ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

اسمع جدتي بدي اجوزها عمرها 90 سنه وبتخن غليون بس شو مطرق خزران وعظامها مصاري شو رئيك

اتزوج صاحبة الخلق والدين وانصحك بعدم الزواج من موظفه لاسباب كثيره وربنا يوفقك

كيف يعني بدك اياها صاحبه دين واخلاق وبترضى عليها تشتغل روح .... :) خدها واستر عليها شو تفكيرك بالمصاري ولا كيف ؟ ادعي الله يرزقك بالذريه الصالحه واكيد خد وحده وخليها بالبيت تشتغل شغلها وتربي الاولاد انتهى ...

خذلك قرابه او وحده امك بتعرفها

والله لتعيش ملك



موظفه بالخليج او الاردن يا حلو؟؟؟

على فكرة والله انك فاضي ومش عارف شو مشكلتك ...................

يأخي الفاضل نصيحة اخويه بنصحك نصيحه اخويه لاتجوز وحدة موظفة وكمان دير بالك تزوج بنت وحيده لأهلها لانه رح تقلب حياتك جحيم لاني جوزت وحده وحيده وموظفه قبل 5 سنوات لسا بعاني معها وهلا بفكر انفصل عنها لانها والقران مش عيشه وقادر اتحمل اكثر وبالرغم انه عندي بنت منها عشان هيك دور على وحده مش موظفه و مش وحيده لاهلها و يكون مستواها العلمي والمادي اقل منك والله يفتحها بوجهك و تلاقي شريكة حياتك اللي تعيش معها بسعاده واستقرار

وين المشكله تكون صاحبه دين وأخلاق وتشتغل بنفس الوقت..!!!
عمر الشغل ما تعارض مع الدين والاخلاق
أسمحلي أحكيلك انك شخص ........

اول اشي اسأل الله تعالى يهديك للخير وتوكل عليه وتفاءل بالله
تاني اشي بالنسبة للشغل بفضل انه تكون موظفة وانك ما تتحكم فيها وتخنقها وتلغيلها شخصيتها،،
من الاخر بدي اسألك ليش ما اتجوزت الي حبيتها؟؟!
ليش تركتها ؟؟
وازا هالشي صار ماضي وما اله داعي
فتزوج وحدة قريبة عشخصيتك وحدة تحترمها وتحترمك وحدة تحبوا بعض وتنئوا عيلة جميلة بإذن الله

روح لـ شيخ ممكن عندك مشكله وبدك قراءة

والله انت المشكله براسك مين .... الي تفكر تاخذ واحد مو عارف شو بدو

اهم شي يكون عقلك راكب على عقلها
وتكون صاحبه شخصيه وما حدا بيأثر عليها
وانتو شوف كيف وضعك المادي اذا منيح مافي داعي تشتغل اما اذا يادوب مكفي حالك خدلك موظفه شو المانع وتكون صاحبه اخلاق ودين واهلها ناس محترمه وبسيطه

انت مش بتاع زواج الظاهر مصاري الخليج خلتك انسيت اهلك وناسك خليك اجمع مصاري وبالليل ظلك عد فيهم وهيك نتشغل نفسك وبتلاقي عمل اضافي

انا مش فاهم الشباب اللي بنصحو انك ما تاخذ موظفه!! بس فهموني شو المشكله؟ ليش لاء ,, طب بالوقت هاد بنفع اشي غير موظفه اصلن؟ طب بدك اضل تحرث لحالك احسن؟ بس بدي افهم مبدأ موظفه ليش لاء
وبالنسبه لصاحب المشكله مدامك قادر تتجوز اتجوز وما بتضمن شو يصير معك بس صفي النيه وكلو نصيب , لانو وصلنا وقت بدنا نتجوز بس مش قادرين

تقول انك مغترب وامورك تمام...وعليه انصحك بالآتي ذكر لنا رسولنا الكريم المواصفات التي تنكح من اجلها المرأة في الحديث المعروف (تنكح المرأة...) لذلك ابحث عن الجميلة التي انت ترغبها اي المواصفات التي تجذبك للفتاة وتحببك فيها...بعد شرطك الأساسي وهي صاحبة الخلق والدين...وبخصوص عمل الزوجة...انصح ان تكون زوجتك المستقبلية غير موظفة اي متفرغة لبيتها ولزوجها ولأطفالها....فالناظر لحياة المتزوجين الذين زوجاتهم موظفات يجد ان نسبة المشاكل فيها اعلى من غير الموظفات...فإن طلبت فتاة وكانت موظفة فاطلب منها ان تتفرغ لك ولبيتك...وإياك وان يدخل عليك الشيطان بشيء اسمه عقدة الزواج ...اعلم اخي ان الزواج من اجمل النعم التي انعمها الله على الإنسان بعد الإسلام...خاصة إن كان زواجك من فتاة اختارها قلبك وعقلك تسرك إذا نظرت إليها تطيعك إذا امرتها تحفظ مالك وعرضك إذا غبت عنها...الله اسال ان تعجل في زواج صاحب الرسالة وان ترزقه الفتاة الصالحة التقية الأبية الولود الودود .....محب فلا تلوموني

كل الي ردو عليك ما بيعرفو شو الغربه وشو بنعاني فيها

دور على وحدة موظفه وذات وخلق ودين بتلاقي اكيد

الخليج اذا ما اشتغلت انت وزوجتك ما رح تستفيد من كل غربتك رح تعيش اكل وشرب واجار بيت

انت متغرب عشان تعمل لحالك اشي واذا ما كانت زوجتك موظفه ما رح يمشي الحال

مرحبا انا لو الشخص اللي بدو يرتبط فيني يحكيلي اتركي الوظيفة رح احكيله تامر من عيوني وبالفعل رح اعمل اللي برضيه لاني فتاة تبحث عن السترة وراحة البال الله يوفقك

اخواني انا بس سالتكم عن الموظفه انا مو قصدي الراتب والفلوس الحمد لله عندي الي يعيشنا مبسوطين في الخليج والاردن لكن انا سالت بدي استفيد من خبراتكم في حال انها كانت موظفه وحكتلها اتركي معقول يترتب مشاكل على الموضوع ويمكن وظيفتها تكون مناسبه بالنسبه الي وتكمل شغلها

انا بشتغل ازا بدك تتجوزني بسرعه ببطل هههههههههههه
مافي احسن من الوحده لما تهتم بس بجوزها وولادها
والله يوفقك وينور طريقك

انا كنت زيك واتزوجت ومبسوط ولله الحمد

نصيحتي:

" فاظفر بذات الدين تربت يداك"