(ليلة الطلاق والفراق) ..

21-04-2018 11:27 AM

تعديل حجم الخط:

سرايا - لو سمحتم بدون تعليقات جارحة
كنت معه خطيبة وزوجة لأن مصافحين, وكان يعاملني مثل زوجته وليس كخطيبة, كان دائما يظلمني وبزعلني كثير, بس كل مرة كنت احكيله انا حاسة إنك ما بتحبني ليش تطلبني وليش تصافح أصلا! !
يحكيلي انا بحبك بحبك بحبك بحبك كثير ويبوس ايدي ويترجاني ما أتركه!
بعدها ارجع البس الذبلة ويتأسفلي وأكمل معاه. ..
جهزنا الدار وحجزنا القاعة وبدو يعطيني مصاري للكسوة وكلشي تمام, بلرغم من ظلمه وتسميع حكي جارح بس كنت اساير وكان دايما يحكيلي بمزح معك ولي, ,,ولي بحبك! !!!!
المهم مرت الشهور, ,,كآن يطلب مني شغلات خاصة بين المتزوجين ويترجاني ويحكيلي إنت مرتي وبحبك, ,وكان يصير شغلات كثيرة بينا. ...بحجة إنت مرتي وعلى سنة الله ورسوله وحبيبتي الخ. .......
المهم وفي ليلة من اليالي كنا مع بعض ومبسوطين كنت عند أمه وكثير كنت احترم امه وابوس ايديها واوجبها كثير كثير كثير كثير كثير كثير. ..
وكنت شبعانة وعيني مليانة بلرغم من كل تقصيره معي. ....بس احكي طز ع المصاري المهم هو أصيل ومحترم وبحبني أهم من كلشي.
المهم في ليلتها صار موقف غريب حسيت بخوف والله وحكيت انا خايفة كثير. ..
ومرة وحدة شفت امه بتغمز لخطيبي وافهمت في اشي صار تغير! !!
وكل اشي اتغير بثواني وهي شفتها منافقة وخفت منها, ,,وبعدها روحني وحكالي سلام, وكان آخر يوم بشوفه فيه, أول مرة بنزل من السيارة وبوصلني للباب, حسيت إن اخسرته !
وافترقنا من دون سبب!
صبح ثاني يوم بحكيلي إنت طالق طالق طالق
بعد كلشي خاص وكلشي طلقني بدون سبب ما اعملت اشي!
انا طز مش ساءلة بس دخلت بحالة نفسية صعبة ومزاج سيء للغاية وصار معي صداع نصفي ومن مستشفى لمستشفى. ..
خططولي هو وأمه وحسبي الله ونعم الوكيل.
بعتلي رسالة انا ما حبيتك وما بحبك!
ماشي بتحبنيش ولك ليش تصافح وتسميني مطلقة!!! ليش كذبت علي وكنت اتقرب علي وتحكيلي بحبك!
هلأ بتطلعلك وحدة أو واحد وبحكي إنت هبلة مش لازم سلمتي حالك! بحكيلك إذا الوحدة ما أمنت لخطيبها ويلي عاملين البيت والأثاث والقاعة محجوزة لمين بدها اتأمن!!!
طعني وحكوا عني! !
بدو يطلق وما بدو يدفع وانا في المحكمة بطلعلي حقي كامل متكامل بسبب (الخلوة الشرعية غير المدخول بها)
قال ببعتلي في ناس خلص بدي أطلق بديش إياها! !
انا مصدومة ايش خطبت وطلقت متل ما بدك, بنات الناس لعبة
طب اجتك مية فرصة لنترك, ليش كنت متمسك! !!
انا اتبهدلت قدام الكل وعجبوا علي بلحكي وانا مش عاملة اشي!
قدمت ع المحكمة خلص ما بدي إياه بس بدي حقي, حكولي إنت قاتلة حالك عليه بدكيش تطلقي!!!
ما رديت على حدا
انا وابوي بس ماشين في القضية ابوي بده يوخذ حقي!
الكل اتخلى عنه لأن رفعنا عليه القضية!!!
شو أعمل نفسي اكسره واذله هلواطي
شو أعمل؟ !

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 55160


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	21-04-2018 11:27 AM سرايا
2 -	حسبي الله ونعم الوكيل.	21-04-2018 12:36 PM امونه التبليغ عن إساءة
3 -	السلام عليكم ،،،،،،،،،،،، المهم في ليلتها صار موقف غريب حسيت بخوف والله وحكيت انا خايفة كثير. .. ومرة وحدة شفت امه بتغمز لخطيبي وافهمت في اشي صار تغير! !! وكل اشي اتغير بثواني وهي شفتها منافقة وخفت منها, ,,وبعدها روحني وحكالي سلام, وكان آخر يوم بشوفه فيه, أول مرة بنزل من السيارة وبوصلني للباب, حسيت إن اخسرته ! وافترقنا من دون سبب! صبح ثاني يوم بحكيلي إنت طالق طالق طالق بعد كلشي خاص وكلشي طلقني بدون سبب ما اعملت اشي ! هذا ما جاءنا بقصتك . ولكن لا ينبغي للعاقل أن يحكم بأن الحق معك أو مع طليقك ، ولذلك الأوجب الاستماع لكلاكما ، ومن ثم النطق بالحكم . محمدكو . سلام .	21-04-2018 01:14 PM محمدكو التبليغ عن إساءة
4 -	وبعدين شو صار ؟مات البطل؟ولا لساته عايش؟	21-04-2018 01:21 PM عامر التبليغ عن إساءة
5 -	تستاهلي الله لايردك الحق على اهلك الي امنو عليكي وامنوكي على شرفهم بحلف 100 يمين انك تستاهلي البنت الي بترخص بحالها زي هيك تستاهل الله لايردها حتى لو خطيبك ولا كاتب كتابه عليكي الله وقعك مع واحد ابن حرام مابخاف الله وانتا هبلة تستاهلي	21-04-2018 02:14 PM غسان الزيود التبليغ عن إساءة
6 -	انتي شريفة وعفيفة والله يكون معك من حكي الناس الفارغ كون قوية ولا تجعلي من هاي الشغلة مشكلة حال الدنيا طلاق وزواج ومشاكل وحب وما شابه انت الاقوى تحياتي لك	21-04-2018 04:26 PM بدون اسم التبليغ عن إساءة
7 -	مرحبا	21-04-2018 05:44 PM Basem al-habashneh التبليغ عن إساءة
8 -	يا اختي نصيحه لا تطلعي لورا وكملي طريقك وخدي حقك كامل اول شي ارفعي عليه قضية نفقه وبعدين طالبي بحقوقَك كامله واذا صار دخول بإمكانك تثيري هاد الموضوع عند القاضي واذا اثبتيه رح يعاملك على انك مطلقه بعد الدخول	21-04-2018 05:48 PM Basem al-habashneh التبليغ عن إساءة
9 -	ولا يهمك اعتبري كندره بكره بتيجي وحده وبتورجي نجوم الظهر	21-04-2018 07:00 PM محمد التبليغ عن إساءة
10 -	حسبي الله ونعم الوكيل	21-04-2018 11:16 PM منيه التبليغ عن إساءة
11 -	عزيزتي هذا الشخس عديم المسؤليه وما عندو احترام للمشاعر الإنسانيه وما بعرف بعشره وبل حب وتاكيدي ان الله يمهل ولا يهمل لهل اشكال هاي ان الكلمات لتعجز عن مساندتك لكن ما أودّ قوله انني معك في ان تاخذي حقك كاملا نصف المؤخر حتي يكون درس مادي له وتاكدي ان الله لن يضيعك واتمني لك حياه سعيده	22-04-2018 04:29 AM محمود احمد التبليغ عن إساءة
12 -	بعيدا ان توبيخك بسبب اخطائك ولكن يجب عليك ان توكلي امرك لله وقولي (حسبي الله ونعم الوكيل) وبذلك بترفعي قضيتك من قاضي الارض الى قاضي السماء فالملائكة شهود والله تعالى احكم الحاكمين... بالنسبه لقضيتك امشي فيها.. زبالنسبه لحياتك القادمة لا تجعلي خطيبك السابق يبنصر عليك وتحققي مراده بتدميرك وعيشي حياتك وادرسي واتعلمي والله يوفقك وتشتغلي وتنبسطي ساعتها رايح ينحرف ويندم عليك	22-04-2018 11:43 AM المستشار التبليغ عن إساءة
13 -	حبيبتي ازا كانت امه السبب حسبي الله ونعم الوكيل على كل وحده بتحاول تخرب بيوت الناس . باذن الله رح يوخدلك حقك وزياده انتي التزمي بالصلاه والاستغفار وانسي الموضوع .	22-04-2018 12:58 PM كمكمكمكم التبليغ عن إساءة
14 -	خذذي حفك منه على داير مليم لو بشحد وكملي حياتك بشكل طبيعي الدنيا ما بتوقف عند حدا امشي فيها وتوكلي على الله و كوني على يقين انه في يوم حساب بس	22-04-2018 01:58 PM يوسف التبليغ عن إساءة
15 -	اللي من ايده الله يزيده ليش ماحافظتي على حالك انتي رخصتي نفسك بتستاهلي	22-04-2018 09:44 PM محمود التبليغ عن إساءة
16 -	جنت على نفسها براقش	22-04-2018 09:47 PM سند التبليغ عن إساءة
17 -	.......................	23-04-2018 12:26 AM اسمر الخالدي التبليغ عن إساءة
18 -	انتي الحق عليك الي وثقتي فيه وانتي تعرفيه كان يعمل معك مشاكل كيف تسمحي لنفسك تروحي على بيتهم البنت لازم تكون ثقيله	24-04-2018 01:31 PM بدويه وافتخر التبليغ عن إساءة
19 -	انتي الحق عليك الي وثقتي فيه وانتي تعرفيه كان يعمل معك مشاكل كيف تسمحي لنفسك تروحي على بيتهم البنت لازم تكون ثقيله	24-04-2018 01:31 PM بدويه وافتخر التبليغ عن إساءة
20 -	انتي الحق عليك الي وثقتي فيه وانتي تعرفيه كان يعمل معك مشاكل كيف تسمحي لنفسك تروحي على بيتهم البنت لازم تكون ثقيله	24-04-2018 01:31 PM بدويه وافتخر التبليغ عن إساءة
21 -	الى صاحبة المشكلة اختي معك حئ بكل كلمة بس لازم ماتسلمي حالك حتى لو كان كتابك مكتوب لانه ما بتعرفي ل آخر لحضة ممكن شي يتفركش بدون سبب من هالناحية نصية لو حتى زوجك يكون اله حدود بينك وبينه هادا الزمن غريب وصعب تلائي ابن حلال ويخاف بعرضه بنات الناس مو يهوديات نحنا مسلمين المفروض تتعاملوا بغير هالطريئة انتبهي وما تتنازلي عن دينار واحد لحتى تردي اعتبارك لو بشي ما بنئاص بفلوس بس لحتى تربيه ماتتناززززززززلي	24-04-2018 09:27 PM سندريلا التبليغ عن إساءة