين حضرته ليش ما اجى خبر زوجته بزواجه وئلها انا والله ناوي اتزوج وتناقش معها عالاسباب الي بدها تخليه يتزوج عليها ليش الكزب ليش من وراها يا بتئبل يا لا عفكره تعليق الي فوووووووء مو الي رقم 7 بس في وجهة نضر جيده

حقه يتزوج، بس انت لا تقولي له انك عرفت، خليه على اعصابه، وانت اهتمي بابنك واصبري

النبي يقول
عليه الصلاة والسلام


(((ان المختلعات هن المنافقات)))

بعدين هي خايفة تطلب الطلاق وفورا يطلقها وانتي جاية تحكيلها اخلعيه ههههههههههههههههههههههههههههههههههههههههههه
انتي مش فاهمة شو يعني خلع
شوفي الجوجل ......عشان تعرفي شو يعني خلع
ههههههههههههههههههههه ضحكتيني

انا بجاوبك على سؤالك.......
السؤال:
حضرته ليش ما اجى خبر زوجته بزواجه وئلها انا والله ناوي اتزوج وتناقش معها؟؟؟؟؟؟؟؟؟؟
الجواب:
لأن النساء يحرمون ما حلل الله ......بالتالي خاف يحكيلها اضطر يغدرها غدر ......وهي النسوان بدهم

سلام الله عليك يا اختي.. اسال الله ان يختار لك الافضل..
بداية تأكدي و لا تتعجلي..
اولا :
قلت اكتشفت انه تزوج سرا.. من اخبرك ..تأكدي جيدا.. وان كان صحيحا.. تمهلي و فكري جيدا..لماذا كان زواجه سرا ..و لم يخبرك ربما هو يحبك و لا يريد ان يؤذي مشاعرك او هو يتوقع ردة فعلك ولا يريد ان يخسرك و يخسر ابنكما..فبعضهم يتزوج و يقيم عرسا كبيرا .. فما زلت اهون. من غيرك.
ثانيا:
من قال الن الرجل اذا عدد و تزوج اخرى لتقصير في الاولى احيانا نعم و احيانا كثيرة لا ...تقولين انها زميلته في دوامه فربمل حصل اعجاب و ربما هي من اعجبت به .. فهذا الزمن غريب اصبح بعض النساء و للاسف تعجب بزميل او شخص ما فتخطط و تتعامل بكل رقه لتكسبه ثم تتزوجه.. نحن لا نعرف من اراد الاخر فيهما فالعلم عند الله تعالى..
ثالثا:
ربما هي رغبة عابرة في نفسه فكوني حكيمة و لا تخسري زوجك تعاملي مع الموضوع بكل حكمة لا تخبريه انك تعلمين بزواجه اشعريه ان قد تغير و اسمعي منه .. او ان الناس يطلقون الاشاعات ان زوجك متزوج .. واقول لهم مستحيل ..هذا زوجي و احبه و يحبني و يحب ابننا و انظري لجوابه ماذا سيكون ..ان اعترف لك بزواجه فإساليه لماذا .. ثم اخبري اهلك بالامر لكن اقول لك شيئيا..
ان كان خلوقا و صاحب دين و ادب و يحترمك فلا بد لك ان تتعاملي مع الموضوع بحكمه ولا تخسريه على العكس زيدي اهتمامك به واعلم اننا نحن النساء هذا الموضوع صعب علينا لكن ستكبرين في عينه و ربما يتركها كما قلت لك ان كانت رغبة عابره.. اما اذا لم يكن اصلا زوجا خلوقا و جيدا فلك الامر بالانفصال ام لا...

اخيرا.. لا تتعجلي و تعاملي مع الامر بحكمه و هذا زوجك فلا تخسريه ان كان زوجا صالحا و عيشي حياتك كما هي على العكس ربما تكسبين قلبه اكثر لكن انت اعلم بحالك منا هل تشتطيعين ان تتحملي زواجه بإخرى و تفرغي و قتك لطفلك ام لا؟؟ بالتوفيق

ردي على مشكلتك....هذا الرد انقله لك من مشكلة سابقة رددت عليها..لا شك أن تعدد الزوجاتأمر مباح، بشرط أن يكون الرجل قادراً على مؤنة الزواج، وأن يعدل بين زوجاته، وليسفي زواج الرجل على امرأته ظلم لها. ولا يجوز لها أن تطلبالطلاق لمجرد زواجه عليها، قال رسول الله صلى الله عليه وسلم: أَيُّمَا امْرَأَةٍ سَأَلَتْ زَوْجَهَاالطَّلَاقَ مِنْ غَيْرِ مَا بَأْسٍ فَحَرَامٌ عَلَيْهَا رَائِحَةُالْجَنَّةِ،وانصحكبالرضا بحكم الشرع، والمحافظة على بيتك وأولادك،إن كان زوجك ممن يخاف الله تعالى فإنه لن يضرك ولن يؤذيك واعلمي انما الحب للحبيب الأول وانت سوف تكونين حبه الأو ل الذي سوف يشتاق إليه من حين إلا آخر...كتبت احدى الكاتبات من بنات جنسك (تقول احدي النساء ان زوجها ان تزوج عليها فانه لن يساوى شيئا في نظرها لانه هضم كرامتها وهنا أقول (والكلام هنا للكاتبة) يا أختاه رعاك الله متى كان الزوج الذي يخاف الله جل وعلا يريد الحلال والعفة يخاف على دينه وعلى نفسه من الوقوع في النظر الحرام ترتعش مفاصله عندما يتذكر قول الله جل وعلا ( ولا تقربوا الزنا انه كان فاحشة وساء سبيلا ) ويسعى إلى ما احل الله متى كان لا يساوى شيئا ؟؟ اذن من الذي يساوى وزنه ذهبا في نظرك هل هذا الزوج الذي يبثك كلمات الحب والغرام وانكي حبه الأول والأخير ثم ما ان يغيب عنكي حتى يقلب نظره في الكاسيات العاريات يمتع نفسه بالحرام يعرض نفسه لسخط الله ثم يتعلق برقبتك يوم القيامة لانكي انتى من دفعته إلى الحرام لماذا يا اختى الزوجة الكريمة تنظرين إلى التعدد على انه نقص فيك وفي قدراتك كزوجة - ثم على افتراض وجود النقص فالكمال لله وحده وعلينا ان نسلم ان هناك فروقات فردية وصفات قد لا توجد فيكي توجد بغيرك لماذا يحرم الزوج من تعويض ما يفتقده من نقص أيا كان فيما شرعه الله وانتي ايتها الغالية يامن ذرفتي الدموع وخاصم أجفانك النوم اعتراضا وتذمرا وكرها لأمر أحله الله وعذرك في ذلك انك تحبين زوجك.. ان من تحب زوجها تحب له الخير وتكون له عونا على طاعة الله وهي أيضا مؤجرة نعم مؤجرة عندما تنقذ عرض امرأة مسلمة تريد العفاف تنقذها من نظرات الذئاب وتسترها تحت ظل زوج .. أنت تحبين زوجك ولكن الحب الحقيقي يختلف عن حب التملك .وفي الختام بين ايديك كلماتي المطولة وربما الثقيلة والتي أغضبتك لكن عشمي في سعة صدرك وان كلماتي من قلب ينبض إيمانا وحبا لتلك الوجوه المحبة (هذا كلام فتاة من بنات جنسك وهي كاتبة )..الله اسأل أن ييسر لك امرك ويكتب لك الخير حيثما كان ويرضك به ويجمعك بزوجك وأولادك ويديم بينكما المحبة ويصرف عنك كل سوء ...... محب فلا تلوموني

اتوقع سبب زواجه عليكي
انو هو مادي جدا وبركض ورا الفلوس
انتي مابتشغلي اكيد راح دور عوحده قرشها معها
طمع طمع طمع وبس

اكيد تحضري انتي وياه مسلسلات تركيه.... لو خليتيه ع الرياضه احسلك

اهجريه ,,,,,,,,ولا تطلبي الطلاق لا تخليه ينام في البيت عندك واذا بدو يبات,,,, ينام بغرفه لحاله ولا بس شغلة طمع ________لان الزلام طماعه ______ هو الي اختار

استشيري اهلك ..... طبيعي تزعلي فتره ...حاولي تاخذي فتره نقاهه ...حرده خفيفه حاولي تتقبلي الموضوع لانك مش اول ولا ااخر وحده وعلشان ابنك ما يكبر بلا اب ..لانه هتكون معاناتك كبيره ..فلا تخربي بيتك انا ايضا بايد تعليق موريه

كيف يعني النسوان حرمو ما احل الله مافي مرة بالدنيا بتحب يشاركها بجوزها حدى هادا مو معناتو انها حرمت امر الله وازا .. لنفرض انو هي مقصرة معاه بموضوع معين هلا هو بعد الزواج التاني رح يقصر معها باشياء اكتر وممكن انها هاي الاشياء يظلم فيها وحدة منهم ويمكن كمان يظلم نفسو يدخل فيها النار .. شرط الزواج المتعدد العدل ورب العالمين بكتابو حكى (ولن تعدلوا) ..
وهلا اضطر انو يغدر ليش الغدر والكزب واللف والدوران حلال بشريعة رب العالمين

بدك النصيحة من واحد مجرب ونصيحة اخويه ارضي بالواقع وحاولي تلطفي الجو احسن الك لانه بالنهاريه مشاكل وطلاقي وابنك رح يدفع الثمن ،،، ونظرت المجتمع القذر الك رح تختلف
توكلي على الله واطلعي عمره وخليها على تساهيل رب العالمين

قولي مبروك حبيبي وتتهنى حبيبتي وخليكن خوات احسن
الدنيا ما تغني عن الاخرة زوجك محترم لانه تزوج لو مسكتيه مع وحدة احسن توكلي على الله وقولي خير

يا جماعه ما تحرقوا اعصابكم ...واضح انها صاحبه المشكله عاقله وفهمانه ...يعني وحده غيرها كانت انفجرت ...بس هي بتنفس اما بالنسبه لمشكلتها فهي ماخذه القرار هي راح اتظل مع جوزها قولا واحدا ........بمشيئه الله ..........خذوها مني الدكتور فيل

حقه يتزوج والرجل لا يفكر بالزواج الا وقد استنفذ كل السبل لتحسين علاقته بزوجته وخاصة ان كان لديه اطفال وانا مو شايف اللي عمله جريمة الموضوع مو جمال وبس والمرأة الذكية من تجعل زوجها في سعادة دائمة تقدم له ما يحب وتحسن معاشرته وتبتعد عما ينفره

لا تجيبيلووو سيرة خلية يتضل خايف منك وعاملك حساب واستغلي كل وقتلك بالدعاء والاستغفار وصلاه الحاجة حتى ربنا يفرجها عليكي و بهاي الفترة تغيري تغير جذري اهتمي بحالك زي كأنه عندك حفلة ميك اب وووو وحاولي خففي دمك شوي وضلي اضحكي وامزحي معه يعني خلية يشوف انسانه مختلفة تماما وهوووووون بتبين الشطارة يا ذكية اجذبية الك قبل مايطير منك وتوخذه هذيك ع الجاهز وخلي بينك وبين نفسك تحدي وضلي احكي لحالك ( نهايتك عندي ورح اجيبك يعني رح اجيبك ) وهيك بعد فترة رح تقولي تفاحة معها حق

كلام سليم اختاه بس كمان عليها اتباع ما يلي الخطه رقم 1 تعمل ما عندها علم بزواجه خطه 2 كل ما تشعر انه رح يذهب الى الجديده تتزين وتجدد الخطه 3 تعمل احلى اكل خطه 4 جو رومانسي خطه 5 اذا بذهب بالسياره تبنشر اعجال السياره خطه رقم 6تشغله بابنه انه بسال عنو وببكي وبدو بابا الخطه رقم 7تطلعلو في كل مره مشوار خطه رقم 8دائما تشغله بابنه وباشياء وتصليحات ومسؤليات بالييت واحلى خطه على طول يجب عليها الحمل مجددااااااااا وباسرع وقت قبل ما الجديده تخلف ودائما تطلب مصاري اي تقصص جناحاته ما تخلي بجيبتو مصاري ابدا ورح يرجع لبيته ويترك الجديده

صدقتي برتقالة .. بس الاهم من هيك تكثر الاجواء الرومنسية وتعمل نيو لوك يعني لو تصبغ شعرها احمر لانه الرجال بحبو هالالوان و تغيري بحالك يعني لو كانت بيضة تعمل تاج ولو كانت سمرة تبيض حالها بالميك اب المهم تغير جذري ..
ونصيجة لصاحبة المشكلة لا لا لا تبيني له انك بتعرفي اعملي خطتي وخطة برتقالة

ومش غلط تستخدمي بعض المصطلحات الشامية والمصرية مثل (تأمر أمر ابن عمي / تمشي على رمشي يا ابن عمي / تقبر عظامي ان شالله / انا انهاري ابيض لاني شفت طلتك / ليته ما يبلي اللي لابسة ابن عمي .....) ووووهيك
صدقيني اذا مشيتي ع هيك رح يعتبر هديك نزوة ورح يقول لحاله خليني اطلقها قبل ما انفضح ..
واساسا لو مش معتبرها نزوة كان خبر العالم كله انه تزوجها .

مزبوط يا تفاحه لان الزلمه عينو فارغه ان كانت زوجته سمرا بدور عالشقرا والعكس وبنصحها كمان بالشموع والورد كل يوم الصبح يلاقي على مخدته ورده وتستخدم فعلا كل اللهجات حتى اذا استدعى الامر تحكي كمان عراقي شلونك عيني شلونك وموسيقى هاديه واضواء خافته وكل اليوم لبسه و تغير وروشنه وخفة دم و لازم تتلحلح وما تخلي الجديده الها مكان عنده ابدا تنسي اياها لان هو من حقها وهديك خطفتو منها وردي علينا حبيبتي احنا مجموعة الفاكهه الطازجه

الشرع حلل اربعه اختي اقبلي بالوضع ولاتتهوري ويضيع ابنك