بقلم : هاشم الخالدي
بتعرفوا شو النعمه الموجوده بين ايدينا ومش حاسين
فيها
بتحبوا احكيلكم ايش هي .
الكفوف اللي حضرتك وحضرته لابسهم باسعار زهيده والكمامات اللي موجوده ببيوتنا وصيدلياتنا بالمئات والمعقم اللي بتلاقيه بالمؤسسه العسكريه والمدنيه باسعار ما بتزيد عن دينارين ؟؟
بتفكر انه عادي يعني انها تكون متوفره ؟؟
لا يا سيدي
خليني اكون صريح معك
بتعرف انه في ايطاليا وبريطانيا بجبروا الطبيب انه يغسل الكمامه مره ومرتين وثلاث مشان يلبسها اسبوع كامل لانها مفقوده بطول البلاد وعرضها .

بتعرف انه امريكا اللي كنا نسميها دولة عظمى ما قدرت توفر لمواطنها كمامات ومعقمات .

بتعرف انه بعض دول الخليج انقطع عندهم الهايجين والمعقمات من اسبوعين وكانوا الاردنيين اللي هناك يستنجدوا قرايبهم مشان حدا يبعثلهم علبه معقم من الاردن لانه صار سعر العلبه ام ال ١٠٠ مل ب ٣٠ دينار اردني ومش موجوده ؟

بتعرف انه كل مولات امريكا بعظمة مولاتها - اصلا همه ما عندهم الا المولات وبين كل مول ومول يا دوب ٣ كيلو متر - مفقود في رفوفها كل شيء
نعم كل شيء
مشان هيك انا بكتب بالعاميه هالمره مشان نحمد الله ونشكره انه ما زلنا صامدين امام هذه الحرب الجرثوميه المختصره باسم " كورونا ".
بلد صغير بجغرافيته وكبير بتوفير الحاجات الاساسيه لمواطنه بستحق التحيه العسكريه .
بس بدي اترجى كل واحد فيكم اله قرايب في المانيا وامريكا وايطاليا وفرنسا انه يسالهم
عندكم كمامات
عندكم كفوف ايدي طبيه
عندكم معقمات
وبس تسمع الجواب وتنصدم قوم ادي التحيه العسكريه لبلدك
وسلامتكم
الكاتب : مؤسس موقع سرايا
Hashem7002@yahoo.com

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا