بالصور .. مها احمد تتحدث كيف اصبحت ترند في الايام الماضية

19-10-2020 02:26 PM

تعديل حجم الخط:

سرايا - تصدر اسم الفنانة مها أحمد، تريند محرك البحث جوجل، على مدار يومين بعدما بزرت العديد من أزماتها الأسرية على مواقع التواصل الاجتماعى.

البداية كانت بما نشره ابنها الأكبر "عادل" من الفنان مجدى كامل، عن الأزمات التى يمر بها فى حياته، وقال إنه يعانى منذ أيام من مرض لم يشخصه الأطباء، والأدوية لا تجدى معه.

مها أحمد

تحدث عادل مجدى كامل عن شعوره بالحزن والاكتئاب بعد انفصاله عن حبه الأول، ووفاة صديق طفولته اليوتيوبر الشهير " مصطفى حفناوى"، ومرضه الحالى.

ظهرت مها أحمد فى أحد البرامج التلفزيونية، للحديث عما كتبه ابنها، والأزمات التى تمر بها أسرتها، بدءا بالحادث التى نجت منه، ثم غرق منزلها دون سبب واضح.

مها أحمد لديها ابن آخر من مجدى كامل " أحمد" لكنه يعانى من ظروف خاصة، وقالت فى تصريحاتها الإعلامية إنها تتخوف من ملامسته حتى لا تصيبه بفيروس لأن مناعته ضعيفه.

ونشرت مها أحمد صباح اليوم، كلمات جديدة مؤثرة عن حياتها فى ذكرى وفاة وميلاد والدها، مع صور لهما سويا وقالت له:" واحشنى قوى ووحشتنى حنيتك عليا ومحتاجة قوى أحط راسى على صدرك.. محتاجة وجودك جنبى.. سؤالك عليا.. طبطبطك عليا.. محتاجة أحكيلك عن مصاعب ومصائب الدنيا".

View this post on Instagram

انا بكتب الكلام ده و انا ايدي بتترعش و فعلا تعبان و مش قادر و مش عارف انا عندي ايه و مش عارف اتكلم مع حد علشان مش عايز اخلي حد يشيل همي ، بس انا هكتب الكلام اللي عايز اكتبه ده علشان انا مش عارف اللي جاي ايه ولا هيحصل ايه ، انا حياتي بايظه بقالها اربع شهور من يوم ١٥-٦ لحد انهارده ١٥-١٠ ، الاربع شهور دول اوحش اربع شهور عدوا عليا في حياتي من يوم ما جيت الدنيا علشان حصلي فيهم حاجات وجعتني و تعبتني و أثرت علي نفسيتي ، أولهم كان اول حب في حياتي عاش لمدة سنه و نص و كان نهايته يوم ١٥-٦ ، بعدها كان وفاة حفناوي صاحبي و اخويا يمكن مكناش قريبين من بعض بس مجرد مبنتكلم مع بعض او بنشوف بعض بيبقي اكننا نعرف بعض من الحضانه و كان في ذكريات حلوه اووي لينا مع بعض ، بعدها امي كانت هتموت في حدثة عربية و الحمد الله ربنا سترها و عدت علي خير ، بعدها البيت بتاعنا لما غرق كله و لحد دلوقتي منعرفش غرق ازاي ولا ايه اللي حصل بس الحمد الله علي كل شئ و لحد دلوقتي البيت لسه بايظ ، و اخرهم بقي و ده لسه من ٣ ايام اني تعبت جدا فجأه و تعبت تعب مش عادي و مش عارف انا عندي ايه ولا الدكاتره عارفين انا عندي ايه ، خت جميع الادويه و خت حقن و بنام كويس و باكل كويس و بعمل كل حاجه و برضه مفيش اي تحسن ، انا بكتب الكلام ده دلوقتي و انا مش حابب كده خالص ولا كنت عايز اعمل كده بس عملت كده و كتبت كده و هنزله علشان انا بجد خايف من اللي جاي و مش عارف ايه اللي ممكن يحصل ، فعلشان لو حصل حاجه اكون كتبت كل اللي جوايه و اكون ارتحت اني عملت كده و علشان برضه تكونوا عارفين ان الضحك و الهزار و الخروج و الاستوريز مش دي الحياه الحقيقيه ، الحياه الحقيقيه هي اللي انا حكاتها دلوقتي ، محدش يعرف انت حياتك عامله ازاي ولا ايه اللي بيحصل فيها ولا جواك ايه كله شايفك في صور و فيديوهات مش حقيقيه ، المهم ربنا يستر في اللي جاي و يعدي علي خير ان شاء الله علشان المره دي انا بجد حسات بالموت ، فلو عدت علي خير حيات الواحد هتتغير تماماً في كل حاجه حته في الصور و الفيديوهات ، اسف اني طولت عليكوا ، يارب انت الشافي المعافي

A post shared by adelmagdiikamel (@adelmagdiikamel) on Oct 15, 2020 at 11:15am PDT