حماتي

03-09-2015 12:32 PM

تعديل حجم الخط:

سرايا - سرايا- انا قصتي ما في اغرب منها انا عايشة بتأنيب الضمير ويا ريت تساعدوني .

انا اخدت زوجي عن حب و كنت بحبو من سنين قبل الزواج و لما تزوجتو عشنا قصة حب اكبر من قبل . بس حماتي ظلمتني ظلم الله بيعلم فيه انا تاخرت عن الخلفة 4 سنين و كنت اروح عالدكاتره و يحكولي ما فيكي اشي و من الله هالتاخير و عشت اصعب ايام حياتي و عشت عالاستغفار والنوم ما اشوفو و فجاة حماتي صارت بدها تزوج زوجي و زوجي رفض و يحكيلها يلعن ابو الولاد انا بحب مرتي و صارت تعيط و بدها تشوف ولادو و حكتلو بغضب عليك و ضلت ايام و شهور تحاول و زوجي وصلت فيه انو بطل يروح عند اهلو لحد ما غضبت عليه و حكتلو الله لا يوفقك لا دنيا ولا اخره و حكتلو مرتك بتجيبش ولاد و هاي ما منها فايدة و هالحكي قدامي يا ريت لو كانت تحترمني و تحكي من وراي لحد ما زوجي تزوج و حسيت روحي بتطلع من كتر ما بحبو و بنفس ليلة عرسي رن علي و صار يعيط معي و حكالي نصيبنا و ضليت ادعي عحماتي والله كل ساعة ادعي عليها قد ما انا متوجعة لانو زوجي بيحبني و بدوش يتزوج و شاءت ارادة ربنا انو بعد زواج زوجي بشهر انا حملت والله العظيم يا جماعة انو زوجي دبح 8 خواريف و حسيت الدنيا صارت جنة و بعدها ولدت و جرحي من زواج زوجي كان كبير يمكن تلوموني بس انا وباه بنموت عبعض و غيرتي قتلتني و حكيت حسبي الله و نعم الوكيل و انا بولد و صورة حماتي ما فارقتني و بعد ما ولدت بيومين حماتي انشلت شلل كامل و انا لهاليوم ضميري بيانبني و حاسة انو من دعواتي . ريحوني و احكيلي نصيب مع انو لحد هاللحظة مش قادرة انسى انو في غيري مع زوجي و مع العلم انو زوجة زوجي الثانية مظلومة لانو زوجي دايما عندي و بيحكي قدامها انو بيحبني و هي حاليا طالبة الطلاق ساعدوني.

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 60817


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	03-09-2015 12:32 PM سرايا
2 -	فيلم هندي ع كل حال الشرع حلل اربعه	03-09-2015 12:46 PM الراعي من البتراء التبليغ عن إساءة
3 -	شوفي يا اختي عندنا في الدين الإسلامي ظلم حرام إمساك بمعروف او التسريح بالإحسان اذا جوزك مش قادر يعيش معها وأنه بحس انه ظالمها فعليه أن يطلقها بس بشرط حتى لا يرتكب إثم بحقها هو أن يدفع لها كافه مؤخرها من صداق ونفقه وان لا ينقص عليها شي حتى يطلع من خطيتها لأن هذه الزوجه بقصد زوجه االثانيه انظلمت مع زوجك ودعاء مظلوم عند الله مستجاب فعليه بقصد زوجك دفع مستحقات زوجه اذا اراد ان يطلقها لأن يا اختي عزيزه اذا ما أعطاها حقها من مؤخر ودعت عليه لانها مظلومه احتمال يا اختي لا سمح الله تصيبه اما بالنسبه لحماتك وحتى ترتاحي من تعذيب الضمير اعتبرها وحده عاجزه وقولي في نفسك ساعدها لوجه الله واكسب حسنات وأجر من الله مش حب فيها ساعديها بس قولي حتى اكسب أجر من الله لاتنسي يا اختي العزيزه كل عمل خير بتعملي لك أجر من الله كيف لما تقومي بمساعدة وحده عاجزه مريضه لا حول لها ولا قوه ويكون لكي أجر إجران وبإذن الله لا تنسي يا اختي لما تساعدها أن يكون لسانك حلو معها يكفي اللي صار بها وأيضا كمان كلمه اللي حلوه لكي أجر عليها بإذن الله وحاولي يا اختي انك تسامحيه على اللي صدر منها ومسامح كريم وأخيرا الله يكتب لكي أجر وجواب من الله الله يوفقك يا حلوه وتحية لكي	03-09-2015 01:45 PM مها احمد التبليغ عن إساءة
4 -	حماتيييييييييييي اخ يا حماتي - اقطع اقطعععععععععععععععع	03-09-2015 02:21 PM مهند الصمادي التبليغ عن إساءة
5 -	لا ما تخافي... هيه ظلمتك و يمكن هاد تكفير عن ذنوبها.. ما رضيت بالي الله قسمو الكم و ما صبرت و ظلمتك انت و ابنها و المرا الي اتجوزها...و هاد الله كاتبو يصير فيها سواء دعيتي او ما دعيتي.. انت انتبهي على جوزك و البيبي و ما تظلمي المرا التانيه هيه اصلا مظلومه	03-09-2015 02:37 PM ميس-ميسو التبليغ عن إساءة
6 -	انت في محنة، والله يعينك، لكن التمس لاخيك عذرا، حماتك كانت متشوقة تشوف خلفة ابنها، ولو امك كان حتعمل نفس الشيء مع مرة اخوك. اصبري واحتسبي، وادعي لحماتك بالشفاء، وسامحي واغفري. وزوجته الثانية ما الها ذنب، يعني لازم يعدل بينكم، لكن اذا هي طالبة الطلاق، هذا شيء بينهم	03-09-2015 02:52 PM حسبي الله ونعم الوكيل التبليغ عن إساءة
7 -	اختي انا برأيي الي صار صار واجتك ضره وكونها مضلومه لازم ترفعي عنها الظلم وتتفقي انتي وياها ولازم تخلي زوجك يعدل بينك وبينها وحاولن تكونن مع بعض ع الحلوه والمره وديرن بالكن ع حماتكن حرام قد ما كانت ظالمتك وهي اخدت جزاء ظلمها الك ورب العالمين بغفر الذنوب فكيف احنا البشر	03-09-2015 03:19 PM امونه التبليغ عن إساءة
8 -	هذه رسالة للجميع ( الظلم ظلمات )	03-09-2015 05:54 PM الخبير التبليغ عن إساءة
9 -	مبروك البيبي يا عسل انتي حماتك لا تزعلي منها كانت بدها بعض تشوف احفادها خطي اما زوجك منيح انو بحبك اكتر و احسن ادا بطلق هديك	03-09-2015 10:03 PM بسونة التبليغ عن إساءة
10 -	ادعي لحماتك و احكي مع زوجك يوم الخميس بالليل يزبط وضع ضرتك قوليله رفقاً بالقوارير	03-09-2015 11:20 PM خليل التبليغ عن إساءة
11 -	الحمدلله ان الله اكرمك بالذرية لكن كيف لك ان لا ترضي بالظلم على نفسك و تقبليه على الزوجة الثانية؟ ليس لها ذنب الزوجة الثانية فقد ظلمت هي الاخرى و على زوجك اما ان يسرحها باحسان او ان يبقيها و خصوصا اذا كان قد انجب منها و عليك ان تفهميه بمعاملتها بالاحسان لا ذنب لها وحرام ان يبقيها دون ان يبادلها و لو على الاقل بالاحترام و الاحسان فحرام ان تكون بعصمته دون ان يبادلها ادنى المشاعر فمن الممكن ان تخطأ لانها لا ترتبط به روحانيا .وانا اعلم ان ما اقوله صعب عليك كأنثى لكن ابحثي عن مرضاة الله و لا تبحثي عن ارضاء نفسك كي لا تتحملي ذنب امرأة أخرى. اما بالنسبة لحماتك فان وقع عليك ظلم و دعوت ربك ... فمن للمظلو غير الله. يتبقى انت و اخلاقك و التربية التي نشأت تليها .. فاما ان تقوم على خدمتها كونها ام زوجك و حبيبك فهي تبقى أمه .. و هي فرسة لك لكي تحرري شعورك بالذنب ... و حتى يربى ابنك او بنتك على بر الوالدين فعندما يراك كيف تعاملين امك او ام زوجك يربى على الطاعات ... مهما تكن فالأم .. أم .. وتبقى أم زوجك و عليه ان يرضيها بما يرضي الله لا تظلمي الزوجة الثانية ... يجب ان تصلي انت وزوجك لنقطة المنتصف في هذا الامر اتركي له الخيار و لا تتحملي خطيئتها خصوصا ان انجب منها .. ان لم تنجب فليخيرها ان تبقى على عصمته ام ماذا ... فكيف لها ان تبقى على ذمته و هي لا تحس بشي من جانبه كونه لا يبادلها بأية مشاعر	04-09-2015 12:30 AM Green Eyes التبليغ عن إساءة
12 -	يا حبيبتي طبعا ما حد رح يلومك زوجك هاد بعدين ربنا ما بيراجم بحجارة	04-09-2015 11:15 AM Heba التبليغ عن إساءة
13 -	أرض بالواقع وأحمد الله على عطا واقعي زوجك بالعدالة بيننكما	04-09-2015 01:01 PM محمد الصلاح التبليغ عن إساءة
14 -	إلى امونه ودلع بالله عليكي مش تعليقات مهند صمادي يضحك شو يعني حماتي اقطع الله يجزيك يا اخ مهند انا بشك عمرك 16 سنه فقط	04-09-2015 05:18 PM مها احمد التبليغ عن إساءة
15 -	والله يا مها شكله مهند الصمادي جاي ع باله يقطع حماته لانها جالطيته واقطعععععععععععععع واقطع	04-09-2015 08:41 PM امونه الى مها التبليغ عن إساءة
16 -	ما كل ما يتمناه المرء يدركه تجري الرياح بما لا تشتهي السفن يجب ان تتقبلي الواقع وعيشي مع ز وجكي حياه طبيعية	05-09-2015 05:57 AM يحيا المبيضين التبليغ عن إساءة
17 -	لا تزعلي ولا تحزني هدا الي قدمته لاقته وربنا كبير بينصر المظلوم بقوله غز وجل (وعزتي وجلالي لانصرك ولو بعد حين) هدا كلام رب العباد	07-09-2015 02:01 AM ريم التبليغ عن إساءة
18 -	ع كثر ما بسمع حكي من حماتي وما برد عليها بضل ساكتة احترما الها لكبر سنها واحترما لزوجي مع انه الحياة بطل فيها احترام لانه اللي بحترمك احترمه دايما بدعي الله لا يسامحها وكل ما عم يخطر ببالي شو سمعتني حكي وانا متل الهبلة ما ادافع عن حالي بدعي الله لا يسامحها.	07-09-2015 01:27 PM مش انا يلي بسامح ربنا يلي بسامح التبليغ عن إساءة
19 -	والله يا اختي ليش ضميرك بأنبك هدا شيء من الله وخليها بستاهل لانها هي الي جابت لحالها البى وانتي دعيتي ودعوة المظلوم مستجابة وزوجة الزوجك اذا طالبه الطلاق خليه يطلقها مشان ترتاح كونها مو مرتاحه حتى زوجك يظلال الك لحالك والعقباي لعند حماتي لانها اظلم من الظالم والله واحمدي ربك انه زوجك معك وبحبك والله ارزقك طفل والله يسر امرك ويفرجها عليكي وع امة محمد أجمعين	14-09-2015 06:46 AM سميه الهلالات التبليغ عن إساءة