ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.

لمي الاحذيه بشوال وزتيهم تا أشوف كيف بدهم يروحو يشترو بطيخ ههههههه شو يعني مهفهفة ههخهههههه

ستي،،، مشكلة البنايات إنك ما بتضمني جارك ومدى أدبه أو نظافته،،، لهيك حكوا زمان "اختار الجار قبل الدار"،،، الحل إنه زوجك يحكي مع جاركم وبأسلوب يستفز فيه الاخلاق الحميدة وحق الجار عالجار،،، إذا ما نجحت هالطريقة إذاً بوجهكم عالمتصرّف،،، المتصرّف بحلها وبجبرهم يوقعوا على تعهّد بعدم إيذاء الجار بهيك سلوك وتصرفات،،، أنا جرّبت هالطريقة ونجحت تماماً،،، ولو فرضنا ما زبطت هالطريقة بنصحك تصبري على مبدأ "اصبر على جار السوء،، يا برحل يا بتيجي مصيبة تقلعه".... تحياتي

أختي رسولنا الكريم كان له جار يؤذيه إقراي تصرف رسولنا المصطفى مع جاره ورح تلاقي الحل كلنا نهتدي بهديه عليه أفضل الصلاة والسلام

بدك الصراحة هاي المشكلة موجودة عند كتير من الناس خاصة لما يكون واحد متخلف حضاريا وساكن جنبواحد متحضر ونظيف بتلاقي بيشكي منه لكن قد مايكون الواحد مابيعرف النظافة ودايما رامي قذارته بباب بيته لكن أكيد الواحد لو يسمع انه جاره متضايق من هالشي غير بسرعة يعتذرله وأكيد رح يحس بخجل بس الظاهر من كلامك انه جيرانك مابيستحوا كونك نبهتيهم على هالشي . الله يفرجها عليك.

أنا بستغرب كيف في بعض الناس مابيستحوا من القذارة بستغرب من بعض المارين بالطريق العام انه بين مجموعة كبيرة من الناس واحد بيرمي ورقة أو بتكيت عصصير أو كذا بدون مايستحي .

أنا بستحي بس أسمع انه مدينة عمان هي أنظف عاصمة بالعالم ؛ لانه يلي بيسمع عن هالاشي بفكر انه شوارع الاردن كلها نظافة لكن بالواقع العكس تماما ؛ يعني السياح بينخدعوا بهالاشي وعمرهم مارح ييجوا عالاردن أو يشجعوا السياحة للأردن من كتر مافي ناس بتحب الزبايل وبترمي الاوراق عالشارع.

أستغفر الله العظيم شكلهم جيرانك مابيستحوا ولاعندهم زوق .

اشتريله خزانه حطيها عند باب البيت او جيبي كرتونه زتيهم جواتها و الزباله اشتري سطل لالهم بلكي عقلهم السطل اشتغل شوي

واااااو معقول في ناس قليلة زوق لهالدرجة تحكيلهم مرات ومرات عن اشي انتي مضطرة تحكيه وهم مش حاسين على دمهم ألله يكون بعونك .

الجار قبل الدار .. ارحلو من الحي ... الظاهر انه جيرانكو حفرتليه

روحي للمحافظ وبكتب عليهم تعهد

بلغي الامانة اذا ما زبطت الامور كبي الحفايات والكنادر بالزبالة وكبي فونيك قدام البيت مرة على مرة بتربوا وسلامتك

اختي صباح الخير اولا وثانيا فاقد الشىء لا يعطيه ولا بظلي ليوم القيامه تحكي ما في فايده مش 100 مره انا مثلك تماما بعاني من هيك وضع بنكس وبنبه ولا حياه لما تنادي والبليد لو بسكنيه وين ما سكنتيه هو هو ما بتغير ولا بتعلم لا من دين ولا من الناس ولا اي شيء بعلمه شوفي بس تمغيب شوي تنهال كياس الزباله من كل مكان عندي بقطعوا شارع الجيران الي مقابلي وبحطو الزباله امام بيتي وحدث ولا حرج انا زيك بدي حل مش لاقي واحترت مع هالامه الزباله اعتذر عن التعبير لكن شو بدي اقول وكثير ناس مثلنا بتعاني من هيك مشكله

اذكر اني واجهت نفس المشكلة في نفس العمارة التي اسكن فيها وتعاملت معها بالأسلوب التالي وتكاد حلت وبقي بعض اوراق الشيبس والبسكويت والعصير والذي سببه الأطفال..1.قمت بإلصاق بعض الكلمات التي تعبر عن النظافة (مثل النظافة من الإيمان) وحافظوا على النظافة...2.كتبت مقالة وعلقتها على مدخل العمارة وكان نصها:

رسالة إلى راميـ/ـــة القمامة

1.ايعجبك المنظر2. ام تعجبك الرائحة3.ام يعجبك دخول الفئران لبيتك

4.من اصول الإيمان عدم اذية الجيران لا يؤمن احدكم حتى يحب لأخيه ما يحب لنفسه

5.إن لم تستحي فافعل ما شئت

هذا كان اسلوبي في علاج المشكلة...وللتخلص من القمامة الخاصة بالأطفال سأقوم بتعليق رسومات للأطفال نزلتها من موقع البطاقة الدعوية تحث الأطفال على النظافة باسلوب يتناسب مع عمرهم....واعلمي ان بالكلمة الطيبة والمعاملة الحسنة ولين الجانب تستطيعي اسر قلوب كثير من الناس مهما كانت طباعهم ومهما كانت تصرفاتهم....الله اسأل ان يعينك على التخلص مما تعانين منه ....محب فلا تلوموني

اختي مشكلتك سهلة ويمكن التعامل معها متل مانصحوك الاخوة والاخوات لكن شو رايك باللي جيرانه وسخين وقذرين اخلاقيا خصوصا في ظل الطفرة السكانية اللي بتشهدها البلد بتخليكي تبيعي شقتك ولو بخسارة انا اختي مغتربة وعن طريق جريدة شفت شقة بالجبيهة واشتريناهاوارجعت عالسعودية لما ارجعت بالاجازة صادف زوجي عناصر بحث جنائي وحكولوا عن الوضع الاخلاقي المتردي وبعنا الشقة بصعوبة اللي بشوف مشاكل الناس بتهون عليه مصيبته الله يفرجها

يا بنت ساعديهم مره وجربي شوفي اشتري سطل زباله كبير او اعملي حاويه عند حداد واكتبي عليها الرجاء وضع الزباله هناا الريحه بتخنق وحطيها عباب بيتهم هههههههه واذا ما نفع لمي كل الكنادر وكبيهم باقرب حاويه جكاره شكلهم جكرين وسخين ...الم يعلم بان الله يرى كلو بحسابوووووووووووو

بلغي الأمانة ترشهم بمبيد حشري ناقصنا قذاره الواحد قرفان حاله

فايقه ورايقه احلا شي رح تعمله

عجبتني هاي كلمة "مهفهفة" واهنيكي على الفكر الأدبي بإستخدام جملة (فالج لا تعالج)...

ولا تنسي تاخذي بنصيحة هبلة

شو ست مهفهفة === اليس الجار قبل الدار === اليس الطبع بغلب التطبع = شوفي دار غيرها واشتري الجيرة اولا

مهفهفة اغرب لفظ سمعته بحياتي