حرية سقفها السماء

وكالة سرايا الإخبارية

إبحــث في ســــرايا
الخميس ,25 أبريل, 2019 م
طباعة
  • المشاهدات: 16949

اريد حلا لمشكلتي

اريد حلا لمشكلتي

اريد حلا  لمشكلتي

07-02-2019 08:34 AM

تعديل حجم الخط:

سرايا -

انا شب بآخر العشرينات واخر العنقود زي ما بقولوها و السند الوحيد لأمي، عايش مع امي في بيت واحد لحالنا بدون اخوان او اخوات، والدي متوفي من فترة طويله وكل ما اتقدم لبنت او احكي بخصوص الارتباط بترفض، في البدايه كل شي بكون في توافق عليه الا لما اشترط نسكن مع امي في نفس البيت يتم الرفض مع العلم ما بقدر اسيب امي تعيش لحالها ولو بأي شكل من الأشكال و مع العلم ايضا انه وضعي الامادي ممتاز، سؤالي انه حابب اعرف رأي البنات بهاد الموضوع، هل في حد عنده تجربه مشابهة وهل في بنات ممكن تقبل على هاد الشرط، وين المشكله هون؟


لتحميل تطبيق "شرق" : اضغط هنا






طباعة
  • المشاهدات: 16949
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
07-02-2019 08:34 AM

سرايا

2 -
تنازل بسقف متطلباتك لمواصفات العروس، بس ما تتنازل بموضوع الاخلاق والدين. وربنا يوفقك
07-02-2019 09:27 AM

المتوكلة

التبليغ عن إساءة
3 -
يا سيدي العزيز امك لا تتخلى عنها تحت اي ظرف لو بتظل عزابي طول عمرك , ولا تخاف بتلاقي بنت حلال اكيد , بس نتا دور على بنت بتخاف الله وبنت اصل بتقبل ..
اذا كان المقياس ديني ومخافة الله بتلاقي .
07-02-2019 02:56 PM

محمد

التبليغ عن إساءة
4 -
في كثير بنات بوافقوا ع انهم يعيشوا بعيشه مثل وضعك لا تتسرع وان شاء الله رح تلاقي نصيبك ورح تتزوج وحده بنت حلال وتوافق تعيش مع امك إن شاء الله
08-02-2019 05:54 PM

امونه

التبليغ عن إساءة
5 -
جد بدي مساعدة منكم جميعا.. انا بحب بنت من احد اقاربي وكنت كثير انا وياها بنحكي مع بعض وبنمزح ومن هل حكي .. بس لما صار شي رسمي واهلي راحو وحكو بالموضوع وكان ردهم بانو خلي البنت تخلص دراسة مش عارف شو صار بالزبط معي صابني شعور مخيب للامال رغم انو استمريت اتواصل معها بعد الي صار لحد ما بطلنا نحكي مع بعض بحجة الدراسة من اكثر من 4 اشهر .... ساعدوني ايش اعمل
08-02-2019 09:19 PM

الياس

التبليغ عن إساءة
6 -
يعني انا يلي فهمته من كلامك انه لما صار الحكي عن جد بموضوع الارتباط بلشت انته تتهرب بحجة الدراسه يلي حكوها اهل البنت ..

اخي حدد موقفك من هالموضوع واذا كنت عن جد بتحب البنت وبدك اياها اصبر حتى تكمل دراسه واذا ما بدك اياها خلص انسى الموضوع ولا تفكر مجرد تفكير فيها .
08-02-2019 09:34 PM

امونه الى الياس

التبليغ عن إساءة
7 -
بالعكس انا ما تهربت على موضوع الدراسة بس هي بطلت تحكي معي تدريجياً .. حاولت اني ابعتلها رسائل بس ما كانت ترد .. ما بعرف اذا انو سبب غيابها من على شان الدراسة او شي ثاني
08-02-2019 09:48 PM

الياس الى امونه

التبليغ عن إساءة
8 -
انته حاليا اتركها لفتره وبعدها حاول تعرف اذا اهلها تحججوا بالدراسه حجه بس لانهم ما بدهم اياك ولا عشان اشي ثاني.

يعني احتمال يكونوا اهلها ما بدهم يعطوك البنت ونبهوا عليها ما تحكي معك
08-02-2019 09:55 PM

امونه الى الياس

التبليغ عن إساءة
9 -
مش عارف الصراحة .. بس اذا الي حكيتي في منو ليش امها الي هي خالتي بتضل تتواصل معي شبه يوميا بس ما بتجيب سيرة بنتها ابداً.. وبعدين لو حكيك صح ليش ليتحججو بالدراسة خلص يحكو ما في نصيب وبس بدل المرمطة
08-02-2019 10:02 PM

الياس الى امونه

التبليغ عن إساءة
10 -
انا ما بدي اظلم حدا ولا بدي اخليك تشك بشي بس أنته بما انه خالتك بتراسلك بشكل مستمر فاتحها بالموضوع بس وجها لوجه مش عن طريق التليفون . بس صدقني اذا رب العالمين كاتب نصيبك مع بنت خالتك ف رح تكون الك لو الجميع عارضوا
08-02-2019 10:08 PM

امونه الى الياس

التبليغ عن إساءة
11 -
اشكرك جدا امونه .. يسعدك ربي ويوفقك
08-02-2019 10:53 PM

الياس الى امونه

التبليغ عن إساءة
12 -
تسلم اخي .

ربنا يفرجها عليك ويوفقك ..وربنا يحققلك كل يلي بتتمناه..آمين رب العالمين
08-02-2019 10:59 PM

امونه الى الياس

التبليغ عن إساءة
13 -
هو يا عمو بدك الصراحة ما في وحدة بتقبل فعلآ . يعني بتحكي أنا شو دخلني بأمه و شو دخلني بوحدة بتحشر حالها بمشاكلي مع زوجي ؟

و أمي كمان ختيارة و هي اولى بالرعاية من أي وحدة ثانية .

المراة مش مجبورة إلا بجوزها و اولادها بخدمتهم . أما بصراحة فيها وجهة نظر إنك إنت بدك تعيش أمك عندك طبعآ هذا حقك و حقها بس كمان إعرف إنهن كمان البنات حقهن يرفضن و سبحان الله كل الناس ورا مصلحتها .

ربنا يرزقك بنت الحلال .
09-02-2019 05:31 AM

أبو طلال

التبليغ عن إساءة
14 -
هو يا عمو بدك الصراحة ما في وحدة بتقبل فعلآ . يعني بتحكي أنا شو دخلني بأمه و شو دخلني بوحدة بتحشر حالها بمشاكلي مع زوجي ؟

و أمي كمان ختيارة و هي اولى بالرعاية من أي وحدة ثانية .

المراة مش مجبورة إلا بجوزها و اولادها بخدمتهم . أما بصراحة فيها وجهة نظر إنك إنت بدك تعيش أمك عندك طبعآ هذا حقك و حقها بس كمان إعرف إنهن كمان البنات حقهن يرفضن و سبحان الله كل الناس ورا مصلحتها .

ربنا يرزقك بنت الحلال .
09-02-2019 05:31 AM

أبو طلال

التبليغ عن إساءة
15 -
هههههه إلياس مش جاي ياخذ النصيحة إلا من أمونة هههههه

مهي كل تعليقاتها بتدل على رجعيتهت ا . أنا من زمان بتابع كل التعليقات بس ما بشارك بس هسا حبيت أنصحك يا الياس إنك تبعد عنها لإنها البنت بتتحجج بدراستها بس في شي تاني سبب تهربها منك ممكن يوم ما صار الشي جد إنها انحطت بالأمر الواقع و الأشياء المخفية بلشت تطلع متل سعر المهر متلآ أو شروط أهله و كلامهم فهي يا إما إنها استخارت أو إنهم أهلها شافوا من أهلك تصرف و كششوها منك و نصحوها بالبعد عنك و إنه بيجيها أحسن .

الشغلة واضحة .
09-02-2019 05:37 AM

إلى إلياس

التبليغ عن إساءة
16 -
فعلآ أنا ملاحظ هالشي عكل البنات ما بترضى بواحد عنده أم أو حدا من أهله أو إبن كلهن بحكن انا مش ملزمة بالعناية بحدا .

لهيك بلا مؤاخذة انا حاسس إنك عندك أنانية يلي بتخليك تحيد عن وحدة مطلقة و عندها اولاد ؛ لإنك لو كنت منصف كان رحت بحثت عن مطلقة و عندها اولاد و خليت اولادها يعيشوا تحت جناحك و رعايتك و إنك تنفق عليهم من مالك ، هيك بصير في تعادل بيناتكم .

بس نصيحتي تتزوج من مطلقة معها اولاد عادي جدآ هاي الأيام صار هالشي ، بل حتى والله بتشوف العزابي ممكن يتزوج مطلقة .

بس الظاهر إنك أناني بدك تاخذ و ما بدك تعطي .
09-02-2019 05:44 AM

محمد السلايمة

التبليغ عن إساءة
17 -
ههههههههههه عن جد ضحكت من قلبي ومش طالب منك تقيمي او تقيم ارائي.

سلااام
09-02-2019 06:18 PM

امونه الى تعليق 14

التبليغ عن إساءة
18 -
أنا من ناحيتي لو كنت مكانهن هالبنات ممكن اوافق لو عرفت إنها حماتي صغيرة بالعمر لسببين ، اول شي منشان ما تكون على الدقة القديمة ، يعني رح تكون شغل تدخلات متل ما كانوا زمان و رح تخليني أعيش متل ما هي بزماناتها كانت عايشة مع بيت حماها كانت حماتها تحشر حالها بكلشي هيك كان واقعهم في ظلم للكنة ، و السبب التاني إنها كمان رح تعيشني متل عيشتها زمان إني رح أكون خدامة لاسلافي كمان ههههههه

انداري عنهن كيف برضن يلي هيك .

بعدين لما إنها تكون المرأة عاجزة ، الكنة ما إلها دخل بهالشي و أم الكنة اولى من الحماية ، و الزلمة هو يلي لازم يخدم أمه او يحطها بمأوى العجزة والله المستعان .
19-02-2019 06:46 AM

حنان

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم