سرايا - انا الي متزوجة خمس سنوات عندي طفلين زوجي كان متغرب لمدة ٤ سنوات من بداية زواجنا وهو مو مقتنع او مو متفهم تواصلي مع اهلي هو ما بمنعني ازورهم بس انه يكون بحدود مرة او مرتين بالشهر انا وحيدتهم ع شبين كل ما بدي ازورهم لازم يصير بينا مشاكل واكثر من مرة توصل بينا الخلاف اترك البيت بنفر من اهلي كثير مع انه اهلي بتعاملوا معه كإبن الهم بس هو بحكي انهم بدهم يخربولنا بيتنا بحاول اخفف من اتصالاتي فيهم وزياراتي الهم عشان ارضيه ومش راضي عني وكل فترة بعمل مشكل ع هذا الموضوع بدون سبب وبحكي اللي بدها تضل تتواصل مع اهلها ليش تتزوج انا مو عارفة كيف احل هالمشكله لانه والله بلشت انفر من العيشة معه ولولا اطفالي كان زمان طلبت الطلاق