معالي سعد جابر .. رح أشرب شوربة

مو بس رح أشرب شوربة رح أحكي بالعامية يمكن توصل أسرع من الفصحى
المريض معاليك وين بروح؟؟ عالمطبخ ولا عالطبيب؟
وليش بنروح عالطبيب؟ مو لإنه اللي أخدناه من المطبخ ما جاب نتيجه؟
مين فينا بحب يروح يوقف عالدور؟مين بحب يروح يتبهدل وهو واقف قدام دكتورة ما بتقولك تفضل لو بتضل عالباب سنة واقف وهي قاعدة ما عندها مريض؟
غبت سنة عن مركز الل..... الصحي الشامل قلت يمكن انعدل الحال ولكن الوضع زي ما هو مع البعض ولن أعمم والمصيبة حظي طلع عند هالدكتورة وهاي مو أول مرة بتعامل فيها معها.
مش عارفه أنا شو ذنب المريض فوق مرضه قلة قيمته وهيبته قدام بعض الأطباء
هالطبيبة مستفزة وأسلوبها يخلو من الكياسة بالتعامل مع المرضى وهاي مو أول مرة للأسف زي ما قلت.
قطعت رجلي عن المركز سنة وأكتر كمان وقلت يا بنت اشتري أدويتك من الصيدلية وانتهينا,لكن فكرت فيها لما أكون موظفة حكومة وتقتطعوا مني مبلغ وقدره كل نهاية شهر لازم ألاقي الخدمة المطلوبة لما أراجعكم،وزي ما قال المثل لاقيني ولا تغديني معاليك حتى لو ما لقيت دوا بيكفي اللطف بالمعاملة.
لما الدموع بعيوني من الإنفلونزا،والعظم مكسر تكسير والأذن تغرغر بحكة تصعق سمعي،لابد ما آخد شي يعالج هالأعراض لكن لما طلبت منها تكتبلي مسكن للصداع وشراب للسعال ليتها نظرت لي بل استمرت بالتمتمة بينها وبين نفسها لتقول في نهاية الامر روح إشرب شوربة،لم أكن أعلم مسبقاً أن الشوربة بديل لعلاج سيلان الأنف والسعال وصرير الأذن لًكْنتُها الأجنبية قاطعَتْها لَكْنة أجنبية أخرى في مكتبها حيث كانت زميلتها الطبيبة تحتسي قهوة الصباح معها لتنظر لي وكأنها تحاول أن تلطف الأجواء بلطافتها لتطلب مني إعادة الفحوصات المخبرية ليتم التأكد من حاجتي لها وهنا قلت لها حاضر دكتورة سافعل الآن ولكن أريد علاج للانفلونزا التي لم أنم منها طوال الليالي الأربع الفائتة لتعيد الأخرى قولها روح إشرب شوربة كُلْتْ إلَك.
نزلت من الطابق الأول إلى الأرضي وقمت بعمل فحص الضغط والكوليسترول وطلبوا عودتي لاستلام النتائج الساعة الواحدة على أمل الساعة الواحدة أن تَصرف لي تلك الطبيبة علاج للإنفلونزا حتى لو كانت كبسولات شوربة !!!!!!!!.