بقلم : رائد عبد الرحمن حجازي
صباحُ ربيعي بإمتياز وها هو المختار وزوجته زريفة يحتسيان القهوة العربية ويتبادلان اطراف الحديث لتقطع طرقات على الخويخة حديثهما (الخويخة = باب صغير ضمن البوابة الرئيسة للمنزل) . فتنهض زريفة قائلةً : تا مني اقوم اشوف منهو هاظ اللي صبح جاي . فيقول مثقال : اقعدي يا بعد عمري اني بقوم .

يفتح مثقال الخويخة ليجد جارته حربية زوجة رسمي ابو الضباع.
حربية : يصبحك بالخير يا مختار
مثقال : هلا والله تفضلي يا خيتي الدار (دارch )
حربية : تسلم الله يزيد فظلك
زريفة : أُعبري جاي يا خيتي
مثقال : تراني رايح عادكانة عبد الله (بدch ) اشي يا ام طايل
زريفة : بدي تروح وترجع بالسلامة

دخلت حربية وجلست مع زريفة لتبدأ معها فعاليات اللقاء , فها هي حربية اول ما جلست امسكت بطرف الفرشة وقالت : يا خيتي يا زريفة ما تنجدي هالفرشات هسع بتلاقيهن مقطمنات من الإشتا فترد زريفة : والله ما انا شايف فيهن اشي ملاح يا خيتي بنعود انجدهن السنة الجاي . فتعاود حربية وتلتفت خلفها بإتجاه المطوى مع رفعةً البرطمة التحتانية بإتجاه خشومها وتقول : لويش (بعدch) مقربطة بهالمطوى ما (تحchي( للمختار يعود (يسويلch) صندوق كبير تحطي فيه هالبرابيط ... هنا زريفة كظمت غيظها وقالت : إن شاالله ربنا يسهل . فتعاود حربية وتقول : خوف الله (ثوبch ) هاظ (صارلch) سنتين ما غيرتيه ؟ وهنا خرجت زريفة عن طورها وحلمها وقالت : حربية ch)افيني) (شرch ) سايق (عليch) الله والسبع جاهات من الله يا بتقعدي مثل الخلق يا بتنقلعي على (دارch ).

تغضب حربية وتغادر قائلةً : الحق مش (عليch) , الحق عليّ اني اللي بظيّع وقتي مع (هيch ) اشكال . فترد عليها زريفة : مع ستين قلعة لجهنم الحمرة .

ظهراً يعود المختار ليجد زوجته زريفة وقد بدت عليها علامات الغضب والزعل . فيسألها : وشو (مالch ) يا بعد عمري . لتجيبه وكأنها قنبلة موقتة فتقول : لِد جاي بدك تنجد الطُراحيات والفرشات وتقلع هالمطوى من خلقتي وتجيب لي ثوب ملس جديد فاهم ولا لا ؟ .... هنا يتعجب المختار من طلبات زوجته الفجائية ويهز برأسه قائلاً : (هالحchي (مهو (منch) خوف الله أنها حربية اجت حرّتنا وراحت , يا ام طايل فراشنا ابيهوش اشي وبعدين بدي (اسأل(ch هو رسمي ابو الظباع كل سنة بنجد فراشه وبعدين من الأساس ما عندهمش مطوى للفرشات وثوبها لحربية من خمس سنين ما غيرته ... استغفر الله العظيم خليتني (احchي) عالناس الله يكون بعونه رسمي دبساته مي .... واستطرد مثقال قائلاً : يا بعد عمري احمدي (ربch ) على النعمة اللي إحنا بيها اي بي ناس مش لاقيه لقمة الخبز وبلبسوا من خلقات الناس .

هنا تنبهت زريفة لما هي بها من نعمة بالنسبة لغيرها وعادت لرشدها وقالت : الله يخزيك يا شيطان بالله عليك تسامحني يا ابو طايل , هاي هالخباصة حربية اجت حرتني وانقلعت الله لا يوجه الها الخير .

نعم كثير من المشاكل الزوجية يكون سببها تدخل خارجي لا هدف له سوى خبص وحر الأمنين من الأزواج , بل إنه في بعض الأحيان قد يصل الأمر لما لا يحمد عُقباه الا وهو الطلاق. وربنا يبعد عنا وعنكم القيل والقال وكثرة السؤال وجعل حياتكم الأُسرية خاليةً من كل فتان وخباص

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا