سرايا - أنا شب بالثلاثين من عمري .
قبل فوق العشر سنين دخلت السجن اسبوع عشان هوشة
و هسا كل ما أفوت على بيت بنت لحتى أخطبها برفضني هن و أهاليهن و بشدة ، بقولولي ما بنرضى لبنتنا بخريج حبوس
بقولولي روح خذلك وحدة مثلك كاينة بالحبس هي أو أبوها
بهاي الساعة ألف مبارك ..
أما احنا ما بنرضى عبنتنا بهامل يسترها
يعني بقولوا هيك بوجهي بالشكل المباشر .
شو أعمل لحتى بنت حلال ترضى فيي
ما بدي بنت حيالله بدي أم لولادي
بغض النظر سواء كنت أنا هامل أو محترم عادي أنا ما بنعاب عليي
هيك بيئتنا ما بتعيب عالشب أما البنت عيب عليها
و انا جكر بالناس رح أبحث عن خلوقة و رح ألاقيها و رح ترضى فيي و غصب
و انا متوكل على ربي
صحيح إني ما بصلي و التزامي الديني مش كثير
لكن لما الواحد يتوكل على ربه و يدعي عادي
ربنا بحققله احلامه .
قبل فوق العشر سنين دخلت السجن اسبوع عشان هوشة
و هسا كل ما أفوت على بيت بنت لحتى أخطبها برفضني هن و أهاليهن و بشدة ، بقولولي ما بنرضى لبنتنا بخريج حبوس
بقولولي روح خذلك وحدة مثلك كاينة بالحبس هي أو أبوها
بهاي الساعة ألف مبارك ..
أما احنا ما بنرضى عبنتنا بهامل يسترها
يعني بقولوا هيك بوجهي بالشكل المباشر .
شو أعمل لحتى بنت حلال ترضى فيي
ما بدي بنت حيالله بدي أم لولادي
بغض النظر سواء كنت أنا هامل أو محترم عادي أنا ما بنعاب عليي
هيك بيئتنا ما بتعيب عالشب أما البنت عيب عليها
و انا جكر بالناس رح أبحث عن خلوقة و رح ألاقيها و رح ترضى فيي و غصب
و انا متوكل على ربي
صحيح إني ما بصلي و التزامي الديني مش كثير
لكن لما الواحد يتوكل على ربه و يدعي عادي
ربنا بحققله احلامه .
شارك المقال:
الرجاء الانتظار ...
التعليقات
محمدكو
السلام عليكم ،،،،،،،،،،،،،
محرر
هل قتلت لك أحدا ؟
هل عاملتك بشر من قبل ؟
لماذا تعليقاتي لا تظهر ؟
محمدكو . سلام .
محمد الذنيبات
فعلا سؤالك أبرد من وجهك
فدوى
انت مجنون شي ؟
يعني طريقة صياغة كلامك بتدل على إنك حاب تفرجينا إنك أناني من الدرجة الأولى .
يعني عينك عينك هامل و بدك خلوقة ؟
شو هالحكي الحقير ؟
روح خذلك وحدة من عجينتك .
شو هالشباب الأنانية عساعة هالصبح !!!!!!!!
...
انت عار عالمجتمع
لا تظلم بنات الناس بسبب بيئتك الظالمة للبنت
و يلي فاتحيتلك المجال تخبص و تهمل و آخر شي تاخذ وحدة خلوقة .
الذنب ذنب الام يلي ربتك عالغلط و ساهمت بنشر الفساد و الانانية
بين الشباب يلي بتهيألهم انهم ما بنعاب عليهم و الخطأ عالبنت لحالها .
اخص
أسلوبك مستفز
أسلوبك مستفز بإلقاء مشكلتك .
قال أنا شب ما بنعاب .
هذا زمان كان هيك بس الدنيا تغيرت يا شاطر و الناس وعيت لهيك ما حدا برضى لبنته بواحد تاع ماضي .
الخبيثون للخبيثات
ضحى ردايده
أنا حاسة إنك قاعد بتجاكر بناس معينة من خلال طريقة كلامك بكل وقاحة بلا مؤاخذة
يعني بدك بنت خلوقة و انت هامل
لا حول و لا قوة إلا بلله فيك و ببيئتك الظالمة .
بدك خلوقة ؟؟؟؟؟؟؟
والله لو يقطعوا راسي ما باخذ أناني مثلك .
أم تولين
مش فاهمة شو قصة الشباب يلي بكونوا بالأسفل و ببحثوا عن بنات أعلى منهم ؟ يعني متل العسكري يلي قبل فترة بقول بدي جامعية لحتى اولادي ما يقولوا أمي مش مثقفة و هو يا دوووب يعرف يكتب
و عادي يعني لو اولاده قالوا أبونا مش مثقف ..
و اليوم يا صاحب المشكلة جاي تطرحلنا هيك مشكلة مستفزة ؟
وين عقلك ؟ مين يلي بترضى عحالها تاخذ خريج حبوي
لا وكمان الطريقة يلي بتحكي فيها بتدل على إنكبالمرة بالمرة و مصر إنك تبحث عن وحدة فوق فوق.
والله مشكلتك بتسم البدن يا أناني
مها
خلص ما دام إنها بيئتك ظالمة و بتعيب عالبنت لحالها و فاتحة المجال إلك و لأمثالك بالغلط فخلص روح خذ من بيئتك ، لا تروح تخرب و تفسد بيئات غيرك . لا تساهم بالفساد أكتر خلي بيئتك المتخلفة تنفعك يا خريج حبوس
كيف مش مستحي من طرح هيك مشكلة ؟
hhhhhhhhhhh
هههههههه
حلوة هاي ما بدي بنت حيالله ! بدي أم لولادي !!!!!!!!!
هههههههههههههههههه
طيب و البنات ما بدهن واحد حيالله بدهن أبو لاولادهن بدهن واحد ملتزم يخاف ألله فيهن
بدهن زلمة يحميهن و يكون سندهن مش واحد فالت فاقد للرجولة .
و هبل
سنحك
منت لو بتفهم كان بتصير ملتزم و بتوب لربنا بدل ما إنك تقول أنا خريج حبوس و مش ملتزم بالدين و بدي وحدة خلوقة .
مين يلي رح ترضى بأناني و بحكيها بالشكل المباشر بدي خلوقة جكر بالناس .
و حضرتك بتقول عن الناس بحكوا بالشكل المباشر عنك إنك هامل .
شو هالتناقض يلي بمشكلتك
تناقض بمعنى الكلمة
.
الزاني لا ينكح إلا زانية أو مشركة .
و الخبيثات للخبيثين
و انت حضرتك بتقول انا هامل و خريج حبوس و مش ملتزم و بتبحث عن وحدة كاملة ؟ بدك تظلم بنات الناس بأخلاقك ؟ بحجة إنه بيئتك متخلفة و رجعية و ما بتعيب على الشب ؟
روحخذ خلوقة لكن تأكد إنها من الداخل مثل أخللقك تمامآ حتى ولو ظهر العكس
أو لو إنك أخذت خلوقة عنجد فأكيد رح يتم الطلاق
كلام ربنا مش عاجبك يعني و مش مآمن فيه ؟
إه
من عقلك بتسأل ليش ما يرضن فيي ؟
ليش ما تسأل نفسك ليش أنا هامل ؟
ليش لو كنت إنت الخلوق و هن الهاملات يعني هيك رح تتقدملهن و تتزوج هاي النوعية من البنات ؟
احنا أمام شرع ربنا سواء
سواء كنا بنات أو شباب
بس بيئتك الظاهر إنها مقوية راسك و مخليك تتمادى بهالكلام
إه
من عقلك بتسأل ليش ما يرضن فيي ؟
ليش ما تسأل نفسك ليش أنا هامل ؟
ليش لو كنت إنت الخلوق و هن الهاملات يعني هيك رح تتقدملهن و تتزوج هاي النوعية من البنات ؟
احنا أمام شرع ربنا سواء
سواء كنا بنات أو شباب
بس بيئتك الظاهر إنها مقوية راسك و مخليك تتمادى بهالكلام
شو هالبيئة
قاعد بتثبتلنا إنها بيئتك متخلفة و ظالمة و ذكورية بهالكلام .
فعلآ و كإنك بتحاول تجاكر ناس بعينهم .
كيف زبطت معك تكون هامل و بدك طيبة ؟
خليها تعيش حياتها متلك و تنبسط و تزوجها لحتى يكون في تكافؤ
ياسمين
تامنها بالأول بنت أخلاقها بين و بين
ترضى فيك بالأول
بعدين ابحث عن خلوقة و محترمة يا محترم جدآ
ليش بتبحث عن وحدة أعلى منك ؟
ابحث عن بنت بمتلك لحتى يكون في بينكم تكافؤ بالأخلاق
و سيبك من هبل و غباء مجتمعك السخيف و الرجعي .
أبو أيهم
خذلك خريجة حبوس
إذا إنتوا عندكم الشب ما بنعاب و البنت بتنعاب غيركم بيئات راقية و منصفة يا إما بتعيب عالكل يا إما بتفتح المجال للكل و طبعآ فتح المجال هو الغلط
بس عالأقل بظلوا أهون من إنهم يفتحوا المجال لطرف و الطرف التاني لأ .
لازم يتعيب عالتنين
و انت كونك بايعها و مش فارقة معك و صاحب مشاكل فيا إما بتاخذ وحدة مثلك يا إما لا تتزوج أبدآ
سالي احمد
يا فاضي من عشر سنوات من يدري بحبسك مدة اسبوع ما عي امك نسيت الحكاية ولا لما تطلب بنت بتقول لاهلها ترى انا انسجنت مع خروف العيد اللي اكل المصاري وانت الفت الحكايتين والناس هبل بصدقوا ما يكتب ...........
