حرية سقفها السماء

وكالة سرايا الإخبارية

إبحــث في ســــرايا
انت الزائر رقم: 8418108 السبت ,22 سبتمبر, 2018 م يوجد الآن عدد (4948) زائر
طباعة
  • التعليقات: 34
  • المشاهدات: 42223

أيهما أتزوج الكبيرة أم الصغيرة ؟

أيهما أتزوج الكبيرة أم الصغيرة ؟

أيهما أتزوج الكبيرة أم الصغيرة ؟

24-08-2018 04:24 PM

تعديل حجم الخط:

سرايا -
مرحبا✋ أنا شب عمري 28 سنة
ببحث عن عروس و عنا بالحارة بنتين مناسبات
وحدة عمرها 24 و الثانية عمرها 30 يعني أكبر مني بسنتين .
الأصغر مني بصراحة مش حلوة و سمينة و قصيرة و على كلام أختي إنه جسمها كله ترهلات .
لكنها محترمة
و البنت يلي عمرها 30 سنة كمان محترمة بس حلوة ما شالله عليها و مش ناقصها شي و خليت خواتي يشوفنها بالبيت و طلعت حلوة من كلشي ماشالله عليها .

لا تحكولي أبحث عن بنات ثانيات لإنه بصراحة يلي بتعرفه أحسن من يلي بدك تتعرف عليه ، و صحيح إنهن البنات كثار لكن والله على حسب ما بسمع نادرآ ما تشوف وحدة بتصلح للزواج . و انا بدي وحدة من عجينتي و ديني و أخلاقي . لهيك قلت بدي من بنات حارتنا يلي بنعرفهن حق المعرفة لحتى قدر استطاعتنا نتفادى المشاكل و الانصدامات المستقبلية .
و هذول الثنتين بس يلي بنعرفهن مناسبات إلي.
بصراحة أنا متشجع عالبنت الكبيرة لإنها عالأقل بستفيد منها أما الصغيرة بالعمر شو بدي أستفيد منها بعد أول سنة زواج رح تنفش أكثر . بس باين عالكبيرة طبيعة جسمها هيك مهما يمشي فيها الزمن لإنها أمها كمان حلوة . و نحيفة .
و الكل بشجعني عالكبيرة لتناسق جسمها و نعومة شعرها . و دينها و أخلاقها و شو بده الواحد أفضل من هيك لحتى يتحصن بالزواج . أللهم اغننا عن الحرام بحلالك يا رب .
انا حبيت آخذ مشورتكم .
و إلكم خالص شكري.






طباعة
  • التعليقات: 34
  • المشاهدات: 42223
 
1 -
ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.
24-08-2018 04:24 PM

سرايا

2 -
انا يقول خذ كبيره ما دام مقنع فيها
24-08-2018 04:36 PM

مها. احمد

التبليغ عن إساءة
3 -
خذ الكبيرة . مش شرط صغر العمر هو الجمال . بالعكس في كبار بالعمر لكنهن بتقنن الدلع الأنثوي و الجمال مهما يمشي فيهن الزمن .

و الصغيرة آخرتها تكبر . فما في داعي لتفضيل الصغيرة عالكبيرة أبدآ مش مقياس
24-08-2018 05:39 PM

و أنا مع مها أحمد

التبليغ عن إساءة
4 -
مش شرط إنه عمرها كبير يعني مش حلوة .

المرأة بتبلش علامات التقدم بالسن على عمر ال40 فما فوق . أما غير هيك حكي فاضي إنها الصغيرة تكون أحلا من الكبيرة .

أنا بحكيلك خذ الكبيرة حتى لو كانت أكبر من 30 ما دامها حلوة احجزها بسرعة .
24-08-2018 05:46 PM

أم سوسن

التبليغ عن إساءة
5 -
أنا بشجعك عالكبيرةحتى لو إنها أكبر منك صار هالشي عادي عند ناس كتير إنها الست تكون أكبر من الزلمة.
24-08-2018 05:49 PM

أم تولين

التبليغ عن إساءة
6 -
الكبيرة أحلا متل ما بتقول و أوعى و أفهم بالغالب .

و فهمانة الحياة بتكون.

خذ الكبيرة من وجهة نظري
24-08-2018 06:06 PM

الكبيرة

التبليغ عن إساءة
7 -
إسأل مجرب ولا تسأل حكيم .

أنا عندي نسوان ثنتين

الأولى تزوجتها و هي عمرها 20 و مش حلوة بالمرة
24-08-2018 06:14 PM

أبو حسن

التبليغ عن إساءة
8 -
ليش بتسأل ؟ يعني ما دام بتحكي بعظمة لسانك إنها هذيك أحلا و شعرها أنعم و مواصفاتها أفضل

فليش بتفكر بالصغيرة ؟

هاي يمكن ببيئتكم عادة إنه الزلمة ياخذ بنت أصغر منه لهيك إنت عندك لبس ، مع إنها الكبيرة مواصفاتها أفضل .

هاي زواج يعني حياة و عمر مش يوم أو يومين

شو أصغر و أكبر و هالتفاهات ؟

ما دام هذيك البنت عندها مواصفات جميلة روح خذها و انساك من الصغيرة . كل واحد بلحق ورى مصلحته

شو بدك بالعادات يلي عندكم إنه الزلمة يكون أكبر من زوجته ؟؟؟
24-08-2018 06:19 PM

فدوى

التبليغ عن إساءة
9 -
زوجتي أكبر مني و احنا أسعد زوجين .

مش مهم تكون الزوجة أكبر أو أصغر بس المهم إنها تكون زوجتك هي الأقصر منك .

لحتى تحس بأنوثتها .

خذ الكبيرة ما دام مواصفاتها جميلة

ما رح يأثر عمرها على حياتكم الزوجية مستقبلآ بس أكيد رح يهمك قوامها و جمالها و دلالها عحياتكم الزوجية و بشكل يومي . فخذ الكبيرة أفضل .
24-08-2018 06:23 PM

المنتصر

التبليغ عن إساءة
10 -
كبيرة دلوعة و مرحة فرفوشة أفضل ب100 مرة من صغيرة جامدة و ما بتفهم شي من الحياة
24-08-2018 06:27 PM

فادي الشوحة

التبليغ عن إساءة
11 -
مش فاهم يعني انتوا على حسب تقاليدكم بتمشوا ؟

يعني مبينة و واضحة أشكره خبر إنها الكبيرة أفضل فليش حاط الصغيرة ببالك ؟

شوف أخي خلينا صريحين مع بعضنا ؛ كلنا بنعرف إنه أهم شي بالزواج هو الجنس

فليش تحرم حالك من متعة الحياة الزوجية بتفضيلك للصغيرة يلي ما رح تنفعك ؟ كل هذا منشان تقاليدكم بتقول إنه الزلمة لازم أكبر من المرأة ؟!!!

حتى بصراحة مبين من سياق مشكلتلك إنك حاب الكبيرة و متخذ القرار من زمان بس حاب تشوف ردة فعل الناس و كإنهم الناس رح يتزوجوها معك .

خذ الكبيرة و توكل عربنا .

و بدنا حلوان
24-08-2018 06:32 PM

بطاينه

التبليغ عن إساءة
12 -
أنا لو مكانك بدل ما أضيع وقتي بروح آخذ الكبيرة بلاش تطير مني



لانه من المعروف إنها البنت بأي لحظة بيجيها عريس الغفلة لهيك روح احجزها لا تطير

و ما بدك وحدة شعرها خريس

اسأل مجرب

ما بدك وحدة جسمها مش متناسق و حلو

صدقني كل يوم بموت 100 مرة من هالموضوع بالرغم من إني من زمان متزوج بس هالموضوع برافقك لمدة طويلة من الزمن .

الصغيرة ما رح تفيدك .
24-08-2018 07:34 PM

غسان

التبليغ عن إساءة
13 -
خذ الكبيرة ما زال بتحكي حلوة

ما بتلاحظ عالمغنيات كيف حلوات بالرغم من إنهن بالأربعين و الخمسين .. هو صحيح عشان عمليات التجميل بس كمان شوف عمرهن و شوف اجسامهن .



خذلك الكبيرة و توكل عربنا .
24-08-2018 08:03 PM

أبو عبد الله

التبليغ عن إساءة
14 -
ليش هي الشغلة يعني مش واضحة إنها الكبيرة أفضل ؟ مهو صار موديل هاي الأيام إنها الست تكون أكبر من جوزها .

فبنصحك بالكبيرة والله لو عندي أخ كان زوجته الكبيرة حتى لو كان الفرق 5 سنين ما دامها زوجة كفئ خلص معناها عادي . لحق حالك و اخطبها.
24-08-2018 08:08 PM

منيرة

التبليغ عن إساءة
15 -
لا تتقدم بخطبة احد .. رحمة بهما
24-08-2018 09:22 PM

خالد خالد

التبليغ عن إساءة
16 -
الظاهر إنها الكبيرة أفضل و شكلك حاب الكبيرة

هي ما دامها مهتمة بحالها فخلص أحسنلك من الصغيرة يلي مش حلوة طبعآ .



و عنجد كتير بنسمع عن زلام تزوجوا
24-08-2018 10:06 PM

الكاسر

التبليغ عن إساءة
17 -
الظاهر إنها الكبيرة أفضل و شكلك حاب الكبيرة والله يتمملك عخير.

هي ما دامها مهتمة بحالها فخلص أحسنلك من الصغيرة يلي مش حلوة طبعآ .



و عنجد كتير بنسمع عن زلام تزوجوا بنات أكبر منهم و مبسوطين مع بعض فمش مقياس أبدآ للسعادة الزوجيةإنه الزلمة يلي يكون أكبر من زوجته .
24-08-2018 10:10 PM

الكاسر

التبليغ عن إساءة
18 -
اختار الكبيرة وولا تنسى تعزمنا عالعرس
24-08-2018 11:20 PM

مستغرب

التبليغ عن إساءة
19 -
الكبيرة
25-08-2018 06:57 AM

أبو ريماس

التبليغ عن إساءة
20 -
كثر الله من أمثالك يا صاحب المشكلة لإنك قلت بدي وحدة من ديني و أخلاقي و عجينتي .

الظاهر إنك فعلآ خلوق و بتبحث عن وحدة من معدنك ، بس الشي يلي بسطح إنه في شباب بتلاقيهم نسونجيين و بعجبوا بحياتهم و مع ذلك ، لما بدهم يبحثوا عن عروس ببحثوا عن وحدة خلوقة بس يلي زي هيك بكونوا قمة بالنذالة يعني بدل ما يروضوا حالهم لأ ببحثوا عن خلوقة و هي شو ذنبها تنظلم و تعيش مع هيك أشكال ؟
25-08-2018 07:05 AM

كثر الله من أمثالك

التبليغ عن إساءة
21 -
الكبيرة رح بتفيدك أما الصغيرة لأ هيك مبين .

لو انا مكانك كان اخترت الكبيرة

و حتى لو كانت أكبر من 30 سنة لإنه العمر بهذا السن عادي بنت التلاتين متل بنت العشرين مش شرط أبدآ تكون الصغيرة أحلا متل ما بتقول .

أنا بعرف بنت عمرها 39 و ما شالله عليها كسماتها بتسطل و بتجنن متل الجرة أو السمكة متل ما بقولوا





و والله لو عندي أخ كان زوجتوياها .
25-08-2018 07:44 AM

بائعة العطر

التبليغ عن إساءة
22 -
الكبيرة ما فيها فايدة لانه يا دوب تخلفلك ولد او ولدين يا رجل خذ واحدة صغيرة سنها اقل من 20 سنه افضل وابحث عن الزوجة الودود الولود صاحبة الدين والجمال مع اول ليلة بيروح .
25-08-2018 10:49 AM

صقر

التبليغ عن إساءة
23 -
طبعآ الكبيرة.

و الفرق مش كبير كلها أكبر منك بسنتين و هي بعز زواجها ما دامها حلوة و جسمها متناسق مثل ما بتقول معناها الخصوبة عندها عالية .

هذا كلام مثبت علميآ إنه كل ما كان جسم البنت جميل و أنثوي هيك بتزيد عندها القدرة عالإنجاب و الخصوبة .

فلا يغرك إنها الصغيرة دايمآ أقدر .



إحجز الكبيرة بسرعة

والله بلاش تماطل .

توكل عربنا
25-08-2018 04:05 PM

طبعآ الكبيرة

التبليغ عن إساءة
24 -
انا بستغرب من جميع التعليقات مع احترامي للكل علقو ع الموضوع ع اساس الجمال اخي خذ الي بترضا خلقها ودينها الجمال جمال الروح مو الشكل صحيح انو الواحد بيحب انو ياخط وحده فرفوشه وحلوة بس قسما بالله الشكل مو كل شي يا ما في ناس مو حلوة ابدا وجمالها الداخلي يطغا عالشكل الخارجي وبنات تشوفهن ملكات جمال وهن ولا يسون شي لا بدين ولا يفهمن شي بحياه واذا انت مقتنع بالكبيرة لانها محترمه وخلوقه ولقطه لاتتركها اما عشان شكلها بس انا مابنصحك وان شاءالله تلقى بنت الحلال عن قريب
25-08-2018 04:23 PM

امل

التبليغ عن إساءة
25 -
الكبيرة أحسنلك ما دام بتحكي الثنتين محترمات .

بس ما دامها حلوة خلص خذها و توكل على ألله .

و انت شكلك حاب الكبيرة . و ان شالله خير
25-08-2018 09:33 PM

أبو علي

التبليغ عن إساءة
26 -
المهم التقارب بالعمر سواء الزلمة أو المرأة يلي يكون أكبر

المهم قرب العمر



يعني بصراحة الكبيرة عمرها أنسب

و كونها أجمل و أفضل و البنت محترمة فتزوجها و ان شالله ربنا يجيبلك الخير .
25-08-2018 10:29 PM

فاطمة طلافحة

التبليغ عن إساءة
27 -
طبعا نصيحه اتزوج الكبيره لانها الأقرب لعمرك

صدقا فارق العمر باكتر من تلات سنين مشكله لانه كل واحد بكون تفكيره مختلف تماما وكل واحد منهم اله اهتمام اما الصغيره بعد فتره ما رح تتحمل بعض تصرفاتك لانه هي بتكون صغيره وانته كبير

بالمختصر لازم العمر يكون قريب بين الزوجين وما يتعدى التلات سنين الى الخمس سنين بالكتيييييير نصيحه ما تتزوج الا الأقرب الك بالعمر
26-08-2018 03:33 AM

نور الشمس

التبليغ عن إساءة
28 -
أنا كل مرة بتزيد قناعتي أكتر و أكتر بموضوع بحث العريس دايمآ و أبدآ عن الجمال .



بتلاقوا الشب بقول قبل الزواج أنا ما بهمني الجمال لا أنا بتهمني أخلاقها

لكن وقت بده يتزوج

بصير أهم شي عنده الجمال و الدلال الأنثوي .



دايمآ هيك الشباب بضعفوا للبنت الحلوة.



يا سيدي ألله يهنيك

و انا متلك لما أجيت بدي أتزوج صار معي حالة انهبال لما أختي حكتلي عن صاحبتها الحلوة

و الحمد لله هينا مبسوطين كونها كويسة و بتحبني و مرحة ما زلت بخبها .



و انت يا صاحب المشكلة كونك بتقول الثنتين محترمات و الكبيرة هي الحلوة خذها

و عادي الوحدة بتظل للخمسة وثلاثين و هي بتخلف حتى لو كان البطن الأول .
26-08-2018 07:09 AM

سبحان الله

التبليغ عن إساءة
29 -
شو انت من عقلك يا صاحب هالتعليق بتحكي ؟

مهو الشب عمره 28 بحكيلك !!!!



كيف يتزوج بنت 20 ؟

في فرق كبير بينهم

صارت هاي الأيام البنت أكبر من الزلمة والله .



يعني لو كانت أصغر منه بسنة سنتين عادي ما فيها شي



أما كيف بتقول ياخذ بنت 20 سنة ؟؟؟؟

مهي بلا مؤاخذة إذا الكبيرة بتيجيها الدورة منتظمة

فعادي بتخلف .



و فعلآ على قولة معلق

البنت يلي بكون قوامها أنثوي بتكون خصوبتها وقدرتها عالإنجاب أكبر .

هيك سمعت مرة .



وان شالله يا صاحب المشكلة إنه ربنا يختارلك الأفضل
26-08-2018 07:16 AM

إلى صقر

التبليغ عن إساءة
30 -
ليش نضحك عحالنا ؟

مهو المقصد الرئيسي من الزواج هو تحصين النفس عن شهوات الدنيا ، و ما دام إنه الصغيرة مش حلوة و ما بتلبيله رغباته فكيف بده ينبسط بحياته الزوجية ؟

و هو بقول التنتين محترمات و كذا

فليش بده يختار الصغيرة و هي مش حلوة ؟

فطبعآ الكبيرة هي الحل .

و ربنا يوفقه
26-08-2018 10:57 PM

أبو ريماس لصقر

التبليغ عن إساءة
31 -
قبل العمر والشكل فكرت انه ارتحت لمين في بنت ممكن تقعد معها ينشرح قلبك وتحس بالفرح بس بشوفتها ( طبعا هاد بعد ما اتفقنا عالاخلاق والدين والاحترام عند الثنتين)

شفت كمان الطرف التاني مين الي جد راغبانتك وبتحس كلها فرح بس تشوفك ومين الي بس بدها عريس والسلام . دور عالي روحها اطيب ونقيه وبريئة ومتدينه مش وحده تدوشك انت واهلك

اذا الاكبر عاجبيتك انا شايفه عادي ومش هالفرق بينكم يعني ببساطه لو كذبو وقالولكم عمرها ٢٤- ٢٧ بتتزوجها!

وانا خليني مع صف بنت الثلاثين طب بتقول حلوة ومش ناقصها اشي مهي اكيد مر عليها شباب طلبوها مش يمكن ربنا حطها بطريقك لانك نصيبها ! واكيد شافت وعرفت الي افضل منك بس سبحان الله الارواح جنود مجنده

هاد لو هي راغبنيتك ما يمكن مابدهنش الثنتين . لو مكان بنت ال٣٠ برضاش من هسه بتعلق وبتسال بكرا تضلك حاطط انه في عندها مشكله حتى لو كانت ملاك

وعالعموم استخير والله يبعث للثنتين النصيب الافضل الهن

وانت يختارلك منهن او غيرهن الافضل
28-08-2018 04:42 PM

ام بهاء طناش

التبليغ عن إساءة
32 -
شايف كمية المشاهدات قديش وكميه التعليقات بس ٣٠ ! يعني ماحدش مهتم ولا حد مطلع شو تزوجت وحتى في ناس يمكن مش لاقية اشي تنصحك فيه ماشافوش مشكله من اصله

وبالك كل هالي متزوجين ومبينين انهم احسن حياه كله صحيح ! هالناس بتضحك عبعض

السوال عندك انت قايللنا الجواب بدهاش نقاش .عجبتك البنت الاكبر

متوقع الناس تقلك لا الاصغر احسن ! خايف شو يقولو الناس طب تحكيش لحد عمرها

ايش التخلف الثقافي الي احنا فيه

وين وصلت الدنيا هو ضل فيها اكبر واصغر وهاي ٣٠

وعشان نكون واقعيين معك اه لو اكبر بكثير كان قلنالك بلاش برضه بدك بنت قدك وتستمتع .اما عاجبيتك البنت خلص شو السؤال

احمد ربنا ضلينا ندور فش بنت حتى حسيت بقبول اتجاهها وبنرضى باي حد نكمل هالحياة

ياخي العلم نور مش عارف صاحب المشكله متعلم ولا مثقف عالاقل عشان هيك بفكر .
29-08-2018 07:02 PM

شو رح يحكو الناس

التبليغ عن إساءة
33 -
❤️ كمية حب بصورهم الله

وهي اكبر مش بس سنتين

ومطلقه وعندها ولاد

حدا بنكر انهم كيف متوافقين وعايشين حياتهم المهم فكرو بحالهم❤️❤️❤️❤️❤️

تخيل لو اخد اميره واتكيت زايد وتمثيل رح يكونوا متل الجمادات

وبالاخر ماتصدق انه انت متله حسب وصفك هي مدينه وخلوقه انه هيك رح تختار الحب وكمان مقومات الزواج الصح

مع انه الحب حياة❤️
29-08-2018 07:30 PM

خليك متل الامير هاري وميغان

التبليغ عن إساءة
34 -
شوف الصغيره انسى الموضوع واضح مش عاجبيتك

الكبيره اي حدا رح يكون رأيه عبركة الله

بس انا ارايي بعتمد عحالتك وعشانها صراحه بحكي لانك وصفتها بشكل حلو

شوف اذا انت عجبتك ومقتنع ومش شايف اي مشكله بس حدا اثر عليك مثلا اهلك صاحبك اي حدا توكل عالله وجد فش مشكله انا امي اكبر من ابوي وعمرنا ماحسينا فيه نساء بتهتم بحالها وهلا

الدنيا تغيرت

* اما اذا هالسؤال نابع من قرارة نفسك وانت الي شاغل بالك هالموضوع وماحدش قلك لا هاي اكبر فبلاش مش عشانك انت عادي بتنبسط بس بنخاف تعيرها وعند اول نقاش ولا مشكله انتي اكبر وانتي اكبر

لانه احنا مش عارفين انت طبعك وشخصيتك وبنشوف شباب العجب بعملوه

ونا عني بحبش البنات ينظلمن .



03-09-2018 04:28 AM

مريم

التبليغ عن إساءة
35 -
شوف الصغيره انسى الموضوع واضح مش عاجبيتك

الكبيره اي حدا رح يكون رأيه عبركة الله

بس انا ارايي بعتمد عحالتك وعشانها صراحه بحكي لانك وصفتها بشكل حلو

شوف اذا انت عجبتك ومقتنع ومش شايف اي مشكله بس حدا اثر عليك مثلا اهلك صاحبك اي حدا توكل عالله وجد فش مشكله انا امي اكبر من ابوي وعمرنا ماحسينا فيه نساء بتهتم بحالها وهلا

الدنيا تغيرت

* اما اذا هالسؤال نابع من قرارة نفسك وانت الي شاغل بالك هالموضوع وماحدش قلك لا هاي اكبر فبلاش مش عشانك انت عادي بتنبسط بس بنخاف تعيرها وعند اول نقاش ولا مشكله انتي اكبر وانتي اكبر

لانه احنا مش عارفين انت طبعك وشخصيتك وبنشوف شباب العجب بعملوه

ونا عني بحبش البنات ينظلمن .



03-09-2018 04:33 AM

مريم عاصم ا

التبليغ عن إساءة
الاسم : *
البريد الالكتروني :
التعليق : *
رمز التحقق : تحديث الرمز
أكتب الرمز :

الأكثر مشاهدة خلال اليوم

إقرأ أيـضـاَ

أخبار فنية

رياضـة

منوعات من العالم