سرايا - "يسعد اوقاتكم جميعآ

حابة استشيركم بشغلة مدايقيتني جدا

انا مخطوبة الي سنة ونص خطوبة تقليدية طبعآ انا متفهمة انه لازم في وقت لناخد ع بعض ونحب بعض لكن بصراحة في اشي عجزت اعالجو بيني وبين خطيبي.

خطيبي ما بهتم فيني ولو بايدو ما بحكي معي مكالمة وحدة باليوم ما بقصر وانا اكيد ما بدي زي مسلسلات الاتراك اضل معه ٢٤ ساعة وكابسة ع نفسو بس والله مش لدرجة انه طول اليوم مكالمة وبنهيها بعد بشوي من ما تبلش وبضل ساكت.

حتى اهتمام ما بهتم لمشاعري وزعلي مع اني بنت حلوة و مهتمة بحالي ودارسة وطالعة وفاهمة الدنيا كلها وفاهمة كيف اتعامل مع الكل الا هو عجزت اعرف كيف اخليه يهتم فيني يبادلني الحب بصدق مش بس حكي.

شو اعمل احكولي والله هاد الاشي ماثر على نفسيتي كتير.

وملاحظة اخيرة للي بحكيلي يمكن ما بدو اياكي
هو كان رافض يرتبط عن حب وكان حاب التقليدي وهو شب وضعه المادي عادي جدا ومش دارس فما في سبب يخليه ينفر مني او يتكبر علي
وبعتذر عالاطالة وشكرا الكم ".

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا