خطبني وتراجع .. والآن يهددني

25-05-2014 08:54 AM

تعديل حجم الخط:

سرايا - سرايا - انا بنت عمري 21 سنه .. اخو صاحبتي حكى مع والدتي عشان يخطبني..
لكن بعد فترة أخلف وعده وما إجا بعد ما حكى مع بابا والعيله .. وكل الناس عرفوا
المهم بعدها بأسبوعين تقريبا.. اتقدم لي عريس تاني ووافقت عليه ..ولبست الشبكه ..
بس بعدها رجع اخو صاحبتي وحكى معي.. فقلت له إنه يسيبني في حالي لاني بحب خطيبي ..
فقال لي : لو ما تركتي خطيبك ورجعتي لي نتجوز اقسم بالله رح اخطفك وصار يهددني انه ما حد يقدر يعرف عني أي شي ولا يعرفوا مكاني !!
أنا خفت منه كتير .. ارجوكم.. شو اعمل؟؟ خايفة لو عرف خطيبي بالقصة يفكر في شي بيني وبينه ويتركني..

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 48926


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	25-05-2014 08:54 AM سرايا
2 -	صباح الخير اذا بضلك ساكته بيركبك الحا احكي لاخوكي ويخليه يتصرف معه راس ماله طلقه براسه	25-05-2014 09:26 AM معتز التبليغ عن إساءة
3 -	ليش يعني الشب بداوم مع داعش يعني ليخطفك !!هو بعد حدى يخطف حدى اليوم ماتخافي هذا شب بتسلى وبس مش اكثر يعني لما يشوف حالة فاضي برن عليك ليغير جو ويسحب عليك فلم اكشن ويعيش دور الحببيب الي بحب كثير وبحضر وادي الّدئاب ونور وهدول الجماعة	25-05-2014 09:34 AM مراهق(سابقا) متقاعد التبليغ عن إساءة
4 -	الله يعنيك لا تردي عليه ما بقدر يعمل شي لا تحكي لخطيبك بس احكي لاهلك وحطيهم بالصوره وحاولي ما تطلعي كتيير فتره وبمل هدا انحرق دمه ليه خطبت بسرعه يستاهل الشباب بفكروا البنت ما بتصدق حالها واجاها حدا بعدين هو ما بستاهل اللي بدو يخطب بيجي عالباب مو بأخر وبماطل وانت المره الجاي لا تحكي لحدا شو بتحكي كل الناس عرفوا استيعنوا على قضاء حوائجكم بالكتمان	25-05-2014 09:42 AM لمار التبليغ عن إساءة
5 -	بصراحة واضحة انو في قصة حب طويلة وقديمة بينك وبين الي بهددك........يعني الموضوع واضح.........المهم لا تخلي خطيبك يعرف .....لانو لو عرف رح يفسخ الخطوبة	25-05-2014 10:08 AM عمر555 التبليغ عن إساءة
6 -	مره جايه بس يحكي معك سجلي مكالمه وبعدها روحي اشتكي عليه عند شرطة لنشوف كيف بدو يصير يترجى ويبوس كــ...	25-05-2014 10:26 AM jem التبليغ عن إساءة
7 -	شو القصة كل الشعب مستزوج على صغر ... ما دام بفكر بالخطف معناتو غير متزن وعنده نزعه اجرامية وللعلم يعاقب بالأشغال الشاقة المؤقتة اذا خطفك يعني رح ادمر مستقبله	25-05-2014 10:39 AM البلقاوي التبليغ عن إساءة
8 -	هذا بلطجي اذهبي بصحبة ابيك الى الشرطة وسيوقفوه عند حده	25-05-2014 10:49 AM ورد الحمزات التبليغ عن إساءة
9 -	شوفي الشب ما بقدر يهدد بنت وينكد عليها الا إذا ماسك عليها ممسك في منه هذا الحكي ؟اذا لااااا خليه ينقلع ,بالعامية,,,وبعين قوية بتحكي لاهلك عن اخو صاحبتك هالنضوة بعدين انتي خاطبة وانتهى لاتردي على تلفوناته لو النات بلتزمو باوامر الله لا بتغلبن ولا بغلبن حدا معاهم وسلامتك	25-05-2014 11:21 AM مجرد راي التبليغ عن إساءة
10 -	اقسم بالله بتكوني أهبل مني أزا بت تركيه هاد اخر الرجال المحترمين	25-05-2014 12:00 PM هبله التبليغ عن إساءة
11 -	لازمك بادي جارد	25-05-2014 12:02 PM هبله التبليغ عن إساءة
12 -	بكل بساطه شكواى تعهد بعشرين الف يصير اليف بسرعه	25-05-2014 01:05 PM مجنوووووووون التبليغ عن إساءة
13 -	مرة تانية سجلي كلامه على التلفون واحكي لأهلك اول بالأول وخلي خطيبك بصورة الموضوع شو احنا عايشين بغابه شو بفكر حالو وإذا الك نصيب بخطيبك الجديد ما في احد راح يمنع النصيب لانو هذا الشيء ربنا بقدره اهم شيء كوني واضحة تماماً مع الجميع. اقصد اهلك وخطيبك. أتمنى لك السعادة والتوفيق ودمتم	25-05-2014 06:40 PM على اقرب مخفر شرطة التبليغ عن إساءة
14 -	لو بحيك ما عمل هيك هاد شخص سيء الأخلاق ولا بعرف شو يعني حب قلبك آيه للشخص الغلط كيف بتنزلي لهيك مستوى من البدايه	26-05-2014 02:12 AM انت لهفة آلبي التبليغ عن إساءة
15 -	تعليق ٩ نرجو تحويله لمشكلة خطيبها المريض حصل سوء فهم والله الهبل زايد عندي خربطنا نبلش هههههههه	26-05-2014 02:37 AM هبله التبليغ عن إساءة
16 -	صباح الخير .. اولا يا اختي ليه بيحكي معك وليه بتسمحي له بالتحدث معك سواء كنت مخطوبه او لاء بما انه بعد ما اخد موعد مع اهلك لم يحضر .. وثاني شيء يا اختي لماذا انت من يبحث عن حل وين اهلك ليه ما هم يردوا على تلفوناتو وليه بتاخذي وتعطي معه على التلفون.. وتالت شيء يا اختي غيري خطك وما تعطيه ل صاحبتك هاي الي اخوها هالسخيف وعيشي حياتك صح بالنور بدون ما تخبي شيء بالعمته عن اهلك او خطيبك لانها رح تكون بداية الغلط والحياة الغير صحيحة.. وفقك الله لما هو خير دائما	26-05-2014 08:07 AM ركلة جزاء التبليغ عن إساءة
17 -	يعني الاخوان نصحوكي تحكي لأهلك وأنا معهم،،، بس كمان احكي لخطيبك وجرجري هالصايع لمكان عام وخلّي خطيبك من بعيد لبعيد يشوف الموقف ويخلعه بدن يجيبله فيه التايهة!!! هادي الأشكال ما بتيجي الا بالضرب!!! واحد بلا اخلاق ولا شرف لازم يكون علاجه بهالطريقة لانه للأسف فقدنا الشعور بالامان وما عاد في إشي اسمه دولة القانون وانما حارة كل مين إيده إلو	26-05-2014 08:15 AM Black Zoro التبليغ عن إساءة
18 -	من الاخر احكي مع حمايه الاسره بالتعاون مع ابوكي او اخوكي او حتى لحالك وشوفي كيف راح ينمسح بكرامتو الارض بكل سريه	26-05-2014 08:29 AM محمد تيسير التبليغ عن إساءة
19 -	سهله احكي لاهلك كونك كنتي خاطبه هالشخص واللي بهدد ما منه خوف بس سؤال خطيبك الجديد بعرف انك كنت خاطبه ولا لا	26-05-2014 03:26 PM sa7 التبليغ عن إساءة
20 -	التهديد ممكن بكون انك طالعة معه طلعة ومسك عليكي مماسك مثلا ايام الخطوبه...اما اذا كان ذلك لم يحدث فعليكي ابلاغ اهلك واهله والامن وحماية الاسره واخذ تعهد عليه وعلى اهله من الحاكم الاداري	27-05-2014 09:25 AM نقاط على حروف التبليغ عن إساءة
21 -	اختي الكريمة...تعترفي لاحد الثقات من اهلك وتصارحيه بما حصل معك ومع اخو صديقتك...وعليها يتصرف..اما بإخبار احد المراكز الأمنية بالتهديد الذي تعرضت له او يجتمع مع هذا الشاب ويبين له انك ارتبط ولا تريدي ان تكوني زوجة له....حتى وإن هددك بإخبار خطيبك...ما عليك من ذلك إن كان خطيبك متفهم وواعي وحكيم يتصرف مع الموضوع بحكمة...ولو حادثه احدى اخوانك في الوقت المناسب يكون خير....واصلحي ما بينك وبين الله يصلح الله لك امورك كلها...واكثري من الإستغفار...الله اسأل ان يبارك لك في خطبتك وان يصرف عنك كل شر من شياطين الإنس والجن....محب فلا تلوموني	27-05-2014 05:48 PM محب فلا تلوموني التبليغ عن إساءة