سرايا - دمرني ابي وفاجأته بنجاحي وقدرتي على الصمود بالحياة بدي احكلكم كيف وصلت لأحلامي بعد ظلم كتير كبير عشته بحياتي وعقد كبيرة من اسرتي وشعوري الدائم انهم ما بدهم وجودي بحياتهم وكيف صارت حياتي بعد اصراري انه راح اغير واقع أليم بعيشه ومستمر معي عشرون عام من عمري من صغري وبشعر ان اهلي ما بدهم وجودي بحياتهم كانه غلطة بعمرهم بيحبون اختي اكثر مني وبيتعاملوا معاها بكل حب وود كتير سالت ابي ليك بتعاملني هيك كان يرد انه راح اصنع منك راجل كرهته وما كنت بدي أعيش بالبيت حاولت الانتحار ولكني خفت كتير وما عرفت نفذ ما اشعر فيه اتعرضت للتنمر من مدرسين الي بالمدرسة وكانوا بيعرفوا انه ما راح أتكلم لاني بخاف من اهلي كتير وما بحبهم كنت بصمت وما بعرف كيف اتصرف حياتي كانت دمار والم وعذاب وكنت بكبر وكلي اكتئاب وبخاف اتعامل مع أي شخص الله وقفلي شخص كتير سوي كان مدرس بالمدرسة ولاحظ كتير تنمر عليا من الطلاب ساعدني احب حالي اشوف شو متميز فيه كتير كنت بشعر انه ما في فايدة راح اظل هيك بعيد وبدي الموت فقط انتكاسات وكانه بتعالج من مرض خبيث لكن الاكتئاب والشعور انه ما لك حق تعيش خبيث أكثر من أي مرض بالوجود بدأت ارسم كتير الرسم بيشعرني براحة وانه بصير هادي تفاجأت بيوم بتعليق مدرسي للرسومات الي في حفل المدرسة وانه راح ادخل مسابقة والرسومات عجبت كتير لجنة التحكيم ما كنت بعرف كيف صار هيك لكن ما في اشي حلو بيكمل عنفني ابي كتير وقالي لا تشارك ركز بالدراسة فقط بدي اياك تصير طبيب وما بدي اشي تاني حبسني بالمنزل أيام وجاء مدرسي للتحدث معه وصار يحكيله على كل شي بتعرض فيه بالاول ما صدق ابي وصار يصيح مع المدرس قررت الهروب من المنزل ولكني خفت على أمي وخيتي من تصرفات والدي لكن قررت اكمل في الرسم وما اجعله يعرف وراح اذاكر لاترك المنزل وما اعود حصلت على درجات عالية ومنحة لاستكمال تعليمي بالخارج وقمت بتفعيل كافة الإجراءات وراح اسافر واترك لوالدي كل شي ما تركت الرسم كنت بعرض كل رسوماتي في معارض كتير كبيرة وارسلت لوالدي الأموال اللي كسبتها من هيك المشاركات وما كان بيصدق وما تركته يدفع الي اشي في تعليمي ما كان بيصدق وكانه ما بيعرفني هو بالفعل ما بيعرفني تغيرت حياتي بموقف بسيط ورجل حكيم ساعدني بالمدرسة ادين اله بكل اشي بالحياة اقول لكم وان لم يقع بحياتكم رجل حكيم متل مدرسي ومعلمي واللي بقوله ابي الروحي اتمسكوا انه راح تصيروا اقويا وتحققوا احلامكم راح اظل احلم ويصير معي كتير أموال راح اتزوج واكون اسرة واربي ابنائي بكل حب وود وتسامح وعدل راح اعوضهم عن كل اللي مريت فيه بحياتي اتمسكوا بكونكم انتوا فقط

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا