تابع اخبار كورونا اولا باول اقرأ المزيد ...

حرية سقفها السماء

وكالة سرايا الإخبارية

إبحــث في ســــرايا
الثلاثاء ,27 أكتوبر, 2020 م
طباعة
  • المشاهدات: 9665

لماذا يرفض بعض الشبان الزواج من المرأة المطلقة ويقبل بالاجنبية؟

لماذا يرفض بعض الشبان الزواج من المرأة المطلقة ويقبل بالاجنبية؟

لماذا يرفض بعض الشبان الزواج من المرأة المطلقة ويقبل بالاجنبية؟

17-10-2020 11:03 AM

تعديل حجم الخط:

سرايا -

يلي أنا بدي أستفسر عنه هو إنه ليش بعض الشباب العزابيين برفضوا الزواج من المطلقة بالرغم من إنهم عارفين إنها كانت مع واحد بالحلال مش بالحرام بل حتى منهم هذول الشباب بأنفسهم ممكن يكون آسمهم عزابيين بس بالإسم فقط لا غير ، يعني عاملين السبعة و ذمتها بالحرام ، و بحرموا الحلال للأنثى ، ليش الذكورية بتسري بدمهم مش عارفة أنا عنهم ليش هلقد بحبوا الظلم ؟
و بل حتى بوصفوها بالمستعملة و كإنها مجرد سلعة ، و هالكلام هذا عنها بحد ذاته مهين جدآ و مش حلو بحقها تنوصف هالوصف هذا بدون سبب ، أما بالمقابل الشي المؤسف جدآ جدآ إنهم هذول الشباب بأنفسهم برضوا على حالهم يتزوجوا من أجنبية ماضيها أغبر ، و من المعروف إنها قلما تكون وحدة أجنبية ما زالت آنسة ، بل حتى بعتبروها مش طبيعية هناك إذا إنها كانت آنسة بعتبروها مريضة أو عندها برود جنسي أو كذا ، فكيف برضوا عحالهم يهينوا أمهم و أختهم و بنتهم العربية و يغفروا للغربية أخطائها ؟؟!؟!؟
سؤال بطرح نفسه كيف المجتمع الذكوري نشأ و مين السبب بهالظلم و اللؤم مع الأنثى العربية ؟!؟؟!

أنا الشي يلي قهرني بصراحة إنه إبن جيرانا كان بدوياني
بس أمه الكبيرة بالسن رفضتني لأجل إني مطلقة و هو عزابي و بنفس الوقت هيو خطب وحدة أوكرانية و هيها ما بتتحجب و بتلبس قصير و هالشي مش موجود عنا ببيئتنا إنها الوحدة تمشي مع جوزها و تقصدر بالشارع و هي لابسة تنورة قصيرة ، و كإنه بعرض مفاتن زوجته الأجنبية أمام الله و خلقه و بعذرها و أهله الله لا يوفقهم بعذروها رغم معرفتهم إنه أنا أشرف منها ، يا جماعة أنا بعرف إنه ربي رحمني منهم و اختارلي الأفضل يلي هو بيت أهلي افضل بكثير من بيت طليقي ، بس والله العظيم الشي يلي بحرق القلب إنك تشوف إنه كثير منهم بفكروا بنفس الطريقة الشرقية هايي إنهم برفضوا العزابي يتزوج من مطلقة بالرغم من إنها ممكن تكون أفضل و أشرف منه بأضعاف المرات ، و بالمقابل بعذوروا الأجنبية و بقولوا عادي بنربيها و بنخليها تتحجب و تلتزم أكثر من العربية بنفسها ، و بنغروا فيها بل حتى سلبياتها بشوفوها إيجابيات
كيف بنعمي على ضوهم مش فاهمة أنا ...
هل يا ترى جمال الأجنبية بغنيك عن أخلاقها أو بتتخلى عن عاداتك و تقاليدك لأجلها ؟
هل يا ترى جنسية الأجنبية بتغنيك عن مبادئك ؟
هل يا ترى المطلقة بطلت تصلح للزواج بنظر الشب الأعزب ؟ بالرغم من إنه المجتمع كامل بعرف إنها المرأة هي يلي بالعادة بتكون مظلومة بالطلاق بهالمجتمع الذكوري .


كلامي بخاطب العقول الراقية فقط لا غير .

و بعتذر على الإطالة .


لتحميل تطبيق "شرق" : اضغط هنا






طباعة
  • المشاهدات: 9665
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
17-10-2020 11:03 AM

سرايا

2 -
اريد ان اقول لك أنني متزوج منذ ثمان ثلاثون سنة من أجنبية كان عمرها ١٩ سنة لما تزوجنا وعلمت اولادي انهم مسلمون عرب وهم أطباء ومهندسين وخريجين الجامعات الأردنية فقط. اما التاريخ الاغبر الذي تكلمتي عنه فهو عند العرب والأجانب على حد سواء
18-10-2020 12:08 AM

مش مشكلة الاسم

التبليغ عن إساءة
3 -
اريد ان اقول لك أنني متزوج منذ ثمان وثلاثون سنه من أجنبية وكان عمرها ١٩ سنه عندما تواجهنا وعلمت اولادي انهم مسلمون عرب المنظمه بالصلاة وهم أطباء ومهندسين الخريجين الجامعات الأردنية فقط اما التاريخ التعبير الذي تكلمني عنه فهو عند العرب والأجانب بنفس النسبة
18-10-2020 12:13 AM

مش مشكلة الاسم

التبليغ عن إساءة
4 -
كلامك صح بس يآ اختي للأسف مجتمع هيك واللي بحكم مجتمع الذكور ما بنقدر نغير مجتمع بسهوله
18-10-2020 01:46 PM

مها

التبليغ عن إساءة
5 -
لم اكن انظر الى هذا الشيء مطلقا يعني اي انسان بدور على نصفه الثاني وقد تكون انسة او مطلقة او حتى ارمله الحكم بالموضوع والفيصل هو هذه المراه وطبيعتها وتفكيرها وسلوكها واخلاقها وفكرها هل ينسجم معي ام لا يهم اذا كانت مطلقة ارملة انسة واعتقد كثير من الناس بفكروا بنفس الاسلوب
يسعد صباحكم بكل خير
20-10-2020 11:51 AM

المهندس فراس الفريحات

التبليغ عن إساءة
6 -
انت تنظرين للموضوع من زاويه واحده. هل سالتي نفسك لماذا المطلقة لا تقبل برجل متزوج او رجل زوجتة متوفيه وعندة اولاد. هذا واقع . يوجد سيدات كثر مطلقات لا يقبلون بهذه الحاله. ايضا لماذا الرجل يتزوج مطلقة ويوجد عزباء من كافة الأعمار ومن كافة الجنسيات. ايضا يوجد مطلقات يضعون شروطا تعجيزية امام الرجل المتقدم لهم.
22-10-2020 10:50 AM

ابو اسماعيل

التبليغ عن إساءة
7 -
مرحبا
هلأ الكلام في جزء كتير منه صحيح وانه المرأة تظلم عند الطلاق في مجتمعنا العربي
ولكن هذا الشيء لا ينطبق على جميع الشباب .
وان شاء الله انه بيجيكي نصيب بعوضك عن كل شي صار معك بحياتك
22-10-2020 01:51 PM

احمد 86

التبليغ عن إساءة
8 -
طبعآ الوحدة سواء مطلقة او عزباء او ارملة شو ما كانت

ما بطلعلك تجبرها تخدم اولادك

شو جابرها تخدم اولادك و انت بالأصل ما رح تخدم اولادها و لا تصرف عليهم لو انها كانت عندها اولاد من طليقها ؟

و بعدين انت بتحكي عن البنات كثار ههههههه

قالشو جابره يتزوج من مطلقة

يا سلام مهو هذا اكبر دليل على التخلف إنك بتميز بين العزباء و المطلقة

مع إنه في أشياء كثييييير مهمة بالزواج مش من ضمنها الحالة الاجتماعية للمرأة او للرجل حتى .

عادي الزواج او العزوبية مجرد حالة اجتماعية .





بعدين اذا انت مطلق و معك اولاد فليش بلله حضرتك ما تتزوج وحدة مطلقة و معها اولاد ؟

شفت الانانية و الذكورية كم إنها بتسري بدمك ؟

واضح من كلامك شو انت بلا مؤاخذة .
26-10-2020 07:59 AM

إلى ابو اسماعيل

التبليغ عن إساءة
9 -
و شو بضمنلنا إنك صادق

هههههه

قال تزوجها اجنبية و صاروا اولادها اطباء و مهندسين ههههههه

يا سلام عهالمقياس الغبي

حسستنا إنها الاجنبية افضل من العربية

و بعدين انت بتحكي الماضي الاغبر عند العرب و الغرب سواء





هاي انت وين عايش معناها

شتاااااااان و فرق شاسع ما بين الاجنبية و ما بين العربية

و بتحكي الاثنين سواء





انت بتضحك عحالك او انك أبصر شو عامل بماضيك و مفكر كل الناس مثلك بلا مؤاخذة





في فرق كبير بين العربية و بين الغربية

الغربية بتجيب حبيبها ينام معها ببيت ابوها .

إذا انت ما بتعرف يا ريت تعرف .

بس كونك متزوج اجنبية فمن الطبيعي إنك تدافع عن نفسك لهيك انا بعذرك .
26-10-2020 08:06 AM

إلى اول تعليق

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم