سرايا - هاجمت الإعلامية المصرية ريهام سعيد مستغلي جملة "أيامي معدودة في الدنيا"، التي قالتها في آخر بث مباشر نشرته عبر حساباتها على مواقع التواصل الاجتماعي، وتمحور حول رفضها الدخول في "لعبة التريند"، وعدم اهتمامها بما يتردد على السوشيال ميديا نتيجة وجود ما أسمته "لجانًا"، فضلًا عن إدراكها لمكانتها في الوسط الإعلامي.
هل توقعت ريهام سعيد قرب موتها؟
خرجت الممثلة والمذيعة ريهام سعيد في بث مباشر فجر يوم الثلاثاء، تحديدًا الساعة 2:30 بتوقيت القاهرة، وتحدثت خلاله عن رفضها إذاعة إحدى الحلقات بعد تسجيلها، نتيجة حديث الضيفة في أمور لا يمكن عرضها وتضمنها صورًا ومقاطع لم تستطع نشرها.
وقالت ريهام في بث عبر منصة "فيسبوك"، حمل عبارة "لا مش هاذيع الحلقة مهما حصل دي أعراض ناس": حلقة "شيماء" وكلامها عن زوجها لو كنت ذعتها كنت هاخد ذنوب، وماكنتش هبقى راضية عن شغلي، وإحنا شوفنا إن شرعيًا وقانونًا ومهنيًا غلط إننا نذيعها. وحتى لو قالوا إنهم سابقني، لا محدش سبقني ودي شغلانتي من زمان، وإحنا أول ناس طلعنا مدرسة التريند.
وشددت على رفضها إذاعة الحلقة، مضيفة: نومتي بالليل على المخدة وأنا ضميري مرتاح عشان عندي 3 عيال عايزة ربي يبارك فيهم أحسن بكتير من إني ألاقي بوست عليه 2 مليون مشاهدة.
وأضافت موجهة حديثها لزملائها الإعلاميين: الحرب دي مالهاش لازمة، وأنا ما بحربش حد في شغله، أنا عايزة أشتغل من غير ما أحارب ولا أتحارب، وأنا خلاص عملت اسم "ريهام سعيد" وراضية عن شغلي جدًا.
وضمن حديثها عن أزمة صناعة التريند، قالت ريهام: أنا عارفة إن أيامي معدودة في الدنيا، وده كلام لازم أقوله عشان المهزلة دي لازم تقف.
وفي صباح اليوم التالي، ومع انتشار فيديو الإعلامية، نشرت وسائل الإعلام تصريحها الأخير باعتباره تنبؤًا من ريهام سعيد بقرب وفاتها، ما دفعها لوصف من نشروا الأمر بـ"الصحافة الصفرا".
ما سبب حذف حلقة ريهام سعيد عن "كلاب الشوارع"؟
كيف علقت ريهام سعيد على أخبار التنبؤ بوفاتها؟
وكتبت ريهام عبر حسابها على فيسبوك: مش فاهمة في حد عايز يموتني وانتوا عايزين تثبتوا إني توقعت موتي؟ كفايانا صحافة صفرا ونشر أكاذيب وخلق فتن بين الناس. كفاية خوض في الأعراض وتصوير حياة الناس الخاصة والغلط فيهم.
وأضافت: من فضلكوا شير عشان صوتي يوصل أنا فعلًا بعمل استغاثة عشان تعبت، عشان الناس تشوف الدناءة. موقع كبير يبشر على بني آدمة بالموت بالطريقة القاسية دي، طب بلاش عشاني، عشان أولادي.
وأكملت: انتوا ناويين تموتوني عشان كده بتحاولوا تثبتوا إني توقعت موتي؟؟ دي حاجة مرعبة. أقسم بالله هاشتكيكوا في كل مكان. ما كل الناس أيامها معدودة المعنى مش بالطريقة المقرفة دي. حسبي الله ونعم الوكيل. يتحرق اليوم اللي أتعمل فيه ريتش واللي فلوس بتيجي عن طريق جرح الناس.
