حرية سقفها السماء

وكالة سرايا الإخبارية

إبحــث في ســــرايا
الخميس ,21 يناير, 2021 م
طباعة
  • المشاهدات: 5653

مشكلتي حماتي

مشكلتي حماتي

مشكلتي حماتي

04-11-2020 09:58 AM

تعديل حجم الخط:

سرايا - دحكي اشي صار معي الشهر اللي فات وصراحة مأثر كتير عليا ، يمكن كتير منكم يحكي الاشي تافه وعادي بس بالنسبة الي غير ، الاشي كالتالي
أنا بنت جامعية تمام وبدرس تمام اجاني خطاب وهالخطاب بكونو صحبة مع امي المهم أجت المرا " الخطابة " أول مرة وقعدت تحكي حكي عادي ولا كانها جاية تخطب تمام وكانه زيارة لامي وانه زمان ما شفتها وعادي وروحت واحنا كذلك لامر أخدنا الاشي انه جد زيارة ، هي بدور لابنها على عروسة من زمان وابنها ما شاء الله عنده مواصفات حلوة وكل بنت بتتمناها ومحترم كمان وهاد المهم وهو بالمقابل بده مواصفات صراحة كل المواصفات اللي بده ياها فيا تمام بس شغلة وحدة اللي مش فيا هو بده طويلة بحكم هو طويل وانا صراحة مش طويلة ، هلأ عادي انه امه اجت واحنا اصلا ما اهتمينا صراحة وحكينا زيارة واصلا ابنها بده طويلة وهيك يعني ، امه عادة باقية جاية تشوفني كاينة ومش زيارة لامي لانه تاني يوم من ما اجت علينا راحت طلبتني انا واختي كمان لولادها الاتنين للي بدورله ولتاني الاصغر منه كمان لانه شافتنا احنا التنيتن وعجبناها والدليل انها راحت تطلبنا من ستو ومن خوالي ، المهم امي قعدت تحكي ابنها بتوعج وهيك ويمكن ما تعجبه بنتي صح بنتي حلوة بس بخاف ع نفسيتها ومن هالحكي والتانية صغيرة لسا مش هلا وقت جيزتها حكت لخالو احكيلها انه بدهم لسا يخلصو تعليم ومن هالحكي يعني دبرها وبالفعل هي اللي صار وانه خلص ما بدنا تمام ، وانا بهاي اللحظة حكيت لعه خير وهيك وانه صح ابنها الصراحة كل مواصفاته المواصفات اللي بدنا ياها يعني بس حكيت خلص شكله ما في نصيب ولعله خير ذاتاً الشب بتعوج هلأ خلص مر يومين ع هالقصة ، باليوم الثالث الا المرا وبنتها راجعين وانه طلبتني طلبة رسمية من امي ويعني زي العادات والتقاليد ياها ياني لابنا و المرا طول القعدة حكيها يدل انه بدها وسالتني عن رسومي اصلا ضايلي هالفصل اللي يندفع يعني وهما وضعهم حلو وعن كتير اشيا و هيك وتضحك وتحكي يلا بنخصم من المهر مش عارفة ع شو اللي انفتح بس يعني الفكرة انه كل كل حكيها بدل انها خلص بدها اكيد ، صراحة بعد ما روحو اهلي حكو خلص بدنا نعطي وهيك وانهم ناس اوادم وانا بهاي اللحظة حكيت هاد قدر ربنا يعني اكيد ربنا مش حيعشمني بحاجة وما يعطيني ياها لانه الشب ما شاء الله واستودعت الامر لربنا المهم و بالاخر هداك يوم وهادة يوم لا حكت بالموضوع ولا رجعو ولا اش


لتحميل تطبيق "شرق" : اضغط هنا






طباعة
  • المشاهدات: 5653

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم