أبي يريد تزويجي ليقدر هو أن يتزوج

19-07-2014 09:14 AM

تعديل حجم الخط:

سرايا - سرايا - مرحبا انا عمري 27 سنة
كنت عايشة مع امي واخي وبابا امي كانت علاقتي مع امي اكتر من ام لبنتها كانت ام واخت وصديقة وكل شي بحياتي
توفت امي من 4 اشهر واخي اتزوج قبل وفاة امي وهلا انا عايشة بالبيت انا وبابا
المشكلة حاسة انو بابا بدو يتزوج بس كان اتفاقنا انا وبابا لما انا اتزوج هو يتزوج
وانا لهلأ نصيبي ما إجى
مشكلتي بحس حالي ثقيلة بالبيت وبابا صار بس بدو يزوجني ويقنعني بعريس ما بيخلف مشان هو يتزوج
والله تعبت من الموضوع.. شو اعمل؟؟
اطلع من البيت وإلا اوافق وانحرم من ان اكون أماً وإلا استنى نصيبي وإلا أطلب من بابا يتزوج
شو اعمل.. بدي حل؟؟

لمتابعة وكالة سرايا الإخبارية على "فيسبوك" : إضغط هنا

لمتابعة وكالة سرايا الإخبارية على "تيك توك" : إضغط هنا

لمتابعة وكالة سرايا الإخبارية على "يوتيوب" : إضغط هنا

طباعة

المشاهدات: 36754


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	19-07-2014 09:14 AM سرايا
2 -	خليه يتزوج وضلي معه ليجي نصيبك	19-07-2014 09:36 AM لمار التبليغ عن إساءة
3 -	الافضل تخليه يتزوج هو لانه المثل بحكي اعزب دهر ولا ارمل شهر. وانتي اخطبيله وحدة تحبيها و ترتاحيلها. وانتي لا توافقي علي اللي ما بخلف لساتك صغيرة استني نصيبك براحتك واللي مقتنعة فيه.	19-07-2014 09:39 AM راي معروف التبليغ عن إساءة
4 -	ابقي في البيت وزوّجي - انت - أباك وكوني ابنة عاقلة واعية تؤمن أن الموت حق وأبوك بحاجة إلى الزواج ولن تكوني حجر عثرة في طريقه وأسأل الله أن يأتيك الزوج الصّالح	19-07-2014 09:49 AM ورد الحمزات التبليغ عن إساءة
5 -	خلي بابا يجوز وانت انتظري نصيبك	19-07-2014 09:56 AM حرام اللي بصير التبليغ عن إساءة
6 -	بيتي استخارة و وكلي امرك لربك .. ابوكي ملزم فيكي و حتى لو تجوز و انتي لسه عنده شو المشكله .. ما في حد عاقل برمي عرضه لشارع	19-07-2014 10:00 AM م.احمد التبليغ عن إساءة
7 -	شو هالمشاكل يلي المحرر قاعد يطرحها ..... هاي ما بدها روحه للقاضي الا بجي نصيبه بالاول يتزوج .. خلي ابوكي يتزوج وانتي اتزوجي على راحك ... شو هو الاشي العظيم والداعي الي جعلكو تتفقو انه ما يتزوج الا لما انتي تتزوجي .......؟ ما قادر استوعب =============== المحرر : الرجاء من الأخ البلقاوي احترام القراء والمعلقين وأصحاب المشاكل والمحررين .. فنحن لا نتدخل بالمشاكل بأكثر من طرحها وشكرا	19-07-2014 10:00 AM البلقاوي التبليغ عن إساءة
8 -	يعني ما صار 4 شهور وصار بدو يتزوج ومستعجل؟؟؟ وكيف بتحكي انك حاسة وبنفس الوقت متفقين على زواجو؟؟؟ وازا بدك تطلعي من البيت وين بدك تروحي؟؟ عموما الله يهونها عليكي بس ما في داعي لاستعجال الوالد للزواج يعني مو مراهق هو عشان يستعجل كل هالقد	19-07-2014 11:26 AM عاشق التبليغ عن إساءة
9 -	خليه يتزوج وانتي لا تتسرعي واستني نصيبك لانه حرام عليكي تحرمي ابوكي من ان يعيش حياه طبيعية	19-07-2014 11:32 AM محروم التبليغ عن إساءة
10 -	القصص الاربعة الواردة في سورة الكهف ترتبط كلها بمحور واحد انها تتحدث عن فتن الحياة الاربعة أعانا الله من شرِها وهي :::: 1. فتنة الدين...قصة فتية أهل الكهف...والعصمة منها مرافقة الصحبة الصالحة وتذكُر الآخرة.....2. فتنة المال ...قصة صاحب الجنتين...والعصمة منها ...فهم حقيقة الدنيا والاخرة فالملك كله لله....3. فتنة السلطة....قصة ذي القرنين...والعصمة منها بالإخلاص في العمل لله.....4. فتنة العلم...قصة موسى عليه السلام مع الخضر ....والعصمة منها التواضع مها بلغ شأنك لانَ فوق كل ذي علم عليم .......اللهم عافنا من الفتن ما ظهر منها وما بطن....اللهم صل على محمد وعلى آله وصحبه	19-07-2014 12:06 PM همسة إيمانية...أهمية سورة الكهف التبليغ عن إساءة
11 -	شو المشكلة اختي ^^خلي ابوكي يتزوج بدون ما يضطر يزوجك اي جيزة وتندمي عليها بعدين لاتآخذيني انت كبيرة بتقدري تعتني بامورك بوجود زوجة اب وان شاء الله بيجي نصيبك بسرعة ربنا كريم والله يرحم ما فقدتي	19-07-2014 01:17 PM مجرد رأي التبليغ عن إساءة
12 -	خليه يتزوج وعيشي معهم ليجي نصيبك	19-07-2014 01:46 PM اردني اصيل التبليغ عن إساءة
13 -	السلام عليكم اول اشي هذا حق والدك انو يتزوج سنة الحياة بالنسبة للخاطب انو عقيم انا ما بنصحك توافقي حتى لو ظليك في البيت عند والدك وزوجته ارحم من انك تفقدي اﻻمل في الانجاب الله يكتب الك الخير استخيري لله لن يضيعك	19-07-2014 02:54 PM استغفر الله ولا حول ولا قوة الا بالله التبليغ عن إساءة
14 -	اكثري من الاستغفار وادعي الله في هاي الليالي المباركة .....العشر الاواخر من رمضان ........... ونصيحة لا تخليه يتزوج وانتي عنده ...	19-07-2014 06:37 PM ........... التبليغ عن إساءة
15 -	كيف ممكن الواحد يبعث مشكلتو ارجو الاجابه؟	20-07-2014 01:31 AM ساعدوني التبليغ عن إساءة
16 -	خليه يتزوج وانتي اختري العروس	22-07-2014 10:11 AM محرومه التبليغ عن إساءة