سرايا - علق النجم محمد حماقي على الجدل الذي أثير مؤخرًا بسبب أغنية "بحرية" التي قدمها مع الفنانة شيرين عبد الوهاب من ألبوم "سمعوني"، مؤكدًا أن الأغنية إذا لم يكن لها رد فعل فلا يشعر بأنه قدم شيئا مختلفا.
وقال محمد حماقي، في تصريحات لإحدى المنصات: "دا شيء يبسطني الناس لو مهنجتش قدام الأغنية مكنتش هحس أني قدمت شيء مختلف وممكن الأغنية تهنج وتفضل يعني هي جديدة بس مش حلوة، وممكن تقف قدامها شوية اللي هو مش مستوعبها وبعدين تحبها أوي".
وأضاف: "فكرة الكلام بتاع أغنية بحرية بصراحة أنا بشوف عزيز في الأغنية دي أبدع في الحالة اللي هو اتكلم فيها، شيرين أول مرة سمعت الأغنية قامت وقفت من مكانها اللي هو بقالي كتير مسمعتش حاجات حلوة وحبت الأغنية من أول مرة سمعتها".
محمد حماقي: لم أرغب في التأثير على الجمهور بأخبار الشخصية
وأكد حماقي أنه لم يكن يرغب في التأثير على الجمهور من خلال الكشف عن تفاصيل من حياته الشخصية، موضحًا أنه لم يتحدث عن قصة أغنية "ما بلاش" إلا بعد مرور فترة طويلة، حتى لا يحصر الجمهور في تفسير واحد للأغنية.
وقال حماقي: "الحقيقة أنا حكيت القصة بعد ما خلاص خالص، يعني ما كنتش عايز أؤثر على الناس بقصتي الشخصية، وما كنتش عايز أحاصر الأغنية في فكرة واحدة."
وأضاف أن لكل مستمع الحق في تفسير الأغنية وفقًا لمشاعره وتجربته الخاصة، قائلًا: "كل واحد بيسمع الأغنية زي ما بيحس هو، مش لازم يسمعها زي ما أنا حكيت قصتها، وخصوصًا الأغاني اللي فيها حالة خاصة".
وأوضح حماقي أن أغنية "ما بلاش" تُعد من الأعمال القليلة المستوحاة من تجربة عاشها بالفعل، مؤكدًا أن معظم الأغاني التي قدمها على مدار مسيرته الفنية لا تعكس مواقف شخصية، وإنما يجسدها فنيًا.
وأضاف: "ما بلاش عندي قصة حقيقية فيها، لكن مش كل الأغاني كده، يعني أغلب الأغاني اللي بغنيها مش لازم أكون عشت تجربتها، أنا بمثل تجربتها، ودايمًا بقول إن المغني أصلًا هو ممثل".
محمد حماقي يدخل في نوبة بكاء خلال حديثه عن والده
ودخل محمد حماقي في حالة من التأثر الشديد أثناء حديثه عن والده الراحل، حيث لم يتمالك دموعه وبكى على الهواء، معبرًا عن حجم اشتياقه له وتأثير غيابه في مختلف تفاصيل حياته اليومية.
وقال محمد حماقي: "أبويا مكنش في حد زيه، وبشهادة كل اللي حواليه كان حنون جدًا وذكي جدًا، حتى في تربيتنا، عمري ما زعلت منه، وحتى لما كان بيعاقبني مكنتش بزعل، لأنه كان بيختار طريقة للعقاب تعلم، ومفتكرش إني في يوم حسيت إن أبويا كان قاسي".
وقال حماقي: "كنت بحس دايمًا إنه خايف عليا، بس محستش إنه إنسان قاسي أو إنسان عنده سلطة عليا، وكان بيسمع كويس جدًا، حتى وأنا صغير، لو قلت حاجة ممكن تبقى تافهة، كان بيهتم بيها. أنا مفتقده دايمًا".
الرجاء الانتظار ...
التعليقات