09-01-2020 01:11 PM
سرايا - بهاء سلامة - تفاعل رواد مواقع التواصل الاجتماعي الأردنية مع هاشتاغ #عمان_تغرق، الذي انتقد الاجراءات والاستعدادات الحكومية في مواجهة الأمطار، والتي كان نتيجتها غرق عدد كبير من المحال في وسط البلد و بعض مناطق الدوار السابع.
الهاشتاغ الذي انتشر كالنار في الهشيم تصدر الأكثر تداولاً عبر مواقع التواصل و موقع الرسائل القصيرة "تويتر"، انتقد تقصير الأمانة في مواجهة الشتاء، و كأن بهم يعودون للتأكيد على الحديث الشريف " حديث (لا يُلْدَغُ المؤمِنُ مِن جُحْرٍ مَرّتَين" لأن ما حدث من غرق لمحال تكرر في العام الماضي، بحسب ما قاله رئيس غرفة تجارة عمان، خليل الحاج توفيق لـ"سرايا" الخميس.
و تناقل نشطاء على مواقع التواصل مقاطع فيديو لمركبات ومنازل أغرقتها الأمطار، كما تناقلوا مقاطع توضح تعطل حركة المرور وغرق مركبات.
كل شهر ١ بيتفاجؤوا بالمطر وبتغرق عمان، تعلموا من النمل كيف تستعدون في الصيف لموسم الشتاء😂😂😂😂 #عمان_تغرق #الأردن #وسط_البلد https://t.co/JvyvCxyYIP
— تقى المجالي🇯🇴 (@lawyertuqa) January 8, 2020
يعز علينا كمغتربين ان نرى عاصمتنا الحبيبة عمان وقد غرقت بمياه الامطار مع انها ذات تضاريس جبليه يسهل تصريف المياه فيها#عمان_تغرق pic.twitter.com/ldp5h0sh5M
— ابو راشد (@shootingman78) January 9, 2020
أرخت عمان جدائلها فوق الكتفين .. #عمان_تغرق pic.twitter.com/9FB53ZeV3A
— Amer Awwad (@amer_awwad88) January 8, 2020
اقسم بالله اشي بحزن ،،رزق العالم وتعبهم ومصدر دخلهم هيك راح بالمي وخسرو كل اشي
والمشكله كل سنه وكل شتوه نفس القصه
الله يجبر عليهم جماعه #وسط_البلد #عمان_تغرق
— ĦÄЀ€Ł⛄ (@hadeel_aA94) January 9, 2020
كم مرة لازم #عمان_تغرق عشان نعرف وين الضرائب بتروح؟
كم طفل مواطن لازم يموت عشان نعرف ليه ما عنا بنية تحتية؟
كم حياة لازم تتعطل بالمطر عشان ندرك قديشنا منحزن؟
و كم حكومة لازم تسقط عشان نعرف انه بكفي؟
— Muhammed Kiswani (@Nero_Kiswani) January 9, 2020
شو يعني عمان تغرق؟
شو صار يعني؟
القصة و ما فيها انه #امانة_عمان مشاركة بمسابقة (حول مدينتك إلى بحر خلال 12 ساعة)🌊
و الحمدلله فازت بيها العام🏆و فازت السنة🏆
و احنا سكان عمان لازم نوقف معهم عشان الهاتريك و الفوز السنة الجاي🏵
بس إنتوا عالم سلبيين😒و ما تحبوا حد ينجح #عمان_تغرق
— Ahmad M AL awdat (@ahmadjordan5) January 9, 2020
"أكثر الدول فقر مائي .. صارت تغرق كل شتاء"
لماذا كانت تمر سابقا مواسم ماطرة شديدة ولا نشاهد الطرقات والأحياء تغرق ... تقريبا هذا العام الثاني ونحن ونواجه نفس المشكلة ... ألا توجد عقول وحلول...؟!
#عمان_تغرق
#المنخفض_الجوي
#عمان
.
— حيدر البستنجي Haidar Bustanji (@hi4drhaider) January 9, 2020
عمرك زرتي اسطنبول ؟؟
المطر عندهم صيف شتاء وامطار غزيرة جدا والحياة مستمرة ولا في سيارات بتغرق ولا طرق بتسكر .... بتعرفي ليش ⁉️ لان عندهم مسؤلين بادوا الأمانة مش مثل الفاسدين اللي بتتهمني وبتتركيهم
حسبي الله ع كل حرامي وفاسد بالبلد وع كل حد بشد ع أيدهم #عمان_تغرق
— ymz (@ymz31403811) January 9, 2020
بوست الموسم
و هشتاغ كل شتوية #عمان_تغرق https://t.co/h3tkL81zpP
— Mohammad.Alawneh (@Leo_Mohammad97) January 9, 2020
حد يطمنا على مستوعبات القمح#عمان_تغرق
— Ghandi (@Ghandi34113441) January 9, 2020
عام يذهب وآخر ياتي وكل شئ فيك يزداد سوءً ياوطني
عمان تغرق من جديد وأمين عمان يقول:
لا صحة للفيديوهات المتداوله!!
بنكذب عيونا وبنصدقه
لو في غير قانون سكسونيا لازم يشلحوا كل المسؤولين ويرموهم بالمي ليعشوا معاناة الاهالي اللي بيوتهم بتغرق
وطني يؤلمني فهل لي ان اتألم؟#عمان_تغرق pic.twitter.com/B06YuzEaML
— Yousef hamayidah 🇯🇴 (@Alhmaedy84) January 9, 2020
قلناها من زمان
مشكلتنا بالبنية الفوقية مش بالبنية التحتية#عمان_تغرق pic.twitter.com/604k0jKps2
— Shadi owaidi ABBADi 🇯🇴🇯🇴 (@abbadialabbadi) January 9, 2020
لمتابعة وكالة سرايا الإخبارية على "فيسبوك" : إضغط هنا
لمتابعة وكالة سرايا الإخبارية على "تيك توك" : إضغط هنا
لمتابعة وكالة سرايا الإخبارية على "يوتيوب" : إضغط هنا