سرايا - سرايا - لولو الى جميع قراء سرايا الاعزاء انا شابه عمري 25 سنه وعندي هم ما بعرف حاسسته كثييييييييييير كبير وبتمنى منكم تنصحوني او حتى تحكولي انا صح او لا انا مشكلتي بصراحه مع والدتي والله العظيم اني خجلانه اكتب اللي عندي بس والله طفح الكيل وربنا عالم بنيتي انا امي انسانه جدا اجتماعيه وجدا محبوبه واللي بحكي معها وبشوفها ما بصدق انه ممكن امي ممكن تكون هيك انا امي من النوع الاستبدادي والديكتاتوري وبدها كل شي الها وكنت احاول اسايرها وارضيها بس المشكله لو اعمل اي موقف ما برضيها بغض النظر صح او لا يعني اهم شي يكون برضيها بتقلب علي وتقلبلي حياتي نكد ومشاكل يعني احنا عيلتنا كلها شباب اصغر واحد فينا عمره 19 سنه وطالع وخواني بعرفو كيف يتصرفو معها يعني ما بسمحولها تتدخل بزياده بامورهم ب العكس بتخاف تحكي معهم اي شي حتى اختي الاصغر مني امي ما بتحكي معها شي ولا بتعاملها بطريقه اللي بتعاملني فيها وبعدين لو حد من خواني حكى معها بلطف ولين يا سلام بتشوفه احسن واحد مع اني والله الله بعلم اني شو ما بدها بعمللها اياه وبحاول ما ازعلها حتى ايام باجي ع ضميري وبسكت عن كثير اشياء عشان ما تغضب علي يعني مثلا كانو عندنا نسوان جيرانا وقاعدين بحكو ونزلو يحكو عن الناس نميمه وغيبه وبعد ما روحو الناس نصحتها وحكتلها لا تفهميني غلط انا بدي تكوني احسن الناس وبدي تكوني احسن مني يعني انا يمكن اغلط واستغيب وانم بس والله بدي انك تكوني احسن مني وزعلت مني وصارت تحكي بدك تعرفيني الحلال والحرام بعدها قررت اسكت وما انصحها مو بايدي لانه ومرة كانت مسافرة مع والدي ولما رجعو جابو هدايا لكل اخواني ونسوان خواني وخواتي الا الي مع انه والله مو المبدا الهديه المبدا انهم يتذكروني بس ما بعرف ليش هيك بصير معي وكمان كان والدي واعدني بس اتخرج بسيارة وع اساس خلص وهيا كانت ماكديتلي انه رح يشتريلي فجاه قلبوا علي عشان يحسسوني انه ما الي حق اطلب او حتى اسكت ع الموضوع وفعلا ما اهتميت للموضوع مع انه الحمدلله الوضع المادي ميسور وما بعرف ليش دايما بحس اذا طلبت فلوس طلبي ثقيل عليهم ليش يا ربي ليش مع انه كل اخواني بصرفو بالهبل وما حد بحكيلهم ليش وكيف يعني انا صارلي تقريبا شهرين ما بوخد مصروف وهما عارفين صار والدي يعطيني من وين لوييييييييين مبلغ بسيط جدا وبحملني جميله عليه وصارت الديون تتراكم علي لاني فعلا مو حابه اسمع منهم اي كلمه جد طفح الكيل واحلى شي انهم بس سافرو قبل فترة والدي لكل واحد مصروف بغيبته ع اساس بكفيه ليرجع الا الي انا وكنت المح انه ما اعطيتني خاصه انهم غابوا 20 يوم بس ما بعرف عملوا حالهم مو فاهمين وسافروا والله بعلم كيف قضيت ال20 يوم كلها دين بدين ويا اخوان سامحوني اذا طولت عليكم بس انا مخنوقه من وضعي وما الي غير هالموقع افضفض عليه بس حابه احكي اهم شي اللي خلاني اكتب همي واشكيه انه امي بتجيها حالات كل كم شهر بتشكك فيا وباخلاقي وبصورة صريحه يعني ولا كاني بنتها حاولت اسال شيخ كيف اقدر اتعامل معها واكسبها بس هيا بتخليني اضطر اتجنبها يعني اكثر انها تتهمني بشرفي شو ضل فيها وبالاخر بدي احكيلكم اني انا دارسه تحاليل طبيه وحاليا بدرب يعني بوخد راتب رمزي عشان هيك مو قارده اصرف او يكون عندي دخل واحلا شي انه امي الغاليه طلعت علي سمعه انه اللي بدو يتجوزني يعمل حسابه على مهر 100 الف دينار والله اني ما ببالغ او بمزح بكل كلمه حكيتها يعني انا كل وين وين ليجيني عريس وبكون غريب مو من قرايبي لانه الغريب ما بكون سامع بالعرض اللي امي حاطيته وقرايبي من هالخبر ما حد مسترجي يخطو خطوه بعرف اني طولت كثير بس خلص بدي احكيلكم عشان افش غلي واخر خبر اني اشتريت جلابيب عشان الحمدلله ربنا هداني وقررت انستر وانتبه لاخرتي لما شافتهم امي الغاليه اطلعت فيا من فوق لتحت وحكتلي مو حلوين وانتي عارفه رايي واضطريت بهذيك اللحظه اجاوبها انه مو ضروري يعجبك وانه لما ادخل قبري لا تيجي تتحاسبي عني انا اللي رح اتحاسب ومن هذيك اللحظه قبل يومين لحد هاي اللحظه واحنا ما بنحكي مع بعض وانا مو هاين علي ازعلها لانها امي بس ياربي مو قادرة اداريها مداراتها ع حساب اعصابي وع حساب ضميري وديني اللي هما اهم شي وبرجع احكي وااله اني ما بالغت ولا كذبت بمشكلتي 

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا