انا شاب لم انجح بحياتي

02-02-2019 09:09 AM

تعديل حجم الخط:

سرايا - انا شاب عمري 26 سنة ما بدي أحكي عن حالي فاشل
بس بدي أقول أنا ما نجحت بشي يعني دراسة سيارة وظيفة حياة الحمدلله الف مرة

انا اهلي صار بينهم مشاكل وانفصال من حوالي 15 سنة
يعني كان عمري 11 سنة عانيت ظروف الحياة القاسية
رسبت بالتوجيهي الي كان حلمي أنجح فيه

بعدين بعمر 18 بلشت حياتي الأكثر صعوبة وصرت أشتغل بكل مكان
يخوان أقسم بالله العظيم في غيري مليون ويمكن مليارات عانوا من شغلهم
اقسم بالله كنت اشتغل ارفع حطب والدنيا نازلة مطر ارفع لطابق ثالث كمية ٣ طن حطب بدون رحمة
كنت اشتغل ع بسطات خضرا والدنيا شتا ومطر وبرد
كنت اشتغل بعز رمضان بعز الحر تحت الشمس أحمل سيارات
بربكم احكولي عانيت ولا لا ؟ ولسا ما ذكرت شي
انا زيي ما حدا عانا
أقسم بالله العظيم عانيت بحياتي والمشكلة الاكبر ما عملت شي بحياتي
انا عايش مع أمي حاليا لانو مريضة كانسر
وانا مستلم البيت بكامله مصاريف
انا مبسوط اني بار ابوي امي وبساعدهم
بس مش عارف انجح بحياتي
مش عارف من وين الطريق
تايه ضايع حاسس حالي بمتاهة كل ما أفتح باب بطلعلي باب ثاني وبرجع لنقطة البداية
يخوان شو ذنبنا أحنا نعيش حياة صعبة
أحنا الشباب شباب الاردن الي بعيشه ضروف صعبة مكافحين صابرين معلقين أحلامنا ع رفوف الأيام لعلى وعسى يتحقق شي
أنا بحمد ربي الف ومرة ع الصحة والعافية
بس ما في راحة بال
أنا تعقدت من شغلي المتعب
من صحابي
من البيت الي عايش فيه
من المنطقة
مش حابب اشوف حدا مش حابب اتواصل مع حدا
حابب أنعزل
أنفرد بأفكارر شيطانية الشيطان يلعب بأفكاري يقنعني بفكرة الانتحار
تخيله وصلت معي اخاف اضل لحالي بالبيت خوف أعمل بحالي شي
قديش شباب وبنات انتحروا عنا بالاردن
يمكن انا حالة من هاي حالات الانتحار بس كتبت مسج قبل ما يفوت الآوآن
يخوان الي يقول شكلك بعيد عن ربك
انا الحمدلله بصلي وبخاف الله وما عمري وقعت بالغلط
وعارف هذا امتحان من ربي ولازم اصبر
بس ضغوطات الحياة والافكار والاحلام وسواس الشيطان بغلبه

يخوان نفسي ارجع أثق بحالي نفسي أدرس أنجح
وأتزوج البنت الي بحبها وأكون عيلة واكمل نص ديني وأعوض نص عمري الي ضل من الي فقدته وأنا صغير (العيلة )

بس ما بقدر أدرس ولا اتزوج ولا أغير شغلي
بسبب صعوبة كل شي من ضمنها المادة

أحكولي شو أعمل

حاسس الموضوع بدو معجزة

طباعة

المشاهدات: 16493


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	02-02-2019 09:09 AM سرايا
2 -	أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ ۗ أَإِلَٰهٌ مَّعَ اللَّهِ ۚ قَلِيلًا مَّا تَذَكَّرُونَ (62	02-02-2019 01:05 PM محمد التبليغ عن إساءة
3 -	عليك بالدعاء الحمد الله الذي بنعمته تتم الصالحات	02-02-2019 09:36 PM بلال التبليغ عن إساءة
4 -	لا والله يا عمو لا بده معجزة و لا تخبيص . قال بتحكيلنا لا حدا يحكيلي بعيد عن ربك !!! يعني لو قريب من ربك أو بلا مؤاخذة لو فيك عقل بتفكر بالانتحار ؟ و كيف بتحكي إنك بار بأمك و انت بدك تنتحر و تتركها تصارع بالحياة لوحدها و تزيد عليها الطين بلة ؟ شو مفكر حالك لحالك يلي تعبان ؟ ولا لا يكون قاعد بتوجه رسالة لل..... إنه يا بتعطونا مصاري يا بننتحر ؟؟ حبيبي انا بعرف واحد حرق حاله بإربد العام الماضي . بس هاي الحياة ماشية بدونه و انتسى يعني هو عبارة عن حمار حاشاك لإنه خسر حياته و آخرته . شو يعني بتشتغل بالشتا طبعآ انت شب يعني مسؤول . بتلاقي النسوان بتحب تخلف ذكر مش أنثى ليش يا حزرك ؟ و انت بدك تتخلى عنها ؟ اخص	02-02-2019 11:10 PM أبو طلال التبليغ عن إساءة
5 -	يا أخي اذا مفكر انه مشكلتك كبيره ومعاناتك ما حدا عاناها بتكون غلطان لأنه أكثر الناس عندهم مشاكل وعندهم هموم ولو تعرف جزء من المشاكل يلي بعانوا منها الناس كان لاحظت انه مشكلتلك بالنسبه لمشاكلهم كثييييير صغيره.	04-02-2019 01:36 AM امونه التبليغ عن إساءة