بقلم :
انا لا اعرف من اطلق المثل الذي يقول ان المصاري وسخ ايدين ..وحقيقة لا اعرف ما الذي كان يدور في خلده حين قال هذا الامر.

طيب هل حقيقة ان المصاري وسخ ايدين ولا تنفع ويمكن استبدالها بالقناعة التي هي كنز لا يفنى خلونا نشوف.
بنموت لاننا لا نملك ثمن العلاج وبطلع الاخ بكحيلك المصاري وسخ ايدين .
الحروب تقام لاجل المصاري التي هي وسخ ايدين وايضا يفترق الاخوة بسبب وسخ الايدين هذا.
اولادنا يتركون المدارس لاننا لا نملك وسخ ايدين لتدريسهم واغلب جرائم القتل بسبب المصاري التي هي وسخ ايدين .
بنروح السجن لاننا اقترضنا مصاري ولم نستطع السداد وجاي الاخ يحكي وسخ ايدين وبنطلع نشتغل من الصبح للمغرب يوميا حتى نعود بشوية وسخ ايدين .
الملابس تحتاج وسخ ايدين والعلاج يحتاج وسخ ايدين والفواتير تحتاج وسخ ايدين والتعليم يحتاج وسخ ايدين والتخرج يحتاج وسخ ايدين .
الزواج بدو وسخ ايدين والطلاق بدو وسخ ايدين ودخول الحمام يحتاج وسخ ايدين والخروج منه كذلك حتى الكفن والقبر يحتاجان وسخ ايدين .
الفقير اذا مر ما حد دري فيه لكن الميسور يقف الجميع له احتراما ليس لانه حكيم مثلا انما لانه يحمل شوية وسخ ايدين .
اتخن شنب بتجره بشوية وسخ ايدين واكثر المواقف والمباديء بتقلبها بوسخ ايدين .صاحبك بخسرك عشان شوية وسخ ايدين وبتصير نائب بوسخ الايدين .
وفي النهاية بطلع حمار بحكي المصاري وسخ ايدين ..والله ما حد وسخ غيرك..وخلي القناعة تنفعك.