"أخو زوجي" وعائلته يدمرون حياتنا

01-06-2014 08:45 AM

تعديل حجم الخط:

سرايا - سرايا - انا امرأة متزوجه من ابن خالي وعندي بنت وكنا عايشين مع أهل زوجي في بيت أهله "بيت العائله" وعنده إخوان ومتزوجين وكلنا ساكنين في نفس البيت ..

صارت مشاكل بين الكناين بسبب الاطفال وغيرها.. ولهيك قرر خالي " ابو زوجي" يبيع البيت ويشتري قطعه ارض كبيره ويوزعها على اولاده وكل واحد يبني له شقه عليها.

فرحنا بهذا الحل وبعنا البيت واشترينا ارض

وفعلا بنينا كل واحد بيته الخاص ما عدا اخو زوجي الاكبر منه ..وقال انا مامعي فلوس ابني بيت حاليا الا بعد شهرين تطلع لي سلفه وابني البيت ..

ولهيك قرر يسكن معنا في بيتنا هو وزوجته واطفاله الثلاثه !!

مرت الشهور وصار موضوع البناء مسمار جحا.. ويضلوا يقولوا ما طلعت لنا السلفه..وبنحاول ندبر قرض ..ومش عارفة شو ..

والمشكله اطفالهم لا يطاقون.. خربوا كل شي في بيتنا.. الابواب والشبابيك وكل شي جديد دمروه ..

وضربوا بنتي وانا 24 ساعه مخنوقة في الحجاب بسبب وجود اخو زوجي بالبيت ..

وزوجي متنكد من لبسي الطويل والحجاب وصار يتحجج علي بالمشاكل ..

والمشكله مش قادرين نطردهم لأن لهم افضال كتير علينا وما بدنا يطلعوا زعلانين.. بس هم عندهم سياره - اخر موديل - يقدروا يبيعوها وبينوا بيتهم .. بس ما بدهم يبيعوها ..وبيحكوا كيف نعيش بدون سياره ؟؟

انا صرت افكر نترك البيت ونروح نسكن ايجار بسببهم لأن زوجي صاير عصبي وحياتنا صارت كلها مشاكل

ارجوكم ساعدوني شو الحل ؟؟

طباعة

المشاهدات: 68230


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	01-06-2014 08:45 AM سرايا
2 -	يمكن الجماعة حابين بيتكم ... انا برأيي انو اعرضوا عليهم يشتروا البيت وبهاي الطريقة توصلهم الفكرة انكم متضايقين من وجودهم ....	01-06-2014 08:56 AM ابن البادية (العجارمة) التبليغ عن إساءة
3 -	(لهم افضال علينا ) المفروض تتحملو ومشاكل الاطفال عند الجميع موجوده والصبر احسن مفتاح الفرج والله يفرجها على كل انسان	01-06-2014 09:03 AM عامر غانم التبليغ عن إساءة
4 -	شو هاد خذو السياره وأعطوهم البيت واستأجرو	01-06-2014 10:59 AM هبله التبليغ عن إساءة
5 -	انا انصحك بالصبر والدعاء والتضرع الى الله والزمي الاستغفار والصدقه , لن يضيع الله رجائك به	01-06-2014 11:16 AM مناصره التبليغ عن إساءة
6 -	بتصور انه مشكلتك الحالية اهون من المشكلة السابقة...بيت بعيلتين احسن من بيت فيه اكثر من عيلتين...ممكن قعدة صراحة لطيفة بين زوجك و اخوه تحل كل هاي المشاكل و تعيشوا بنفس البيت مؤقتا لحد ما ربنا يفرجها على اخو زوجك....و بما انهم الهم افضال عليكم معناته لازم تعامليهم بالمثل و احسن كمان و يكون صدرك رحب و انتي لازم تخففي على زوجك...انتي بامكانك تخلي زوجك هادي الاعصاب و تنسيه المشاكل بكلمة حلوه و كوني جنبه بهالمشكلة....صدقيني رح يهدى و تروح عصبيته...بس ديري بالك تحكي معه و هو معصب....خليه لما يهدى و يروق بعدين لاطفيه بالكلام الحلو و العقلاني ...و طبعا دائما المعاملة لازم تكون لوجه الله تعالى......و ربنا يجيب الي فيه خير	01-06-2014 11:36 AM اعزب قاعد بتعزب التبليغ عن إساءة
7 -	شكله اخو زوجك هدفه يشلّحكم البيت ويطفّشكم منه!!!! الحل الوحيد انهم يتركوا بيتكم ما في نقاش!!! مهما كانت افضاله عليكم بتوقع انكم رديتوا افضاله بإقامته عندكم كل هالفترة،،،، احكي لوالد زوجك "حماكي" خلّيه يتدخّل ويحل هالمشكلة بين زوجك واخوه والاهم احكي مع سلفتك وفهميها انها تربّي ولادها وتنتبه لتصرفاتهم!!!!	01-06-2014 12:55 PM Black Zoro التبليغ عن إساءة
8 -	اختي ادعي لله انه الله يخلصكم من هالوضع برضا كل الا طراف ... لما خالك قرريبيع البيت الكبير وتوزيع الارض على الجميع هل كان من ضمن الحلول انه الاب والام يسكنوا عند ابن .واخو زوجك بوضعه الصعب يسكن عندكم بهالحالة الله يعينكم بدك تتحملي (هادا اتفاق لحين ميسرة )بس مش تتركي بيتك ربك كريم وبيفرجها.. اختي في كتير ناس راكبين سيارات فخمة بس بالاقساط ولما يبيعها (مستعملة) بنزل سعرها بس ما بتعمر بيت !!!الحل بايد زوجك اذا بده يرتاح ببيته وبدون ما يشعر اخوه انه ناكر للمعروف يقترح عليه ياخد قرض ويعمر ويساعده بالموضوع وانت من ناحيتك لما اخو زوجك بيجي خدي اولادك وضلي بغرفتك 0تحملي) ومش غلط لو فاتحتي سلفتك بالموضوع لانه صراحة مش وضع مريح وحتى شرعا فيه ظلم الك ويمكن لسلفتك كمان وساعتها استبدال السيارة بسيارة (ارخص) تفي بالغرض وبتساعد بالبنا الله ييسر امرك	01-06-2014 01:28 PM لانا التبليغ عن إساءة
9 -	هاد استغلال طلعوهم	01-06-2014 02:36 PM حيرانه التبليغ عن إساءة
10 -	شكلو مؤ نافع معك اللجميل وقصتك مبهره كتير ومش صحيحه والله نسوان اخر زمن	01-06-2014 02:52 PM اردنيييي التبليغ عن إساءة
11 -	اختي أفضال اخو زوجك ما ينساه زوجك بس شيء ونمو يعني دخلو عمك حماتك بالقصه والله ظلم لابسه حجاب بيتك والمفروض انو اخو زوجك يتقي الله في اخوه وفي زوجته يعني لا انتو مرتاحين ولا هم مرتاحين. وقاضي الأولاد شنق حالو اسلم حل عمك يدخل بالموضوع اذا زوجك بخجل يحكي مع اخوه عنجد قصتك غريبه اخوي على راسي بس ما يخنقوني ممكن تحكي قدام سلفتك أنكم بدورنا على بيت للإيجار لفترة محدودة بس يخلصوا هم بيتهم. عالم غريب شيء بسطح الله يكون بعونك يارب	01-06-2014 02:52 PM مع لانا ولكن التبليغ عن إساءة
12 -	بدك تصبري وتحتسبي عند الله اعتبري انه الموضوع هاد صاير مع أهلك وإخوانك	01-06-2014 03:35 PM المايستروو التبليغ عن إساءة
13 -	ييييييييييي الله يعينك، لو انا مستحيل من سابع المستحيلات اقبل اخوي ومرته يعيشوا عنا في بيت واحد لاني ما بحب حدا يقيد حريتي، يييييييي عنجد الله يعينك، فش حل غير انك تصبري وخلي زوجك يحكي بشكل جدي مع اخوه وبطريقة مؤدبة اللي ما يطلعوا زعلانين انو يحل هاي المشكلة ويحاول يدور على بيت ايجار او يتصرف ايا اشي ا لمهم يدبر حاله هو وزوجته ويطلعوا من عندكم لانو عيلتين في بيت واحد مصيبة الكم بصراحة وما بتاخدي راحتك لا بنوم لا بأكل لا بلبس ، الله يكون بعونك.	01-06-2014 07:34 PM نسرين الشمايلة التبليغ عن إساءة
14 -	هاد بيتك اوعي تطلعي منه تعب جوزك الافضال سديتوها بسكنتهم عندك لا تسكتي على اوعي تتركي بيتك	01-06-2014 11:50 PM ام هاشم التبليغ عن إساءة
15 -	هاد بيتك اوعي تطلعي منه تعب جوزك الافضال سديتوها بسكنتهم عندك لا تسكتي على اوعي تتركي بيتك	01-06-2014 11:50 PM ام هاشم التبليغ عن إساءة
16 -	لانا كم عمرك وشو بتشتغلي تخصصك يعني إذا ما فيها إرعاج	02-06-2014 01:35 AM انسان التبليغ عن إساءة
17 -	خلي زوجك يوخذ قرض و يقرضه لأخوه. أو خلي اخو زوجك يبيع قطعة الارض تبعته و يشتري شقه مبنية. أو كل سنه يعيشو عند ناس.	02-06-2014 05:20 AM ... التبليغ عن إساءة
18 -	لو لو لو اخ زوجك عنده ادنى نظر وبعض الاحساس لما قبل على نفسه هذا الوضع انه انسان ما عنده احساس ان الاخر متاذي من وجوده لا اعتقد احد يطيق هذا الحال لا خصوصية لا راحة من البداية انت وزوجك غلطانين اللي قبلتوا انه واسرته يعيشون معكم فهم الان احتلال ومريحين ومش سائلين بحدا فتحملي انت وزوجك	02-06-2014 06:06 AM ورد الحمزات التبليغ عن إساءة
19 -	صباح الخير اخ محب فلا تلوموني عسى المانع خير ان شاء الله	02-06-2014 06:54 AM ..... التبليغ عن إساءة
20 -	الله المستعان الله يفرجها يعني اذا امبدي السيارة عن البيت معناتو مافي خير لانه اكيد البيت اهم مافي كلام بس معقول هو ومرته مرتاحين يعني ماخذين راحتهم مستحيل يعني الزوج والزوجة مابصدقو لولاد يطلعوا على المدارس عشان يوخدو راحتهم و يشتغلو مع بعض صح كيف هدول عاملين انا مش عارف	02-06-2014 09:07 AM ابو ريان التبليغ عن إساءة
21 -	اختي مثل وضعكم لا يطاق احنا لما يجي عنا جوز اختي من الضفة لشغل عنا في الاردن اذا اطال في القعدة عنا بنحس مرارتنا بدنا نشيلها لانو ما بنقدر قاعدين طول النهار في الحجاب ويوثر صحيا واجتماعيا لان كل زوجه لها خصوصية في بيتها ومع زوجها واولادها ويكره الزوجة ان تعيش مع حماها في نفس البيت قول الرسول الله صلى الله عليه وسلم (( الحمو الموت ))وهي مباح لها ان تكشف امامه شعرها فكيف امام اخو زوجك التي لا يجوز لكي ان تكشفي شعرك امامه وهو ليس من المحارم	02-06-2014 10:36 AM حبي لربي التبليغ عن إساءة
22 -	الله يعينك شكلهم دار سلفك ماعندهم ذوق ولابيعرفوا الادارة وحسن التصرف بالمصاري لانهم بامكانهم يبيعوا السيارة لكنهم مش حاسين عدمهم . أحسن شي تضلكم تتأفأفوا منهم بلكي حسوا على دمهم.	02-06-2014 10:37 AM دلع الخالدي التبليغ عن إساءة
23 -	تجلسي مع زوجك ...وتشرحي له مدى المعاناة التي تواجهيها بالإضافة لطول الفترة التي مكثوها...ولكثرة المشاكل التي سببها وحسب وصفك وجود اخوه وزوجته...لذلك تطلبي منه ان يحدث اخاه بطريقة ادبية بالوضع الموجود ويسعوا لإيجاد الحلول المناسبة...الله اسأل ان يفرج همك وييسر امرك ويجمعك بزوجك على خير ويصرف عنكما كل مكروه...محب فلا تلوموني	02-06-2014 11:14 AM محب فلا تلوموني التبليغ عن إساءة
24 -	انتو وين عايشين بالعصر الحجري ضل هيك سواليف والاخوه عايشين مع بعض هذا زوجك معتوه واخوه اعته منو	02-06-2014 02:42 PM حنتوش التبليغ عن إساءة
25 -	سجليهم مفوضيه وايعثيهم ع مخيم الزعتري	03-06-2014 04:22 AM مجنووووووووون التبليغ عن إساءة
26 -	همه يطلعو يستأجرو مو انتو..واللي بزعل اخرته برضى...وانتو ماقصرتة معهم كل هالمدة يعني رديتو افضالهن	03-06-2014 08:03 AM هاد رأيي التبليغ عن إساءة
27 -	حبيبتي الدم مابيسير مي وحطي حالك مكانهم وأحتسبي ألاجر عند رب العباد .والكي غرفه خاصه تاخذي راحتك فيها .واذا معكم مصاري زياده خذولهم بيت ايجار ع مايزبطو حالهم شوي ؟	04-06-2014 01:20 AM سفيرة الصحرائ التبليغ عن إساءة
28 -	شو يعني مفضل عليكم كتتير خوان مجبورين ببعض بس هاي مو عيشه لا تضلي هيك بكرا زوحك ما بيتحمل هيك وضع وبستغني عنك يعني كأنكم مو متزوجين وين خصوصيتكم واسراركم حبيباي خيري زوجك بينك وبين هاي العيشه لانو مجبور يخليكي مرتاحه والسكن ببيتك معززه مكرمه ومرتاحه أأل حئوئك اجلسي مع زوجك وفهميه بالكلام الحلو والاسلوب المقنع وازا ما وافئ بكون اختار اخوه وزوجته بعدين كيف هديك سلفتك راضيه غريبه بس طبعا صحلها اوتيل خمس نجوم وملاهي لاولادها وهي مرتاحه	11-06-2014 12:51 PM سنسونه التبليغ عن إساءة