أخطأت خطأ كاد يخسرني حبيبي .. ومن خجلي منه اختفيت

24-05-2014 08:36 AM

تعديل حجم الخط:

سرايا - سرايا - انا كنت على علاقه بشاب بنية الارتباط

وخلال علاقتنا عملت شي كان رح يخسرني هالشخص بس الشاب كان اكتر من رائع معي وكان يحبني ويدللني وعوضني عن دنيتي كلها عن الوجع يلي شفته بحياتي وعملني ملكه وحطني تاج عراسه

ورغم الغلط يللي غلطته ما تركتي ولا تخلى عني وضل جنبي وحاول يصلح كل شي

بس انا كنت حاسه انو الي انكسر مستحيل يتصلح وكنت خجلانة أواجهه ولهيك بعدت عنه واختفيت من حياته مع اني بعشقه

ولسه هو عم بيدور علي وبسأل عني الناس

انا كل ما اسمع اسمه واعرف لسه بيدور علي بموووت قهر

مش عارفة أرجع له وإلا أضل مختفية من حياته ..
يا ريت اللي بيقدر يفيدني بحل يحكي ..وله جزيل الشكر

طباعة

المشاهدات: 52278


1 -	ترحب "سرايا" بتعليقاتكم الإيجابية في هذه الزاوية ، ونتمنى أن تبتعد تعليقاتكم الكريمة عن الشخصنة لتحقيق الهدف منها وهو التفاعل الهادف مع ما يتم نشره في زاويتكم هذه.	24-05-2014 08:36 AM سرايا
2 -	طيب شو الغلط اللي عملتيه؟؟؟؟؟؟	24-05-2014 08:53 AM وائل التبليغ عن إساءة
3 -	شو علاقة حب كيف بدك مساعدة وانت غلط وبتركبي غلط على غلط لا هو خطيبك ولا زوجك روحي توبي لربك احسنلك خلي ربنا يوفقك بعريس يستر عليك بدل العلاك لمصدي	24-05-2014 09:43 AM تهامر التبليغ عن إساءة
4 -	طيب هلا مين رح يقبل يتزوج .... لسه لو معك ورقة طلاق اخف بله .... اكون اكون بعون اهلك .... عرفتي هلا ليش الناس بتكره خلفة البنات	24-05-2014 10:51 AM ورق الورق التبليغ عن إساءة
5 -	انتي وين متخبيه بلاش يضل يدور عليكي	24-05-2014 11:33 AM هبله التبليغ عن إساءة
6 -	متخبية ورا الخزانة	24-05-2014 11:49 AM إلى هبلة التبليغ عن إساءة
7 -	غلطك سيجعله يرفضك عندما يصحو ويكون شبع منك ...فاختفي وعيشي بعيدا عنه اشرف لك فشعاره الان -- عسل انا وغيري افضل من ولا شيء -- ولكن بعد حين سيحاسبك حسابا عسيرا على خطئك	24-05-2014 01:39 PM ورد الحمزات التبليغ عن إساءة
8 -	كل الناس بتغلط وما فيها شي واذا لسا بدو اياك كزوجة توكلي على الله واتفقوا وخليه يحكي لاهلك الله يستر على البنات	24-05-2014 03:03 PM خالد مصطفى التبليغ عن إساءة
9 -	احكي لنا الغلط لانو هيك ما بنقدر نوصل لحل وما بحب حدى يتهبل علي احكي وبكل صراحة وكل واحد ورأيو	24-05-2014 03:08 PM لا طلقة روسية ولا فرنسية ما في غير البنت الربداوية التبليغ عن إساءة
10 -	ما اضلي متخبية لانك انتي يلي رح تخسري بعدين واجهيه وبما انو بحبك اكيد رح يفهمك ويسامحك لكن انتي هيك عم بتعزبي بحالك وبتعزبيه هو كمان ولازم تحلي الموضوع الهروب ما رح ينفعك والله يوفئكم	25-05-2014 11:53 PM soso التبليغ عن إساءة
11 -	اختي توجهي لله .. أختي اصلا العلاقة غير شرعية لطالما ما في خطبة أو كتب كتاب... خليه ينقدملك رسمي..و اتقوا الله...لأن ما انت فيه وهم كبير و مؤقت عسى ان لا تكوني للتسلية و مضيعة للوقت اياك و الحرام خلي الله يوفقك و يرضى عنك و يسعدك للابد... خليه يتقدملك رسمي أو اتركيه و الله بعوضك...	26-05-2014 07:11 AM mee التبليغ عن إساءة
12 -	علاقتك غير شرعيه وانت عارفه انك اغلطي ومختفيه استغفري الله وارجعي لعقلك وابعدي عن الحرام .. ولا تقولي ما قلي	26-05-2014 09:31 AM علاقه غير شرعيه التبليغ عن إساءة
13 -	يعتمد ذلك على نوع الخطا الذي حصل....	27-05-2014 09:35 AM رقيب التبليغ عن إساءة
14 -	اخيتي...رسالتك يحتويها الغموض وينقصها كثير من المعلومات ....ولكن الذي انصحك به..اياك من محبة تحرمك من السعادة والحب الحلال...اعلمي ان من احب بغير شرع الله عوقب به والجزاء من جنس العمل وكما تدين تدان....والله يعفو عن كثير...لذلك توبي من اي مخالفات ارتكبت بحق الله تعالى وانظري لمشكلتك..وانظري للشاب الذي يريد ان يرتبط بك كما تقولين...وادخلي احد حكيم يتصف بالحكمة والرحمة والعقل في علاقتك بهذا الشاب ...ويفضل ان يكون من محارمك الثقات...واصلحي ما بينك وبين الله يصلح الله لك جميع احوالك...محب فلا تلوموني	27-05-2014 05:48 PM محب فلا تلوموني التبليغ عن إساءة