بقلم : يوسف سليم أبو شعيب
رح نرجع عالدار...

رح نرجع عالدار ...

على البيارة ...

وحَبّة فَيْ...

رح نرجع عالدار...

رح نرجع عالدار...

على الشمّسات...

و نَبع المَيْ...

رح نرجع عالدار...

رح نرجع عالدار...

و بيت الطين ...

اللي فينا حَيْ...

رح نرجع عالدار...

يا غيمات المليانة...

شوق ..

وأغاني...

وحنين...

احملينا عن الغُربة...

وأمطرينا في فلسطين...

احملينا عن الغُربة ...

لا بديل ...

ولا توطين...

يا غيمات الحلمانة..

بالأرض ...

وريحة التراب...

تجمعي فوق بلادي..

وقولي رجعوا هالغياب...

تجمعي فوق بلادي..

غير حضن ترابا ما طاب....

يا غيمات المسكونة...

بالشهدا وزهر الحَنّون...

روحي نسقي الليمونة...

ونفرح قلب الزيتون...

روحي نسقي الليمونة...

و نجَبّر للصفصاف غصون...

يا غيمات المشتاقة ...

مثلي للبحر وللصيد...

ابكي دمعه حراقة ....

على الموج الرايح لبعيد..

ابكي دمعه حراقة ....

وودعي الموج بتنهيد...

يا غيمات المليانة...

شوق ..

وأغاني...

وحنين...

احملينا عن الغُربة...

وأمطرينا في فلسطين...

احملينا عن الغُربة ...

لا بديل ...

ولا توطين...

.