سرايا - بداية ما بدي أخوض في التفاصيل لانه القصة طويلة ومعقدة يا جماعة الخير أنا اخوي تزوج من وحدة مطلقه ومن غير جنسيتنا مو هون المشكلة لانه احنا اساسا ما اعترضنا لانه ما يعيب الإنسان غير أخلاقه طبعا هاد الحكي من ست سنوات وعندهم اطفال البنت كانت بنظرنا شاطرة وقد حالها وعمر ما حد فينا ادخل في حياتهم الخاصه لانه اشي ما بخصنا المهم يكونو مرتاحين ومبسوطين لكن من فترة صار عنا اكتر من علامة استفهام عليها طبعا سواء باللبس او طريقة المزح او أسلوب الحكي راحو خواتي وحكو معها من باب ازا عندها مشكلة وبنقدر نساعدها تفاجئنا أنه هي ما بدها زوجها ولا ناوية تكمل معو بنظرها أنه مش زلمه يعتمد عليه أو بالأحرى لانه بحبها وبطاوعها بكل شي بدها زلمه يدعس ع رأسها ع حد تعبيرها والمصيبه الأكبر أنه نكتشف أنها بتحب اخوي التاني هون كانت المصيبه وعلقت أنه ازا صار واطلقت واتقدملها اخوه حتوافق احنا بدورنا بلغنا اخونا واهلها السؤال هون هل احنا غلطنا ؟
وبعد هيك لما واجهها جوزها بالحكي ما أنكرت بس حكت انها مش بوعيها وأنه في اشي خارج عن إرادتها وطلعتنا خرابات بيوت ووكزابات واخونا بدوره لانه متيم فيها سدقها ومخاصمنا خصام الرسمي بس غير أنه حالته النفسية السيئه أنه معتبر خواتو هم اللي بدهم يضروه
كل اللي بحكيه أنه يارب ينور بصيرته وما نخسره لانه جد انسان خلوق وما يستاهل منها هيك

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا