بالفيديو و الصور .. ريهام عبد الغفور تكشف لـ"أبلة فاهيتا" جزءاً من حياتها الخاصة

سرايا - قالت الفنانة ريهام عبد الغفور إن زوجها مصري ولكن والدته من ألمانيا، وكان لا يجيد التصوير.


تابعت: "بعد الجواز أخد كورس عشان نتصور كتير وكده، وعمره ما حضر معايا ولا مهرجان ولا تكريم ولا جايزة استلمها".

وقال شريف الشوبكي، زوج الفنانة ريهام عبد الغفور خلال لقائهما فى برنامج "الدوبلكس" لأبلة فاهيتا، المذاع على قناة ON: "أنا اللى عاكست ريهام فى الأول بس هى ضحكت عليا واتجوزتنى، واتعودت لما نخرج مع بعض هناكل فى مكان المعجبين بيكونوا عاوزين يتصوروا معاها، وياريت الموضوع بييجى على إنى باكل لوحدى وبس ده أنا بمسك الكاميرا وأصورهم كمان" .

وتابعت ريهام عبد الغفور: "أنا بحب حكاية ربع قيراط من مسلسل إلا أنا، والنكد تمثيله أسهل بكتير من الكوميدي، لكن طبعا فى صعوبة برده والناس بتحبه جدا".

وأضافت ريهام عبد الغفور: "كنت برقص باليه وأنا صغيرة لفترة قصيرة، ومكملتش بسبب إن أخويا كان مصاحب المدربة بتاعتي ولما سابوا بعض مبقاش يودينى تانى".

وتابعت ريهام عبد الغفور: "والدي عمره ما كلم حد ليا عشان أمثل، أنا روحت أوديشن من غير أهلي ما يعرفوا لأنهم مكنوش عاوزنى أشتغل قبل ما أخلص دراستي وآخد البكالوريوس الأول، فاضطريت أروح من وراهم".