وجد حبيبته ويريد ان يتزوجها .. فماذا افعل؟

14-05-2019 09:32 AM

تعديل حجم الخط:

سرايا - السلام عليكم ورحمة الله .انا بمشكله مابعلم فيها الا الله عمري راح هدر وعالفاضي وحابه اخد رايكم فيها .انا امراه متزوجه من ٢٢ سنه اتزوجت زوجي زواج تقليدي وحبيته وعشنا حياتنا باحترام وموده زي باقي الناس وعنا اولاد بالتوجيهي وبالجامعه قبل اسبوعين بكتشف انه زوجي بتواصل مع حبيبته الي كان يحبها قبل زواجنا والي فهمته انه كانوا سوا في الجامعه واهلها زوجوها وما قدر يخطبها علشان ظروفه المهم هي ارمله وبرضه عندها اولاد وكل كلامهم حب وعشق وغرام ومتفقين يتزوجوا والي قهرني وحطمني انه بحكيلها عمري ماشفت يوم حلو مع زوجتي وعمري ماحبيتها واتزوجتها هيك بس من الياس لانك تركتيني وياما اتخيلك معي وانتي حب حياتي .والله بكيت كتير من كلامه لانه عمري ماقصرت معه مع العلم اني حلوة وملتزمه وبنت ناس واصغر منه بعشر سنين وهي اصغر منه بشوي بس وفضلها علي وواجهته وصار يقولي بكل وقاحه انا بحترمك انتي ام الاولاد لكن انا بحبها وبدي اتزوجها بدك تضلي معي ضلي مابدك اتطلقي والله معك والي قهرني انها قصيره ومو مستاهله وبتلبس لبس مفكره حالها صغيره وكل منشورات زوجي صارت حب وعشق وانا احلا منها كسرلي قلبي وجرحني كتير اقسم بالله مو عارفه شو اعمل انصحوني امانه بدون تجريح وشكرا كتير .

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 36634


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	14-05-2019 09:32 AM سرايا
2 -	لا يا هبلااا خليكي ملزقه فيه واذا بدو يتزوج خليه يعيشلو اكمن يوم من نفسو المهم انت لا تطلبي الطلاق ولا تتنازلي عن اي حق الم وادللي زي ما يجيبلها رح يجيبلك ولادك هسا بحاجتك اا تضيعي حالك وتضيعيهم عشان نزوات زوجك	15-05-2019 01:26 AM زينة التبليغ عن إساءة
3 -	ليش قلتي إنه عمرها أكبر منك ؟؟؟!؟! و انت أصغر من زوجك بعشر سنين و هي بسنة وحدة ؟ هذا منشان تعرفي إنه الحب ما بعرف فرق عمر و كتيييير بنسمع عن الزوجة بتكون أكبر من زوجها حتى ، و أنا زوجتي أكبر مني ب ٦ سنين و والله إني مبسوط معها كتيييير و حلوة حلوة متل ساندريلا و عدا عن هيك بتشوفي بنات عمرهن ١٩ سنة و بين عليهن الكبر من هسا و بنات بالأربعين و ما شالله عليهن ، فبالنهاية هاي طبيعة أجسام . بس شكلك من الغيرة صرتي تحكي هيك عن المخلوقة . بس نصيحتي تتركي جوزك لإنه عنجد نذل لأبعد حد بكلامه و مستعد يرميك لأجل هالمخلوقة . ما بدك وجع الراس.	19-05-2019 10:29 AM التبليغ عن إساءة
4 -	يا حبيبتي الي باعك بيعه .. عندك اولادك احسن منه وخليه يروح يجرب حياته وصدقيني اخرتها ندم .. خليكي مع اولادك ولا تطلقي بيتك فاتح مصروفك يوصلك وهو فخار يكسر بعضه لانه الظلم ظلماااات	24-05-2019 11:38 AM ام زينه التبليغ عن إساءة