قصيدة حمده ولكن (الاردنية)

ما رح أجاوبك
حتى لو تذبحني ما رح أصدك
مديري ... وراتبي منك
كيف أجاوبك
لقمتي ولقمة أمي بين إديك
كيف أصدك
لا يا عيني
أنا فاهمه قصدك
وما رح أجاوبك
صيح.... بهدل ... أشتم وسب
ما رح أهينك
ودي آكل ...ودي أطعمي امي
ما رح أصدك
خلني عبده من عبيدك
أسكت وأتحمل وما أسبك
هذي قصة حمده الاردنية
القلب اللي صبر عالإهانه
ولاجل لقمة الخبز سكت وما تكلم
قلبها طيب حمده صمدت وسكتت
وقلبها الطيب كل يوم يبكى
وعينها ابد ما نزلت دمعة
كبتت حمده
وصبرت حمده
انهانت حمده
قلبها فاض وما قدر يتحمل أكثر
واليوم...غير كل يوم
وكأنها عارفه انه آخر يوم
ما سكتت حمده
صاااااااحت حمده
بكيت حمده
دمعت عيون حمده
نعم اليوم صاااااااحت حمده
بعدها مااااااتت حمده
أمها ونسوان الحارة
حلفن قبر حمده بالليل
يطلع منه صوت يقول
مااااا أسامحك
حتى لو مريضة
قتلتني من القهر
ماااااا رح أسامحك
قتلتني من الحسرة
ماااااا رح اسامحك
فرقتني عن امي
ماااااا رح اسامحك
اليوم
رح أهينك....رح أصدك...رح أجاوبك
حقي وحق امي برقبتك
ان شاء الله ربي بعيشتك مثل ما هنتني يهينك

• إقرأ أيضاً : عندما تُفقد الحكمة في قيادة الإدارة الرياضية الخاصة بذوي الإعاقة
• إقرأ أيضاً : الرمثا إذ ينهي رحلة التيه نحو لقب الدوري
• إقرأ أيضاً : البريد الاردني مسؤولية الجميع