إلى صاحب المشكلة
عفكرة طريقتك بالكلام فيها تكبر و غرور و أنانية و شوفة حال
عشو بلله ؟
بدك أم لولادك يعني عارف الصح من الغلط و مع ذلك انت بتعمل الغلط بطلعلك أما زوجتك لا .
ان شالله ربنا يرزقك وحدة متلك تمامآ
قارئ
لو انت انسان عاقل وابن ناس وما عليك مشاكل.هل تقبل لاختك الزواج من خريج سجون؟
إلى سالي أحمد
يا شاطرة الموضوع مش حيالله
يعني الواحد لما يتقدم للبنت بروحوا بتروح هي و أهلها يسألوا عن أخلاق الشب تا يقولوا كافي و الجيران كلهم رح يحكوا طبعآ إنه مثلآ بسنة ال2008 عمل هيك هيك
و لنفرض إنه ما حدا اعترف نهائيآ و لا حتى العريس نفسه
بس كل الناس بتروح عند المخابرات لما يتقدم لبنتهم عريس و بشوفوا لو عليه قضايا
و بهاي الساعة لو شو ما يبرر ما رح حدا يرضى فيه .
إلك عين تسأل ؟
شو يا صاحب المشكلة ؟ شو هالسؤال ؟
كيف بتسأل ليش ما يرضن فيي ؟
لازم تسأل حالك ليش أنا هامل أو بالأحرى ليش حضرتك ما تاخذ بنت مثل أخلاقك ؟
لإنك لو أخذت الخلوقة رح تظلمها و رح تتعبوا انتوا التنين مع بعضكم
كونه الطيبون للطيبات و العكس صحيح
لذلك بلاش من وجع راسك
روح خذلك وحدة من عجينتك .
مواطن
إذا كان اسلوبك مستفز فكيف رح تكون حضرة جنابك۔
طارق ابو الرب
أولا توب إلى الله توبة نصوح اذا صلحت توبتك الله بيسرلك بنت الحلال
كوثر
الله يعينك لو كانت البنت راح توافق هسا بطلت بسبب طرحك للموضوع وكلمة غصب
حاسة انه فيلم هندي هههههههههههههه
مواطن
يا اخوان يجب دراسة المووع بكل موضوعية ان حبس صاحب المشكلة كان بسبب هوشة . يعني الزلمه ينضرب ويكون ساكت ؟ اما من الواجب ان تحتم عليه رجولته الدفاع عن نفسه ؟
مواطن الى تعليق 26
عزيزي تم الرد على صاحب المشكلة من طريقة طرحه للمشكلة واسلوبه في طرح الموضوع، فا اغلب المعلقين يعترضون على الاسلوب وليس الشخص ودمت۔
إلى مواطن
بغض النظر شو هي القضية يلي انحبس عليها
المهم إنه صار إسمه خريج حبوس .
بائعة الورد
ههههههه و مبسوط عحالك و عبيئتك الظالمة يلي بتعيب عالبنت لحالها و بتترك الشب يخبص ..
لا والله ما حزرت هذا الزمن زمان انتهى
العيب و الحرام و الغلط عالتنين
لا تصدق حالك و تنبسط و تعمل شو يلي بحلالك و عالآخرين تعيبه يا أناني .
الغلط على بيئتك يلي فتحتلك المجال بالغلط و خلتك تتمادى .
مش الغلط بالبنات يل برفضنك .
بنات اليوم واعيات يا شاطر و ما برضن بالظلم .
ما حدا حكالك تعرض حالك لهالموقف
ما حدا حكالك تعرض حالك لهالموقف .
لولا هالموقف كان ما طلعت من السجن .
دلع
يعني لو تركت قصتك في القسم الأول كانت اجيت معك وحكيتلك توكل على رب العالمين
لكن بهاي النظرة انتي اكيد حد غريب والمشكلة مش انك كنت بالسجن عشان هوشة مشكلتك بمخك اخي واسفة على التجريح
الله يهديك
بيلسان
أنا حاسة إنك يا صاحب المشكلة مظلوم
و إنك بدك تدافع عن حالك لهيك تهاوشت معهم دفاعآ عن نفسك .
بس بهالمجتمع القروي كثير في ظلم مثل المرأة المطلقة كثير في أنذال و لئيمين بحيدوا عنها بسبب هالمصطلح إنها مطلقة بالرغم من إنه بالعادة الذنب مش ذنبها .
السوسنة السوداء
فوق ما انت غلطان
كمان جيت تكحلها عميتها
انت مافيك عيب بس البنت الي بتنعاب
معهم حق يرفضوك مش لانك خريج سجون لا
لانه افكارك غلط