اسكن عند أهل زوجي ولا نعمل؟

سرايا -
السلام عليكم انا بنت متزوجه من سنتين مكملة بكالوريوس ولسا ما لقيت وظيفه انا وزوجي ساكنين عالطابق الثاني من بيت اهله المهم حالنا مستور ووظايف مو لاقيين وبناكل وبنشرب معهم للحاجة والله يعلم انه بشتغل معهم فوق طاقتي يعني ببيت اهلي ما كنت احرث هيك ولا في تقدير يعني بس بدي افهم منكم الي بمكاني كيف طبيعة الشغل لازم تكون مع الحماه علما انه اجهضت مرتين وهسا حامل وماحدا مراعي ظرفي وراحت قلبت الدار كلها دهان وتغيير اثاث وديكورات واحنا ولاحدا حاس فينا ولا حدا معطينا ولاقرش ومعهم مصارررري كثييير ويحاسبونا علليرة والليرتين الي نتقرضهن منهم اقسم بالله نفسي يجي اليوم الي اتوظف فيه ويصير عندي كرامه زوجي كثيييييير منيح وبحبه كثير وهو بار باهله لدرجة يخجل يطلبهم مصاري خوفا عليهم يعني بحياتي ماشفت اطيب منه واخر شي تحكيله امه لو مسكن يهود فوق احسلي كان ساعدوني والله والله انه كنت دايخه وكنت بوضع الله اعلم فيه لانه ببداية حملي وصعب علي احمل اشياء ثقيلة وانقل جاطات مي واقعد احف بالدهان مو طالبة تريحني عالاقل ما تنكر الجميلة
هسا لو انا عند امي معقول تشوفني تعبانه واستفرغ وتعاتبني !