سرايا - انا متزوجة من كم سنة
انا جوزي مربي فيني خوف منه
المفروض ما اخاف
المفروض اكون عايشة ب امان
المفروض المكان الي اهرب فيه من العالم الي برا هوة بيت جوزي
بس انا العكس
بهرب منه لنفسي
الخوف هوة
الأمان مش موجود
مثال الاب او الزوج او الرجل ما عمري شفته بحياتي
مالي أخوة يحموني ولا اب ولا حدا اخده كمثال او قدوة او امان
انا ربي سندي مش محتاجة سند
بس انا بعترف اني بخاف من جوزي ومش عارفة اتخلص من هالخوف
طبعا حكيت معه ما اقتنع
حكيتله انا مش حاسة ب امان
مش راضي يغير طريقته بالمعاملة
بيجي بعنفني نفسيا
بعدين هوة بنسى بفذرني نسيت
وحاولت معه كل الطرق علفاضي
هلا انا مش خربانة ومعترف اني بخاف بس مش عارفة اتخلص من الخوف
ما بدي منه اشي
بتحكم فيني لاني في بيته على قولته بصرخ امتا ما بده وخلص بيته يعني ما الي اي حق فيه
انا هيك عايشة وطبعا في أجزاء من حياتي ما حكيتها
انا لو كنت زلمة رح اتعلم كتير من تصرفه هاد وما اعمله ببنت الحلال
لاني بعرف بنات الناس الهم مشاعر وبدهم يعيشوا متلوا متلهم
ما رح ادعي عليه
بكفي اني افضفض لناس غرب والناس تسمعني