جارتي لا تمل من البقاء عندي طول الوقت

31-05-2014 08:49 AM

تعديل حجم الخط:

سرايا - سرايا - بدي أحكي لكم مشكلتي .. بتعرفوا القطط اللي " بدبقوا " بالبيت احيانا وما بتفك منهم الا لما تنقلهم بالسيارة على تاني بلد؟ ويمكن يرجعولكم تاني يوم الصبح على باب البيت ؟؟؟

جارتي هيك ،، اي والله طقت روووحي .. لازقة في لزقة رهيبة .. دائما بدها تطلع عندي .. ومش مرة مرتين وتلاتة خلال النهار .. وبدون هدف..

لو تضل قاعدة عندي وفاتحة الفيس من تلفونها المهم تضل قاعدة!!

ومع إني ما برد زياراتها إلا إنها بتضل رايحة جاي ..حاولت بشتى الطرق انها ما تيجي مرة بقولها علي شغل بتقول باجي اساعدك .. وبتضل قاعدة وتستنى الضيافة !!

اذا بدرس الأولاد برضه بتضل قاعدة ما تقولوا الا إنه مدفوع لها راتب انها تضل عندي!!

انا من الناس اللي ما بحب الخلطة الزايدة وما بحب اتعرف على الناس اكتر من اللزوم لعلاقة اجتماعية محترمة .. وهي من النوع اللي بتفوت الناس بكل تفااااااصيل حياتها..

متى تصحى ومتى نامت وايش افطرت وايش تغدت - واجلكم الله - حتى لما تفوت الحمام لازم تقول!!

والله حاولت بكلام منيح وبكلام قاسي ما زبط معها اشي ..

والادهى انه ما بيفرق معها اذا كان زوجي بالبيت او لأ .. عادي بتفوت وبتقعد وبتعيش حياتها طبيعي والله عجزت ما ضل ولا وسيلة

انا ما بدي اقطع علاقتي معها بالمرة لانها جارتي وبخلقتي .. وبنفس الوقت ما بدي تضلها ساكنة عندي !!

وحتى لما ما تيجي عندي بتضلها تتصل في كتيرررررر واذا ما رديت بتطلع وبتنزل بوستات على الفيسبوك!!

طققتني روحي .. كل اشي بتشوفه لازم تنزله على صفحتي !!

للامانة البنت منيحة مش عاطلة .. بس دبقة !! وانا بمل

يعني جوزي لما يضل طول النهار بالدار بتطق روحي .. كيف لو كان حد غريب ؟؟

وما بقدر اخد راحتي انا واولادي وللاسف صرت اخلي اولادي يكذبوا عليها من شان اخد كم دقيقة راااحة

طولت عليكم بس جد روحي طقت ..ساعدووووووووني !!!

طباعة

المشاهدات: 61375


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	31-05-2014 08:49 AM سرايا
2 -	ارحلو من المنطقة واخلصي منها	31-05-2014 10:16 AM مهدي التبليغ عن إساءة
3 -	بسيطه الحل ابسط منه ما في ...طبقي كلام الله نزل بالقرآن استاذنوا واذا قيل لكم ارجعوا فارجعوا...ما فيها شي احكي هالحكي لجارتك انوا انا مش فاضي واما افضى برن عليك وبتيجي لانه الوقت مش كه للزوار في للراحه في للشغل وفي لزيارة الاقارب..بس برجع بحكي انت من اعطاها وجه ز..بتعذر منك مش فاضيه اليوم وترن قد ما بدها والفيس ممكن اغقله وهذا يظهر عندها...الحل بيدك لا عند غيرك	31-05-2014 10:45 AM سوزان التبليغ عن إساءة
4 -	شكلها برامه الله بعينك بدك تسكري باب البيت وما تفتحي وتحكي اللي تحكي سكري حسابك عالفيس بوك واعملي غيره وغيري خطك او بترحلي	31-05-2014 11:21 AM بياع الورد التبليغ عن إساءة
5 -	هههههههههههه ذكرتينى باميله هههههه بس على مين حكيتلها بالعقل يا جارة انا وحدة مزاجيه مو دايمآ بكون فاضيه وبالي رايق ولما ترن الصبح صرت ارد وحكيلها انى نايمه وكذا مرى المحلها انى ما بحب الناس مع انى اعشق الناس خفيفة الدم هههههههه وهيك جارتى صارت لما بدها تيجينى اترن تستاذن واحكيلها مو فاضيه وعندي شغل ههههههه وسلامتك	31-05-2014 11:44 AM رباب شويات التبليغ عن إساءة
6 -	كوني معها صريحة واعلميها انه مرحب بها ولكن في اوقات معينة واطلبي منها تخفف من زياراتها	31-05-2014 12:35 PM ورد الحمزات التبليغ عن إساءة
7 -	انا جارتي نفس الشي كانت.. فصرت افتعل مشاكل بيني وبينها لحتى بطلت تطلع وارتحت منها	31-05-2014 12:54 PM soso التبليغ عن إساءة
8 -	هي تقضي أوقاتا ممتعة في ربوع بيتك ، وأنت تستشيطين غيظا. هي معتدية على حريتك ومصالحك ، وأنت صاحبة حق. فيبقى القرار لك في أن تبقي الوضع على ما هو عليه وتعيشي معاناة يومية تؤثر في سلبا في مزاجك وصحتك ، أو أن تتحلي لشيء من الجرأة وتطلبي منها تنظيم زياراتها لمنزلك ولست مضطرة لإعطاء أي تبريرات طالما أنها تملي عليك بحلول لتلك التبريرات. فإن لم يعجبها وقاطعتك فيكون هذا قرارها وتأكدي أنك لست خاسرة. فمن حقك الدفاع عن مصالحك ومملكتك	31-05-2014 01:13 PM ليلى التبليغ عن إساءة
9 -	طوريها و اخلصي	01-06-2014 12:00 AM moath التبليغ عن إساءة
10 -	كل شي بالحياه الو حدود ......الصراحه راحه مو لهدرجه زيداها كتيييييير يعني لو وصلت ماتحكي معها باسوء الحالات بكون احسن وماتحكي منيحه لو منيحه مابتعمل هيك	01-06-2014 01:23 AM snow roze التبليغ عن إساءة
11 -	الجار المزعج الحل الوحيد هو يكون الواحد معاه رسمي	01-06-2014 01:42 AM محارب التبليغ عن إساءة
12 -	حطيلها صابون عالدرج بتتزحلق وبتنكسر أجرها بس أوعك وهي نازله مو طالعه عليكي ولا بتقعد عندك سنه لا يجبر العظم هههههههه	01-06-2014 01:49 AM هبله التبليغ عن إساءة
13 -	قدامك حلين احلاهما مر. يا ترحلي يا تسكتي	01-06-2014 05:06 AM ابن البحرررر (عقباوووي التبليغ عن إساءة
14 -	الصراحة...الحكي مبااااااااشرة معها وبدون تردد...بينتهي الامر..انا مع الناس هيك ..بيزعلوا بس بيتعودوا عليي وبصراحة اللي بيزعل بيخفف..	01-06-2014 08:24 AM SAFEERA التبليغ عن إساءة
15 -	اختي الكريمة عليكي باتباع الصراحة معها حاولي معها وقولي لها ان زوجك يتضايق من وجودها ....	01-06-2014 09:26 AM ابن البادية (العجارمة) التبليغ عن إساءة
16 -	ههههههههههههههه ..... ابدعتي بالحل.	01-06-2014 03:40 PM ابن البادية (العجارمة) إلى هبلة التبليغ عن إساءة
17 -	كل مشكله وإلهإ حل .. ياحبيبتي انا شايفه ان جارتك ع نياتها وماعندها إي اشي سلبي بس بدها تلميحات منك .بحكيلك كيف بتعملي اول حاجه .انك بتقولي الله يعينا ع مسولية البيت والاولاد والزوج وانك ماعندك وقت في استقبال الضيوف ولانك جارتي وعزيزه علي بقدر افتحلك الباب وقعد معك شوي وحطي زوجك بالصوره وانك منضمه وقتك لأستقباله لم بيرجع من الدوام وعندكم وقت لراحه من رجعة زوجك من عمله لبعد العصر انك بتحكيلها مابتقدري تستقبلي اي حدا وانتي لما تفضي انزلي عندها واكسري الروتين بس ودها دها ؟ ؟	04-06-2014 12:59 AM سفيرة الصحراء التبليغ عن إساءة
18 -	ههههههههههخههههههههههههخههههههههههههههههههههههههههههههههههههخخخخ أختي الي معلقه ( هبله) هي الحل المناسب ههههههه	08-06-2014 09:28 PM ملكة بلا مملكة التبليغ عن إساءة