وكشفت ريهام أن المقطع المنشور أساء إلى نفسيتها ونفسية أبنائها، وكتبت: مش قادرة أصدق. ده انتوا خوفتوني وأولادي بيعيطوا. إيه الهبل بتاعكوا ده وهاعمل محضر في القسم بتتوقعوا موتي، دي جريمة.
هل توقعت ريهام سعيد قرب موتها؟
خرجت الممثلة والمذيعة ريهام سعيد في بث مباشر فجر يوم الثلاثاء، تحديدًا الساعة 2:30 بتوقيت القاهرة، وتحدثت خلاله عن رفضها إذاعة إحدى الحلقات بعد تسجيلها، نتيجة حديث الضيفة في أمور لا يمكن عرضها وتضمنها صورًا ومقاطع لم تستطع نشرها.
وقالت ريهام في بث عبر منصة "فيسبوك"، حمل عبارة "لا مش هاذيع الحلقة مهما حصل دي أعراض ناس": حلقة "شيماء" وكلامها عن زوجها لو كنت ذعتها كنت هاخد ذنوب، وماكنتش هبقى راضية عن شغلي، وإحنا شوفنا إن شرعيًا وقانونًا ومهنيًا غلط إننا نذيعها. وحتى لو قالوا إنهم سابقني، لا محدش سبقني ودي شغلانتي من زمان، وإحنا أول ناس طلعنا مدرسة التريند.
وشددت على رفضها إذاعة الحلقة، مضيفة: نومتي بالليل على المخدة وأنا ضميري مرتاح عشان عندي 3 عيال عايزة ربي يبارك فيهم أحسن بكتير من إني ألاقي بوست عليه 2 مليون مشاهدة.
وأضافت موجهة حديثها لزملائها الإعلاميين: الحرب دي مالهاش لازمة، وأنا ما بحربش حد في شغله، أنا عايزة أشتغل من غير ما أحارب ولا أتحارب، وأنا خلاص عملت اسم "ريهام سعيد" وراضية عن شغلي جدًا.
وضمن حديثها عن أزمة صناعة التريند، قالت ريهام: أنا عارفة إن أيامي معدودة في الدنيا، وده كلام لازم أقوله عشان المهزلة دي لازم تقف.
وفي صباح اليوم التالي، ومع انتشار فيديو الإعلامية، نشرت وسائل الإعلام تصريحها الأخير باعتباره تنبؤًا من ريهام سعيد بقرب وفاتها، ما دفعها لوصف من نشروا الأمر بـ"الصحافة الصفرا".
ما سبب حذف حلقة ريهام سعيد عن "كلاب الشوارع"؟
كيف علقت ريهام سعيد على أخبار التنبؤ بوفاتها؟
وكتبت ريهام عبر حسابها على فيسبوك: مش فاهمة في حد عايز يموتني وانتوا عايزين تثبتوا إني توقعت موتي؟ كفايانا صحافة صفرا ونشر أكاذيب وخلق فتن بين الناس. كفاية خوض في الأعراض وتصوير حياة الناس الخاصة والغلط فيهم.
وأضافت: من فضلكوا شير عشان صوتي يوصل أنا فعلًا بعمل استغاثة عشان تعبت، عشان الناس تشوف الدناءة. موقع كبير يبشر على بني آدمة بالموت بالطريقة القاسية دي، طب بلاش عشاني، عشان أولادي.
وأكملت: انتوا ناويين تموتوني عشان كده بتحاولوا تثبتوا إني توقعت موتي؟؟ دي حاجة مرعبة. أقسم بالله هاشتكيكوا في كل مكان. ما كل الناس أيامها معدودة المعنى مش بالطريقة المقرفة دي. حسبي الله ونعم الوكيل. يتحرق اليوم اللي أتعمل فيه ريتش واللي فلوس بتيجي عن طريق جرح الناس.
وكشفت ريهام أن المقطع المنشور أساء إلى نفسيتها ونفسية أبنائها، وكتبت: مش قادرة أصدق. ده انتوا خوفتوني وأولادي بيعيطوا. إيه الهبل بتاعكوا ده وهاعمل محضر في القسم بتتوقعوا موتي، دي جريمة.
شارك المقال:
الرجاء الانتظار ...
التعليقات