اريد حلا لمشكلتي مع عمي وزوجته

03-02-2019 08:51 AM

تعديل حجم الخط:

سرايا - من كم يوم تقريبا الاسبوع الي عدا صار حدث
انو كنت انا بدي اطلع ع سطوح بيتنا اشوف الغسيلات
هسا كنت بدي اطلع الا مرت عمي بتفتح الباب وسبحان الله بنفس اللحظة
الا هو كان في شب طالع ع الدرج انا شفتو من هان ودخلت من غاد
هسا صار يقلها بدي فلان
قالتلو هان مش بيتهم هيو غاد
واجا دق علي الباب وانا شقيت الباب شق حتى شكل الشب ما شفتو
قلي موجود فلان انا من الشغل معو قلتلو لا مو موجود
وحمل حالو وراح
الا هو بعد شوي اجت دقت علي الباب وصار تسألني وين امك قلتلها بالمستشفى قالتلي وفش حدا عندك قلتلها لا لحالي صارت تهز براسها وانا رحت زي الاطرش بالزفة قعدت ع هالتلفزيون يا جماعة وشغلت الدفاية وعين الله تحرسني
الا بعد شوي يدق الباب لقيتو عمي صار يقلي انو صاير مشكلة بينو وبين مرتو وهي كانت تحوم فوق سطح البيت ما علينا المهم والله وصار بدو رقم ابوي
اعطيتو ياه حتى انا بإيدي اخدت التلفون من ايديه وكتبتلو ياه وبعديها هو متلبك ومش قادر ابصر شو صايرلو وانا زعلت عليه ولا هو لازم انا الي ازعل عحالي
المهم قلتلو فوت ليش واقف وفاتو وكل شي بعديها صار بدو يشرب شاي رحت اسوي شاي وهم مصرين بدهم اطلع من الغرفة
طلعت وقعدت ورا الباب وتسمعت عليهم
صارت تقلو هي احنا عندها يلا ندور انا نتأكدة هي مخبية الشب عندها بالبيت صار يقلها البيوت حرمات وما بينفع فوتي انتي وبنتك الصغيرة وصارت تخلي بنتها تروح وهي قال تفوت بحجة بنتها وتفتش بهالدار وانا موقفي موقف الضعيف فش حدا عندي لا اب ولا اخ ولا ام
وهم اهلي يعني عمي ومرت عمي وعيب يعني يظنو فيني هيك ما علينا بالاخر دخلت عليهم التنين شرشحتهم شرشخة الكلاب قلتلو انت مين مفكر حالك تحكي هيك بتفتشو بيتي ع واحد بعرفش مين هو وبعديها اجت امي وقلتلها وصارو يتحججو
كل الي مساوينو مشان يخلو بابا يحرمني من الجامعة الله لا يفقهم
ولك فاتو بأعراض وشرف بتقول لامي روحي افحصيها شوفي ازا بنت ولا لا انا حق الله نزعجت ويومها مسكت كاسة قزاز وسلختها ياها فتحتلها راسها
بس لسا روحي ما بردت نفسي اسخطها هي وعمي وجوزها كمان
عنجد كل واحد يتخيل حالو بهيك موقف وهو بريء شو موقفك لو كنت محلي هالسؤال لكل واحد بيقرأ وشو ممكن تكون ردة فعلك
وهل انا عملت غلط لما ضربتها ولا لازم عفستها بدن مرتب